Albisteak eta oharrak

61 Jazzaldiaren baitan XII. JazzEñek Estatuko Jazzaren panoramika eskainiko du zortzi kontzerturekin, uztailaren 22tik 25era, Victoria Eugenia Antzokian

AFADEk (Euskadiko Feriante Autonomoen Elkartea) jakinarazten du Donostiako Aste Nagusiko Ferialan 2026ko abuztuaren 7tik 17ra bitartean (biak barne) parte hartuko duten atrakzioak hautatzeko izen-emateko epea ireki dela haurrentzako eta helduentzako mota guztietako atrakzioak dituzten autonomo eta enpresei, bai eta joko-etxolei, txurro-dendei eta askotariko salmentei ere.

Bide publikoan 2026ko martxotik 2027ko otsailera bitartean (biak barne) ospatuko diren festak direla eta, batetik, horien ekitaldiak autofinantzaketa hobetzeko, DKFestak unitateak, hainbat haur feria aparatu eta produktu saltzeko postuak jarriko ditu Donostiako zenbait lekutan.

2027. urtean danborrada berri bat atera nahi duten donostiar elkarteei zuzentzen zaie deialdia. Izen-ematea maiatzaren 4tik 29ra arte izango da.

Maiatzaren 14an hasiko da Altzako XIII. Naturaldia eta ekainaren 5a arte iraungo du. Tarte horretan bost jarduera izango dira, gehienak adin guztietako pertsonei zuzenduak. Jarduera eta tailer guztiak doakoak dira.

Bàrbara Mestanzak eta Marc Pujolarrek zuzendutako Sucia (Espainia, 2025) filmak lortu du Ikusleen Saria Film Luze Onenari Donostiako Giza Eskubideen 23. Zinemaldian, gaur gauean Victoria Eugenia Antzokian amaituko dena.

Bost saiok osatzen dute urtean zehar Altzan gauzatuko den XXVI. Bertso Aroa. Maiatzean egingo diren bi ekitaldi azpimarratu nahi ditugu bereziki.

Imanol Uribe zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostegunean, apirilak 30, 20:00etan Victoria Eugenia Antzokian ospatuko den bukaera emanaldian izango da.

Iker Murillo eta Vitali Safronkine dantzarien azken agurreko dantza-oinetakoak, hemendik aurrera, Victoria Eugenia Antzokiko foyerrean egongo dira ikusgai. Hiriko alkate Jon Insaustik jaso du dohaintza antzokian, apirilaren 29an mundu osoan ospatzen den Dantzaren Nazioarteko Egunaren testuinguruan. 

Mahai-jokoak, rol-jokoak, munduko kasete birbobinatze txapelketa, friki zozketa... Egiako Liburutegian Friki Harrotasunaren hilabetea ospatuko da maiatzean zehar eta programa berezia antolatu dute lau ekintza nagusirekin.

Poltsiko Antzerkia Jaialdia antolatu dute kultur etxeek 2026ko maiatzaren 7tik 24ra. Emanaldiak ostegunetik igandera izango dira auzoetako hainbat taberna eta ezohiko espaziotan. Umorea, kabareta, magia, bakarrizketak, musika... izango dira jaialdiaren osagai nagusiak.

Bihar, apirilak 29, Dantzaren Nazioarteko Eguna ospatuko da. Crystal Pite koreografo kanadiarra da aurtengo mezuaren egilea.

Ainara LeGardon da San Telmo Museoaren Museo Bikoitza esku-hartze programaren hurrengo artista gonbidatua, Traktora Koop. E.-ko Usue Arrietak eta Ainara Elgoibarrek hala hautatuta.

Lau hitzordu izango ditu aurten Lagunekin Kantarik Intxaurrondon: maiatzaren 11n (Iker Lauroba), 18an (Kattalin Indaburu + Filip Albor), 25ean (Etxekoekin kantari) eta 29an (Kantujira).

Munduari begira jarri eta bidaiarien esperientziak gertutik ezagutzeko aukera eskainiko du Intxaurrondoko Ibiltariaren 32. Asteak maiatzaren 4tik 7ra. Haizalde Elkarteak eta Donostia Kulturak antolatuta, lau ekitaldi eta erakusketa bat izango dira Intxaurrondo Kultur Etxean. Lehenengo jarduera Felix Etxeberriaren omenezkoa izango da, duela gutxi hildako astearen bultzatzaile nagusia. 19:00etan hasita, sarrera librea izango dute guztiek, edukiera bete arte.