Albisteak eta oharrak

Hona hemen Donostia Kulturaren guneen ordutegia martxoaren 30etik apirilaren 12ra bitartean. 2025-2026 ikasturtean zehar ohikoa den ordutegiarekin alderatuta hainbat aldaketa dago.

dFERIAk emaitza onak jaso ditu, bai bertaratutako publikoari dagokionez, bai akreditatutako pertsonei dagokienez, baita konpainia parte-hartzaileei dagokienez ere. Danimarka izan da aurtengo herrialde gonbidatua. Bestetik, martxoaren 17ko greba orokorrak eragina izan du, eta ondorioz, lau ikuskizun bertan behera utzi edo birprogramatu behar izan zen.

Poesialdia egitarauaren baitan, gaur, martxoak 18, idazle gazteei zuzendutako Donostia Kultura Poesia Lehiaketaren bederatzigarren edizioaren sari banaketa egin da Udal Liburutegi Nagusiko Mandasko Dukearen aretoan. Aurtengo saritua Itziar Agirre Sagaseta (Donamaria, 2001) da, Orain zuk honekin egin nahi obragatik.

Gipuzkoako Foru Aldundiko Kultura Departamentuak eta San Telmo Museoak lankidetza-hitzarmena sinatu dute lurraldeko ondarearen politika publikorako funtsezkoa den lankidetza instituzionalaren eredua indartu eta eguneratzeko. Akordioak San Telmok eta Gordailuak (Gipuzkoako Ondare Bildumen Zentroa, Irun) Gipuzkoako ondare higigarria zaintzeko, kontserbatzeko, dokumentatzeko, ikertzeko eta zabaltzeko elkarrekin egindako lana sendotzen du.

San Telmo Museoko liburutegiak beste urrats bat eman du argazki-liburuaren inguruko erreferentziazko topagune gisa finkatzeko. Euskarri hau eta fanzinea maite dutenak museoko espazio honetan elkartu ahal izango dira eta ideiak partekatu ahal izango dituzte hilean bi larunbatetan. 

+ 55 udal zerbitzuak Aztarnak lehiaketaren X. edizioaren deialdia zabalduko du 2026ko martxoaren 18tik maiatzaren 31ra. Hego Euskal Herrian bizi edo jaio diren 55 urtetik gorako pertsonei zuzenduta, literatur sorkuntza amateurrari ikusgarritasuna emateko asmoz antolatua izan da.

Gerardo D’Abrairaren industria-marrazkiak martxoaren 10etik irailaren 6ra egongo dira ikusgai museoko erakusketa iraunkorreko Industria, aldaketaren eragile atalean. Javier González de Duranak egin ditu komisario lanak. Balmasedako La Encartada Fabrika-Museoan 2024an ikusgai izandako erakusketa abiapuntu hartuta, Gipuzkoako instalazio industrialetarako marrazki panoramikoetan zentratzen da nagusiki.

2026ko apirilaren 23tik 30era bitartean Victoria Eugenia Antzokian eta Antzoki Zaharrean garatuko den Donostiako Giza Eskubideen 23. Zinemaldiko kartel ofizialeko argazkia Emoverek (Jotta Zubiria & Uxue Montero) egin du, aurreko urteetan bezala. Kartelaren diseinua Ytantos estudioak egina da.

Ostegunean, martxoak 5, jarriko du Donostia Kulturak salgai udaberriko ordainpeko arte eszenikoetako programazioa: 52 ikuskizun. Donostia Kulturako bazkideek sarrerak erosteko abantailak izango dituzte: lehentasuna izango dute 24 orduz sarrerak erosteko (martxoaren 4ko 11:30etik martxoaren eko 11:30era) eta % 20ko deskontua hainbat ikuskizunetan.

Donostiako Poesialdiaren zortzigarren edizioa martxoaren 10etik 18ra egingo da Ernest Lluch Kultur Etxean, San Telmo Museoan eta Liburutegi Nagusian.

12 kontzertu dohainik: LP + Annie & The Caldwells + ETS + Marco Mezquida Trio + Nogen + Quinteto Astor Piazzolla + Lisa Ono + Danielle Nicole + Emma-Jean Thackray + Ibibio Sound Machine + Kokoshca + HOFE

Imanol Olaldek irabazi du Oihua! sorkuntza ekimenaren laugarren edizioa Antxumeak film laburraren proiektuarekin eta 2026ko Fantasiazko eta Beldurrezko Zinemaren Astean proiektatuko da. Ekoizpenerako 10.000 euro bitarteko laguntza izango du, besteak beste.

Karmelo Txiki konpartsak, "Donostiako Zinemaldia" gaiarekin, 2026ko Donostiako Inauterietako Sari Nagusia lortu du. Umorearen Sari Nagusia, laugarren urtez jarraian, Furius konpartsarentzat izan da; bere gaiak, "Cortado por obras", Donostiako publikoa liluratu zuen. Sariak, Urnietako Oianume jatetxean, bart egindako afari batean banatu ziren.

2026ko Donostiako Inauterietako Konpartsek erabaki dute Urrezko Sardina saria Jorge Grávalos Pascuali ematea. Altza auzoko bizilaguna da, eta Inauterien zale amorratua. Bere esker ona adierazi nahi die konpartsei emandako laguntzagatik eta Altzako inauterietako eta Eltze Festako egitarauari egindako ekarpenengatik.

Arte eszenikoetako profesionalei zuzendutako hamar jarduera antolatu ditu Feriak, programatzaileei, konpainiei, kultur eragileei eta banatzaileei zuzenduak.