Albisteak eta oharrak

Jatorri indiarreko idazle estatubatuar ezaguna izango da 2023ko lehen Literaktum Topaketen protagonista. Jumpa Lahiri bere ibilbide literarioaz eta apirilean argitaratuko duen Cuentos romanos (Lumen, 2023) liburu berriaz arituko da Iban Zaldua idazlearekin.

Poesialdia, Donostiako Poesia Astearen bosgarren edizioa martxoaren 20tik 27ra izango dugu Victoria Eugenia Club, Liburutegi Nagusia eta Ernest Lluch Kultur Etxean. Sei egunetan zehar poesiaren inguruko ikuskizunak eta solasaldiak antolatu ditugu Euskal Herriko (Itziar Ugarte, Harkaitz Cano, Aritz Gorrotxategi eta Pello Otxoteko) zein kanpoko poetekin (Carlos Marzal, Manuel Vilas eta Mircea Cărtărescu). Albistearen azken paragrafoan adierazi dugu nola lortu gonbidapenak.

Elhuyarrek eta Donostia Kulturak antolatutako solasaldi-zikloaren hiru saio gehiago egingo dira:  martxoaren 14an, apirilaren 18an eta maiatzaren 16an. Saioak euskaraz izango dira, 19:00etan, Ernest Lluch Kultur Etxeko areto nagusian.

Zinemaldia apirilaren 21etik 28ra bitartean garatuko da Victoria Eugenia Antzokian –lehiaketaren egoitza nagusian– eta Principal Antzokian, baita hiriko beste agertoki batzuetan ere. Aurten ziklo labur berezi bat izango da Tabakaleran: Zinema eta memoria. Hiru film eskainiko dira, Historia, Politika edo/eta Kontzientzia sortzeko irudiek duten ahalmena balioan jartzen dutenak. Rithy Panh (Everything Will Be OK) eta Mark Cousins (The March on Rome) zinemagileen lan berriak ikusteko aukera, baita Wanibik film sahararra ere.

Urtero bezala, zinemaldia hainbat gai eta istoriotara hurbilduko da, besteak beste: Irango fundamentalismo islamistaren aurkako erresistentzia, Ukrainako gerra, harkien historia –Aljeriako Gerran armada frantsesaren bandoan borrokatu zuten soldadu aljeriarrena–, XX. mendeko migrazioak, Mendebaldeko Sahararen gaurkotasuna eta Errumaniako gazteriaren egoera Ceaușescuren garaian.

Estibaliz Urresola Solagurenek zuzendutako 20.000 especie de abejas (2023) filmak inauguratuko du apirilaren 21ean Victoria Eugenia Antzokian Donostiako Giza Eskubideen 20. Zinemaldia, Udaleko Giza Eskubideen arloak eta Donostia Kulturak antolatua.

Dagoeneko jakinarazi dira Frantziako zinema beltzari eskainitako Nosferatu zikloaren 2023ko bigarren hiruhilekoaren programazioa osatzen duten filmak. Pelikulak Tabakaleran proiektatuko dira apirilaren 5etik ekainaren 28ra.

Erakusketak, Nekane Arambururen entsegu kuratoriala, 90eko hamarkada aurkezten digu (gehi urte batzuk lehenago eta ondoren), non mugimendu kolektiboek eta talde-ekimenek ordena kultural berri bat ezartzea ahalbidetu zuten. Hain zuzen ere, kultura eta arte ekosistema hura zaintzen eta transmititzen laguntzea du helburu.

Martxoaren 8ko ospakizun eta aldarrikapenen harira, Donostia Kulturak hainbat ekitaldi antolatu edo lagundu du. Albiste honen helburua da martxoaren 3tik 12ra gure guneetan dauden jarduera nabarmenenak biltzea.

Donostia Kulturaren 2022ko memoria osoa, eskuragarri dago jada. Urtarrilean balantzea aurkeztu zen eta oraingoan memoria osoa. 

Dagoeneko eskuragarri daude ICOM España eta San Telmo Museoak antolatutako Museologiaren III. Kongresuko aktak. “Kontakizun berriak museoetan” leloa zuen jardunaldiak.

Zinemaldiaren ohorezko saria apirilean jasoko duen zinemagileari eskainitako erakusketa martxoaren 2tik maiatzaren 4ra bitartean egongo da zabalik.

Donostia San Sebastian Festak unitateak 2023ko Aste Nagusia, Estropadak eta Euskal Jaiak iragartzeko kartelak aukeratzeko lehiaketak deitu ditu. Lanak aurkezteko epea 2023ko martxoaren 31n bukatuko da.

Espainiako Kultura Ministerioak 2022an 18 urte bete zituzten gazteentzako iaz abiatu zuen Gazte Kultur Bonua Donostia Kulturako antzoki, kultur etxeetan eta museoan ere baliatu ahal izango da 2023ko otsailaren 28tik aurrera.

Aste honetan Iratxe Jaio eta Klass van Gorkum museoan izango dira Paperezko inperio baten atlasa instalazioaren inguruan hitzaldia eta bisita gidatua eskaintzeko.