Albisteak eta oharrak

Donostia Kulturaren laguntzarekin, Ateneo Guipuzcoanok Literatura jazarriak izeneko hitzaldi zikloa antolatu du maiatzeko ostegunetan. Saioak Liburutegi Nagusian (San Jeronimo) izango dira. Lehenengo hitzaldia euskaraz izango da eta gainerakoak gaztelaniaz. Ekitaldi guztiak arratsaldeko 19:00etan hasiko dira.

Palestinako historia, migrazioak eta errefuxiatuen egoera munduko hainbat lekutan, haurren osasuna, emakumeen zeregina erlijioetan, Afrikako haur soldaduak, mobilizazio sozialen indarra eta ehungintzaren industriako prekarizazioa izango dira gaietako batzuk zinemaldiko filmetan eta solasaldietan.

Mugarik Gabeko Medikuak erakundeak Itxaropenera behartuta inauguratu du, Sudani buruzko esperientzia murgiltzailea, munduko krisi humanitario handienaz ohartarazteko. Gaur hiru urte beteko dira Sudanen gerra hasi zenetik, zibilen aurkako indarkeria bortitza, zigorgabetasunak, osasun-sistemaren kontrako erasoak eta funtsezko zerbitzuen kolapsoak markaturik.

Mikel Escobales da 2026an Artea abian programan parte hartuko duen artista. Zazpigarren ediziora iritsi den ekimen honek Kutxa Fundaziotik eta San Telmo Museotik laguntza eta babesa eskaini nahi die beren ibilbide profesionalaren lehen urteetan oraindik ere beren lanaren aurkezpen monografiko bati aurre egiteko esperientzia nahikoa duten artistei.

David Foenkinos idazle frantziarra izango da 2026eko lehenengo Literaktum Topaketan gonbidatu. Ekitaldia apirilaren 22an izango da, 19:00etan, Okendo Kultur Etxean. Foenkinosek Olga Grande kazetaria izango du solaskide. Gonbidapenak bezperako 16:00etatik aurrera egongo dira eskuragai.

Liburutegi Nagusiko San Jeronimo kaleko aretoan, zahartzaroa gaia duten hiru jarduera literario egongo dira apirilaren 14an (Esker onak, Delphine de Vigan), 21ean (Egunaren adinak. Zahartzaroa hizpide, Mariasun Landa) eta 28an (Olor a hormiga, Júlia Perórekin solasean). Saio guztiak 19:00etan izango dira; lehenengo biak euskaraz eta azkena gazteleraz.

Azken hilabeteetan museoko ardatz izan den erakusketak ia 20.000 bisita jaso ditu eta apirilaren 12ra arte egongo da oraindik bisitatzeko aukera. Amazoniako kulturari begirada korala eskaintzen dion erakusketa hau Centre de Cultura Contemporània de Barcelonak -CCCB-rekin elkarlanean antolatua da eta Claudi Carreras da komisarioa.

Gaur, martxoak 30, aurkeztu da Asun Balzola Elorza: koloreekin pentsatzen zuen neskatoa izeneko albuma. Ekimen honen bidez, Asun Balzola Elorza ilustratzaile eta idazle handiari omenaldia egin nahi zaio bai eta bere lana haur berriei ezagutarazi ere.

San Telmo Museoak antolatzen duen Atzokoak gaur. Lanbide tradizionalak egitasmoak papergintzaren artisautza izango du ardatz aurten. Martxoaren 27tik apirilaren 12ra bitarte, gai honen inguruan erakusketa eta jarduerak izango dira museoan.

Urtero bezala, zinemaldiak hainbat gai izango ditu ardatz, besteak beste, emakumeek erlijioetan duten papera, Bangladesheko larrialdi klimatikoa munduko beste eskualde askotan gertatzen ari denaren adibide gisa, eta ehungintzaren industriako lan prekarietatearen feminizazioa, kasu honetan Ekialdeko Europan.

Palestine 36 (2025) filmak, Annemarie Jacir zinemagile palestinarra —2019ko Zinemaldiaren Saria jasotakoa— zuzendari duenak, inauguratuko du apirilaren 23an Victoria Eugenia Antzokian Donostiako Giza Eskubideen 23. Zinemaldia, Udaleko Giza Eskubideen arloak eta Donostia Kulturak antolatua.

Donostiako Giza Eskubideen 23. Zinemaldia apirilaren 23tik 30era bitartean garatuko da bai Victoria Eugenia Antzokian ꟷzinemaldiaren egoitza nagusianꟷ bai Antzoki Zaharrean, baita hiriko beste eszenatoki batzuetan ere. Aurten berriro izango da Tabakaleran Zinema eta Memoria zikloa. Zikloa osatzen duten hiru pelikuletan ꟷMes fantômes arméniens, La noche está marchándose ya eta Redlight to Limelightꟷ Historia kontatzeko garaian irudiek duten ahalmena eta garrantzia aztertzen dira.

Bihar ostirala, martxoak 27, Antzerkiaren Nazioarteko Institutuak 1961. urtean sortu zuen Antzerkiaren Nazioarteko Eguna ospatuko da eta aurtengo mezua Willem Dafoe estatubatuar aktore eta antzerkigileak idatzi du (euskarazko itzulpena: MARAMARA* Taldea). Egun horretako ospakizunen barne,  XXVI. Donostia Antzerki Sariko gala antolatu da Victoria Eugenia Antzokian. 

Giza Eskubideen 23. Zinemaldiko Nire istorioa kontatzteko - Palestinian Museum Digital Archive, 1948-2023 erakusketa irekita egongo da martxoaren 26tik ekainaren 31ra Okendo Kultur Etxean.

Aste Santuan eta Pazko Astean eskaintza berezia izango da urteroko gisan: Hondalea arte instalazioa bisitatzeko aukera izango da, Urgull mendiko hiru zentroak (Historiaren etxea, Natur Txokoa eta Liburutegia) zabalik izango dira, eta San Telmo Museoak artisau papergintzari lotutako jarduerak eskainiko ditu Atzokoak gaur programan.