Albisteak eta oharrak

Ostegunean, martxoak 5, jarriko du Donostia Kulturak salgai udaberriko ordainpeko arte eszenikoetako programazioa: 52 ikuskizun. Donostia Kulturako bazkideek sarrerak erosteko abantailak izango dituzte: lehentasuna izango dute 24 orduz sarrerak erosteko (martxoaren 4ko 11:30etik martxoaren eko 11:30era) eta % 20ko deskontua hainbat ikuskizunetan.

Donostiako Poesialdiaren zortzigarren edizioa martxoaren 10etik 18ra egingo da Ernest Lluch Kultur Etxean, San Telmo Museoan eta Liburutegi Nagusian.

12 kontzertu dohainik: LP + Annie & The Caldwells + ETS + Marco Mezquida Trio + Nogen + Quinteto Astor Piazzolla + Lisa Ono + Danielle Nicole + Emma-Jean Thackray + Ibibio Sound Machine + Kokoshca + HOFE

Imanol Olaldek irabazi du Oihua! sorkuntza ekimenaren laugarren edizioa Antxumeak film laburraren proiektuarekin eta 2026ko Fantasiazko eta Beldurrezko Zinemaren Astean proiektatuko da. Ekoizpenerako 10.000 euro bitarteko laguntza izango du, besteak beste.

Karmelo Txiki konpartsak, "Donostiako Zinemaldia" gaiarekin, 2026ko Donostiako Inauterietako Sari Nagusia lortu du. Umorearen Sari Nagusia, laugarren urtez jarraian, Furius konpartsarentzat izan da; bere gaiak, "Cortado por obras", Donostiako publikoa liluratu zuen. Sariak, Urnietako Oianume jatetxean, bart egindako afari batean banatu ziren.

2026ko Donostiako Inauterietako Konpartsek erabaki dute Urrezko Sardina saria Jorge Grávalos Pascuali ematea. Altza auzoko bizilaguna da, eta Inauterien zale amorratua. Bere esker ona adierazi nahi die konpartsei emandako laguntzagatik eta Altzako inauterietako eta Eltze Festako egitarauari egindako ekarpenengatik.

Arte eszenikoetako profesionalei zuzendutako hamar jarduera antolatu ditu Feriak, programatzaileei, konpainiei, kultur eragileei eta banatzaileei zuzenduak. 

Dejaburen Itzulera antzezlanak lortu du Donostiako Udaleko Euskara Zerbitzuak eta Donostia Kulturak antolaturiko XXVI. Donostia Antzerki Saria. 

Donostiako García Ramos familiak San Telmo Museoari bederatzi autoreren 10 artelan eman dizkio dohaintzan. Zortzi olio, akuafuerte bat eta zeramikazko eskultura bat dira, Julián Tellaeche, Aurelio Arteta, Ricardo Baroja, Alejandro Tapia, Eduardo Chillida, Ascensio Martiarena, Carlos Marcote, Gaspar Montes eta Arturo Acebalenak.

Atzo gauean, Ilunben 2026ko Konpartsen aurkezteko ospatutako ekitaldian, Inauterietako jantzien diseinuen VII. Saria eman zen. Eureka konpartsa, "Tierra de Faraones" izeneko gaiarekin irabazlea suertatu zen; haien atzetik eta bigarren posizioan Fantasy konpartsa, "Baile de dragones" eta  bukatzeko, Fama konpartsa "La vuelta al mundo en 80 días" gaiarekin hirugarren postuan geratu zen.

Elhuyarrek eta Donostia Kulturak antolatutako solasaldi-zikloaren hiru saio egingo dira urte-hasierako lauhilekoan: otsailaren 24an (Virginia Garcia Pena), martxoaren 24an (Usue Mori Carrascal) eta apirilaren 28an (Mijo Lizarzaburu Garcia). Saioak euskaraz izango dira, 19:00etan, Ernest Lluch Kultur Etxeko areto nagusian.

18 eta 30 urte bitarteko ehun gazte inguruk osatuko dute Gazte Epaimahaia, Giza Eskubideen 23. Zinemaldiko Film Labur Onenaren Saria emateko.

Gaurtik aurrera ikastetxeek izena eman dezakete Giza Eskubideen 23. Zinemaldiak (apirilak 23-30) haur eta gazteei urtero eskaintzen dizkien proiekzioetarako.

Otsailaren 10etik 13ra bitartean izango dira San Telmo Museoan XXIV. Arkeologia Jardunaldiak, Aranzadi Zientzia Elkarteak antolatuta, San Telmo Museoaren eta Gipuzkoako Foru Aldundiaren laguntzarekin.

Gaur goizean, Begi urdin bat. Hungariar Kaldereroen historia eta jatorria Donostian liburua aurkeztu da prentsaurrean. Liburua, Juan Antonio Antero Aranzamendik idazle donostiarrak idatzi du. Edizio elebiduna da, euskaraz eta gazteleraz, eta Donostia Kulturaren babesa du.