Albisteak

Bost emanaldi izango dira Altza, Loiola, Gros, Ibaeta eta Amarako elizetan. Indonesia, Alemania, Letonia eta Italiako koruak izango ditugu Donostian. Kontzertu guztiak debaldekoak izango dira.

Azaroaren 9etik 22ra egingo da aurtengoo Literaktum jaialdia. Bitxia: aniztasuna eta ahots isilak izango da aurtengo edizioaren gai-ildo nagusia. Donostia Kulturak jaialdian parte hartuko duten zenbait idazleen izenak aurreratu nahi ditu: Juan Gabriel Vásquez, Irati Jimenez eta Yasmina Reza. Gabriel Aresti Mug(H)arri pieza eszenikoa taularatuko dela ere jakinarazi nahi da.

VI. Literaktum Txikiak Ilustrazio Lehiaketa antolatu da Lehen Hezkuntzako haurrentzat (6-12 urte). Epea urriaren 26tik azaroaren 10era egongo da zabalik.

Urriaren 13 eta 14 bitartean, Donostiak Fingal konderri irlandarreko eta Tampere hiri finlandiarreko ordezkariak hartu ditu, zerbitzu komunitarioei buruzko Europako City2City Exchange Program egitasmoaren barruan.

Urriaren 14an Argazki-liburuaren Nazioarteko Eguna ospatzen da eta horrek markatuko du San Telmo Museoan STM-GCBC argazki-liburu bildumari eskainitako ikasturte honetako programazioaren hasiera; izan ere, Matthew Genitempo argazkilari estatubatuarrarekin bi saio eta Nagore Legarretarekin gazteei zuzendutako zianotipia tailer bat izango dira urrian. 

Euskadiko Filmategiak eta Donostia Kulturak Billy Wilder. Jaunak esana liburua aurkeztuko dute, Zigor Etxebestek idatzia, Nosferatu Bildumako XIV. zenbakia.

Ander Izagirreren azken liburuaren aurkezpenak irekiko du ikasturte honetako Erronkak programazioa: La mochila. Vida de Muñagorri aurkeztuko du Alberto Muñagorri berarekin batera urriaren 15ean, 19:00etan, sarrera librearekin. 

Hogeita bat urtez jarraian, Donostia Gazteriak Fantasiazko eta Beldurrezko Zinemaren Astean parte hartu eta Gazteen Epaimahaia eratuko du.

Aurten ere San Telmo Museoak Ondarearen Europako Jardunaldietan parte hartuko du. 2026ko leloa Ondarea arriskuan: biziberritu, babestu, berrirudikatu izanik, hiriko eraikin nabarmen batzuk babesteko prebentzio neurriak eta AAk ondarea zabaltzen laguntzeko eskaintzen dituen aukerak izango dira hizpide museoan antolatutako jardueretan.

Abian da irrati-piezen sorkuntza bultzatzeko XII. lehiaketa, eta azaroaren 18a izango da lanak aurkezteko azken eguna.

Donostia Kulturako 2026-2027 ikastaroetan oraindik matrikulatzeko aukera dago.

Zazpigarren denboraldiak generoko zinemarekin lotutako ikus-entzunezko edukiak eskainiko ditu berriro, plataforman doan eskuragarri.

Elhuyarrek eta Donostia Kulturak antolatutako solasaldi-zikloaren hiru saio egingo dira udazkenean: urriaren 6an (Miren Berasategi Zeberio), azaroaren 3an (Garbiñe Elizegi Nabarte) eta abenduaren 1ean (Estitxu Villamor Lomas). Saioak euskaraz izango dira, 19:00etan, Ernest Lluch Kultur Etxeko areto nagusian.

Gaur, 18:00etan egindako bileran, 2027ko Haur Danborradako Danbor Nagusia Euskal Billerako Danborradakoa izango dela, eta Danborradako pertsonaiak, berriz, Amassorrain Ikastolak izendatuko dituela erabaki da.

Antzerkigintza Berriak proiektuan sortutako zortzi lanak xeheki aztertu ondoren, balorazio - batzordeak  Enrique Monteroren Maldita valiente lana hautatu du, bere literatura- eta antzerki-kaudimenagatik.