Albisteak eta oharrak

Donostiako Fantasiazko eta Beldurrezko Zinemaren 34. Asteak, Medialab Tabakalerako autoedizioko txokoarekin eta FNACekin elkarlanean, berriro antolatu du Fanzineen Gerra, berriro ekin dio euskarri horien bidez generoarekiko grina bizia aditzera eman eta aldarrikatzeko.

Abonuak urriaren 20etik aurrera, ostirala, 11:30etan jarriko dira salgai Antzoki Zaharreko leihatilan. Abonuen kupo mugatu bat salduko da.

Laugarren ediziora iritsi da Artea abian proiektua 2023an eta Mikel Otxoteko da aurten parte hartzen duen artista, aurreko edizioetan Nagore Amenabarrok, Oier Iruretagoienak eta Kimia Kamvarik bere lanak aurkeztu ondoren.

Balea Zuria argitaletxeak, Donostia Kulturaren laguntzarekin, DK poesia lehiaketaren 7. edizioaren oinarriak argitaratu ditu. Helburua euskarazko poesia zabaldu eta idazle gazteen lanari bultzada ematea da: 35 urte bete gabe dituzten egile berriei zuzendutako lehiaketa da.

Bigarren urtez jarraian, Beldurrezko Asteak Beldurrola – Sorginei buruzko rol jokoak euskaraz hartuko du. Urriaren 19tik 22ra bitartean garatuko da Egia Kultur Etxean eta Ebla liburudendan, eta beldurrarekin eta aurten zehazki sorginkeriarekin lotutako mahai jokoen partidak egingo dira.

Jarraian urriaren 27a eta azaroaren 3a bitartean ospatuko den Fantasiazko eta Beldurrezko Zinemaren 34. Astean zenbait film luzeren aurrerapena.

Vermines (2023) film frantsesak, Sébastien Vaniček zuzendariarenak, inauguratuko du urriaren 27an, Antzoki Zaharrean, Donostiako Fantasiazko eta Beldurrezko Zinemaren 34. Astea. Aurten urriaren 27tik azaroaren 3ra bitartean garatuko da, Antzoki Zaharrean eta Victoria Eugenia Antzokian, eta hiriko beste eszenatoki batzuetan.

San Telmo Museoaren bildumako Ignacio Zuloagaren bi lan, Torerillos en Turégano, 1913 (Torero gazteak Turéganon) eta Parisinas (en Saint Cloud), 1900 (Paristarrak (Saint Clouden)) Alemaniara eraman ditugu, Mythos Spanien. Ignacio Zuloaga 1870–1945 (Espainiako mitoak. Ignacio Zuloaga 1870–1945) erakusketan parte hartzeko.

Lau mural egingo dira auzoan irailaren 15etik urriaren 1era bitartean.

Svitlana Omelyanenko Pustovitek irabazi du 2023ko Aste Nagusiko Su Artifizialen VII. Argazki Lehiaketa. Ohi denez, "Erreflexuak" izeneko argazkia, 1.000€ko saria eskuratzeaz gain, 2024ko Su Artifizialen Nazioarteko Lehiaketa iragarriko duen kartelaren irudia izango da. Lehiaketara 35 lehiakideren 87 argazki aurkeztu ziren.

Donostia Kulturak eta Fundación Japónek, Euskadi Japonia 2023 jarduera-programaren barruan eta Fantasiazko eta Beldurrezko Zinemaren 34. Astearen esparruan, Fantasiazko zinema japoniarraren ikonoak – Aguilar-Haraguchi Bilduma erakusketa aurkezten dute; bihar, irailaren 14an irekiko da Okendo Kultur Etxean eta azaroaren 4ra arte egongo da zabalik. Zinemako kartelen eta programen balio handiko bilduma batek ibilbide bat egiten du Japoniako fantasiazko generoaren historia jorian barrenan.

Irailarekin batera, San Telmo Museoak argazki-liburuen programazioari berrekingo dio. Datozen hilabeteotan Eneka Fernandez, Ainhoa Resano, Julieta Averbuj eta Joan Fontcuberta artista interesgarriak izango ditugu gurekin.

Ginmusica eta Donostia Kulturaren eskutik, soinu urbanoei eskainitako zuzeneko bi gau izango ditu Donostikluba Festibalaren hemezortzigarren edizioak. Urriaren 6an Orslok + Haizeatxo ta Tximu arituko dira; hilaren 7an, Khaled + Tinez. Emanaldi biak 20:30ean hasiko dira eta sarrerak salgai jarri ziren irailaren 7an Donostia Kulturaren ohiko kanaletan (loturetan eskuragai).

Gaur eguerdian, Bokado jatetxean, 2023ko Donostiako Estropadetan denborarik onena lortu duten bi traineru gipuzkoarrei (bai emakumezkoen modalitatean bai gizonezkoenean) VIII. ADEGI Kultura Berria Saria eman zaie.

Bermeo Urdaibai bigarren jardunaldiko estropadan eta bi egunetako kopuru orokorrean gailendu da eta, beraz, aurtengo Kontxako Bandera Bizkaiko lurretara joan da. Bermeokoek 19:09,74n gelditu dute erlojua gaurko egunean, eta garaipena orokorra lortu dute 38:30,66 denborarekin.