Albisteak eta oharrak

Gaur eguerdian, Bokado jatetxean, 2024ko Donostiako Estropadetan denborarik onena lortu duten bi traineru gipuzkoarrei (bai emakumezkoen modalitatean bai gizonezkoenean) IX. ADEGI Saria eman zaie.

2024ko udazkenean, Haur Liburutegi Nagusian irakurketaren zaletasuna baina haratago doazen hainbat jarduera jarriko dira martxan, haur, gazte zein helduei zuzendutakoak: Komikiekin mintzoan kux-kux, Haur eta Gazte Literaturaren Irakurketa Kluba, LiburuLab eta Liburu Baby Kluba Online.

Abeslari eta piano-jotzaile britaniarrak bi kontzertu eskainiko ditu.

Bermeok, 19:04,60ko denborarekin, 2024ko Kontxako Banderaren bigarren jardunaldia irabazi du, Klubarentzat Bandera berri bat lortuz. Bermeotarrek 38:10,08ko denbora metatuarekin lortu dute garaipena.

Iaz egin zuten bezala, Donostia Arraun Lagunak taldeko arraunlariek 2024ko Kontxako Bandera irabazi dute, bi jardunaldietan 21:04,42ko denbora eginda. Donostiako tripulazioak ere garaipena lortu du bigarren jardunaldi honetan, 10:36,16ko denborarekin.

Ginmusica eta Donostia Kulturaren eskutik, soinu urbanoei eskainitako zuzeneko bi gau izango ditu Donostikluba Festibalaren hemeretzigarren edizioak. Urriaren 11n Parkineos eta Giovaaz arituko dira; hilaren 12an, Rebe eta LaMia Mari. Emanaldi biak 21:00etan hasiko dira eta sarrerak irailaren 5ean jarriko dira salgai, goizeko 11:30ean, Donostia Kulturaren ohiko kanaletan.

Irailaren 9an abiatuko dira Donostia Kulturako liburutegi eta kultur etxeetan helduentzako antolatzen diren literatur solasaldiak. Beti ere aditu baten gidaritzapean, normalean hilean behin, hainbat doako saio egiten da aipatu tokietan eta baita hiriko beste leku batzuetan ere. Liburu horiek maileguan eska daitezke Donostiako liburutegietan, eta zenbait kasutan liburuak eLiburutegia plataformatik deskargatzeko aukera egon daiteke.

Albiste honetan Donostia Kulturaren guneen 2024-2025 ikasturteko ordutegiak bildu ditugu. Kontrakoa esaten ez den bitartean, ordutegi hau irailaren 5ean sartuko da indarrean. Bitartean, udako ordutegia dugu martxan; erreparatu ere matrikulazio ordutegiei. Bukatzeko, aintzat hartu eskoletako opor garaian (gabonetan eta Aste Santuan) ordutegiak beste batzuk izan daitezkeela.

Bermeoko tripulazioak irabazi du gizonezkoen lehen jardunaldian. Emakumezkoetan, berriz, Donostia Arraun Lagunak taldeak aurrea hartu du. Bigarren eta azken jardunaldia irailaren 8an jokatuko da.

Donostia Arraun Lagunak taldeko emakumeek 10:55,32ko denbora egin dute gaur arratsaldean jokatu den emakumezkoen sailkatze estropadan eta hurrengo bi igandeetan 2024ko Kontxako Bandera lortzeko lehiatuko diren beste traineruei gailendu zaizkie: Tolosaldea, Astillero Eneryt Servicios, Chapela - Wofco, Hibaika Jamones Ancín eta Kaiku Nortegas. Nortindal Donostiarra izango da zortzigarren traineru lehian.

Iaz bezala, Zierbena Bahías de Bizkaia taldeko tripulazioak gizonezkoen sailkatze-estropadan garaipena lortu du. Gaurko estropadan, azkarrena izan da eta 19:44,10ean gelditu du erlojua. Horrela, “galipoek”, Amenabar Donostiarrako donostiarrek eta beste sei eskifai hauen arraunlariek - Bermeo, Orio - Orialki, Cabo - Rianxeira - Boiro, Getaria, Orsa Hondarribia eta Kaiku Berez Galanta - 2024ko Kontxako Bandera lehiatuko dute hurrengo bi igandeetan.

Loiolako Mikologia jardunaldiek 25. edizioa beteko dute aurten eta hainbat hitzordu izango dira irailaren 9tik urriaren 6ra Loiolatarra Kirol Elkartearekin batera antolatutako egitarauan: mikologia ikastaroa eta tailerra, hitzaldiak, liburu aurkezpenak, bazkari mikologikoa, egurrezko eskulturen erakustaldia, perretxiko jaia eta erakusketa bat.

Gaur goizean aurkeztuko dira 2024ko Donostiako Estropadak. Beraz, eguerdiko 12:30ean jarriko dira salgai sailkatze estropadetako (gizonezkoena eta emakumezkoena) zein irailaren 1 eta 8ko jardunaldietako sarrerak.

Donostia Kultura eta Euskal Idazleen Elkartea dira urtero irailean egin ohi diren Poesia Orduak errezitalen antolatzaileak. Aurten ere bi antolatu dira, Victoria Eugenia Cluben, iluntzeko 19:00etan. Hilaren 2an, Presbiziak lagundu omen digu (Edu Zelaieta eta Mugaldekoak) eta hilaren 3an, Galbahea. Ez gara dena ahazteko nahikoa biziko (Gotzon Barandiaran).

Kultur etxeen sarearen bidez, Donostia Kulturak Antzerkia Kalean programa prestatu zuen udararako, auzoetako plaza, kale eta parkeetan emanaldiak antolatuz. Abuztuko geldialdiaren ondoren, Egia Dantzan izeneko lau emanaldi izango ditugu irailaren 4tik 6ra Blas de Otero plazan, arratsaldeko 19:00etatik aurrera.