Albisteak eta oharrak

Hogei urtez jarraian, Donostia Gazteriak Fantasiazko eta Beldurrezko Zinemaren Astean parte hartu eta Gazteen Epaimahaia eratuko du; 100 pertsonekin osaturiko taldeak film laburren irabazlea aukeratu eta 36. edizioko Film Laburrik Onenaren Gazte Saria emango du. Interesatuek Gazteriako webgunearen bidez izena eman dezakete urriaren 20ra arte.

Europako segurtasunaren gaia pil-pilean dagoen honetan, gai horixe oinarri hartuta hasiko da Erronkak saileko urriko hitzaldi sorta. Galde aldizkariarekin batera antolatuta, José Enrique de Ayalak El rearme y la seguridad en Europa hitzaldia eskainiko du urriaren 2an.

Donostiako Fantasiazko eta Beldurrezko Zinemaren 36. Asteak, FNACekin elkarlanean, berriro antolatu du Fanzineen Gerra, berriro ekin dio euskarri horien bidez generoarekiko grina bizia aditzera eman eta aldarrikatzeko.

Gaur, 18:00etan egindako bileran, 2026. urteko Haur Danborradako Danbor Nagusia eta danborradako pertsonaiak Intxaurrondoko Haur Danborradako ikasleen artean aterako direla erabaki da.

Fantasiazko eta Beldurrezko Zinemaren 36. Asteak, Animedon – Donostiako Bigarren Anime Topaketaren barruan, Cinegēmu: Fantasia eta beldurra Japoniako bideo-jokoan erakusketa ireki da Okendo Kultur Etxean.

San Telmok Gabriela Cendoya Bergareche Collection (GCBC) argazki-liburu bilduma erosi du, aurrerantzean STM-GCBC argazki-liburu bilduma izena hartuko duena. Museoak bilduma hori 2017tik gordetzen du eta jendearen eskura jartzen du bere liburutegian, bi aldeek urte hartan sinatutako akordioari esker.

Balea Zuria argitaletxeak, Donostia Kulturaren laguntzarekin, DK poesia lehiaketaren 9. edizioaren oinarriak argitaratu ditu. Helburua euskarazko poesia zabaldu eta idazle gazteen lanari bultzada ematea da: 35 urte bete gabe dituzten egile berriei zuzendutako lehiaketa da.

Abonuak urriaren 23tik aurrera, osteguna, 09:00etan jarriko dira salgai Antzoki Zaharreko leihatilan. Abonuen kupo mugatu bat salduko da.

Jarraian urriaren 31a eta azaroaren 7a bitartean ospatuko den Donostiako Fantasiazko eta Beldurrezko Zinemaren 36. Astean zenbait film luzeren aurrerapena. Programazio osoa urriaren erdialdean jakinaraziko da.

Paul Urkijo Alijok zuzendutako film berriak, Gauak (2025), emango dio hasiera urriaren 31n Kursaalen Fantasiazko eta Beldurrezko Zinemaren Astearen 36. edizioari. Astea urriaren 31tik azaroaren 7ra bitartean garatuko da, Antzoki Zaharrean eta Victoria Eugenia Antzokian, eta hiriko beste agertoki batzuetan.

Gaur eguerdian, Bokado jatetxean, 2025eko Donostiako Estropadetan denborarik onena lortu duten bi traineru gipuzkoarrei (bai emakumezkoen modalitatean bai gizonezkoenean) X. ADEGI Saria eman zaie.

ADEGIk Donostiako Estropadetako patroi onenen sariak banatu ditu gaur, 2025eko Kontxako Banderan. Joana Halsouet, Donostia Arraun Lagunakeko patroia eta Iñigo Larrinaga, Bermeoko patroia izan dira irabazleak.

Azken garaipenetik zortzi urte igaro ondoren, oriotarrek Kontxako 33. Bandera irabazi dutela ospatzen dute eta amaiera ematen diote Liga ere irabazi duten denboraldi bikainari. Orio Orialkik 38:35,36ko denbora egin du bi jardunaldietan.

Donostia Arraun Lagunak taldeko eskifaiak eskuartean du jada Kontxako Bandera berri bat, laugarrena. 21:30,92ko denbora eginda bi jardunaldietan, donostiarrak izan dira aurtengo edizioko jaun eta jabe bi jardunaldietan nagusituz. Gaurko estropadan egindako denbora 11:01,72koa izan da.

IV. Iturritik Jaialdia urriaren 16a eta 19a bitartean emango da Donostian. Aurreko urteetan bezala, aretoko eta kaleko dantza ikuskizunak osatuko dute programa eta sarrera salmenta irailaren 15ean hasiko da, goizeko 11:30ean.