Albisteak eta oharrak

Dejaburen Itzulera antzezlanak lortu du Donostiako Udaleko Euskara Zerbitzuak eta Donostia Kulturak antolaturiko XXVI. Donostia Antzerki Saria. 

Donostiako García Ramos familiak San Telmo Museoari bederatzi autoreren 10 artelan eman dizkio dohaintzan. Zortzi olio, akuafuerte bat eta zeramikazko eskultura bat dira, Julián Tellaeche, Aurelio Arteta, Ricardo Baroja, Alejandro Tapia, Eduardo Chillida, Ascensio Martiarena, Carlos Marcote, Gaspar Montes eta Arturo Acebalenak.

Atzo gauean, Ilunben 2026ko Konpartsen aurkezteko ospatutako ekitaldian, Inauterietako jantzien diseinuen VII. Saria eman zen. Eureka konpartsa, "Tierra de Faraones" izeneko gaiarekin irabazlea suertatu zen; haien atzetik eta bigarren posizioan Fantasy konpartsa, "Baile de dragones" eta  bukatzeko, Fama konpartsa "La vuelta al mundo en 80 días" gaiarekin hirugarren postuan geratu zen.

Elhuyarrek eta Donostia Kulturak antolatutako solasaldi-zikloaren hiru saio egingo dira urte-hasierako lauhilekoan: otsailaren 24an (Virginia Garcia Pena), martxoaren 24an (Usue Mori Carrascal) eta apirilaren 28an (Mijo Lizarzaburu Garcia). Saioak euskaraz izango dira, 19:00etan, Ernest Lluch Kultur Etxeko areto nagusian.

18 eta 30 urte bitarteko ehun gazte inguruk osatuko dute Gazte Epaimahaia, Giza Eskubideen 23. Zinemaldiko Film Labur Onenaren Saria emateko.

Gaurtik aurrera ikastetxeek izena eman dezakete Giza Eskubideen 23. Zinemaldiak (apirilak 23-30) haur eta gazteei urtero eskaintzen dizkien proiekzioetarako.

Otsailaren 10etik 13ra bitartean izango dira San Telmo Museoan XXIV. Arkeologia Jardunaldiak, Aranzadi Zientzia Elkarteak antolatuta, San Telmo Museoaren eta Gipuzkoako Foru Aldundiaren laguntzarekin.

Gaur goizean, Begi urdin bat. Hungariar Kaldereroen historia eta jatorria Donostian liburua aurkeztu da prentsaurrean. Liburua, Juan Antonio Antero Aranzamendik idazle donostiarrak idatzi du. Edizio elebiduna da, euskaraz eta gazteleraz, eta Donostia Kulturaren babesa du.

HAU Euskal Herriko Objektu Tradizionalen Diseinu Lehiaketaren bederatzigarren edizioko deialdia zabaldu dute gaur San Telmo Museoak eta Bitamine Faktoriak. Lehiaketa honen helburua euskal kulturaren objektu tradizional bat berritzea da eta edizio honetan kriseilua izango da diseinuetan landu beharreko tresna. Proiektuak aurkezteko epea 2026ko maiatzaren 4ra arte egongo da zabalik, egun hori barne.

Donostia Kulturak eta Euskadiko Filmategiak argitalpen berria aurkezten dute: Billy Wilder. Anatomía de un genio liburua, Luis Alegrek koordinatua, Colección Nosferatu-ko 22. zenbakia.

Larrotxene Bideoren eskutik, 8-12 urte bitartekoei zuzendutako Harrobideo Laborategia jarriko da martxan urtarrilean. Larrotxene Kultur Etxean egingo da, hilean bi larunbatetan, saio bakoitza 2 ordukoa izanik. Lehenengo saioa urtarrilaren 17an izango da: Zer da zinema? (I). Gure zinemagile-begirada.

15 kontzertu izango dira urtarriletik martxora 61. Jazzaldian arituko diren tokiko taldeak aukeratzeko. 

Aiko Taldeak, Donostia Kulturarekin lankidetzan, Sakontzen (20 urte) mintegi-zikloa antolatu du bere 20. urteurrena dela eta, urtarriletik maiatzera bitartean Victoria Eugenia Antzokiko Dantza Aretoan emango dena.

Gaur goizean, 2025eko San Tomas Feria dela eta, eta ohi bezala, hainbat lehiaketa egin dira gure hirian (lur gaien lehiaketa, Donostialdeko ezti lehiaketa, txorimalo lehiaketa, Euskal Herriko XXIX. txistor lehiaketa, etab), eta horien emaitzak hemen kontsulta daitezke:

Turistak eta auzotarrak: norena da gure hiria? Manteo Bizirik elkarteak, Donostia Kulturaren laguntzarekin, sustatutako zinema eta dokumentalen ziklo berri baten lehen edizioa da. Zikloa Ernest Lluch Kultur Etxean egingo da osorik, urtarrila eta otsaila bitartean.