Albisteak eta oharrak

Maiatzaren 6tik ekainaren 12ra gauzatuko da Altzako Naturaldia, hamabigarren urtez jarraian. Natura, historia eta ingurumenarekiko lotura sustatzen duten jarduera ugari izango dira: ibilaldiak, tailerrak, hitzaldiak, zinema eta arte-performance bat, hainbat adinetako publikoari begira antolatu direnak (haur, gazte zein heldu).

Maiatzaren 6an abiatuko da Gipuzkoako Eskualde Etxeen Federazioarekin batera antolatutako hitzaldi zikloa. Jarduera guztiak gazteleraz izango dira,  Okendo Kultur Etxean, eta arratsaldeko 19:00etan hasiko dira, maiatzeko astearteetan eta ekaineko lehenean. Aurtengo gaiak Sagasta, Juan de Ávalos, Castelao eta Cervantes izango dira.

2001ean euskal kanten ikastaro bat abiatu zuten IZBEk (Intxaurrondo Zaharreko Bizilagunen Elkartea) eta Donostia Kulturak. 2002an ikastaro bukaera gisa, Lagunekin Kantari programa sortu zen. 2025eko Lagunekin Kantari maiatzaren 12an zabalduko du Esti Markezek Intxaurrondon. Hilaren 19an Patxi Saiz arituko da Larrotxenen.

Donostia Kulturaren laguntzarekin, Ateneo Guipuzcoanok Literatura jazarriak izeneko hitzaldi zikloa antolatu du maiatzeko ostegunetan, hilaren 8tik aurrera. Saioak Liburutegi Nagusian (San Jeronimo) izango dira. Lehenengo hitzaldia euskaraz izango da, eta gainerakoak, gaztelaniaz. Ekitaldi guztiak arratsaldeko 19:00etan hasiko dira.

Munduari begira jarri eta ibiltarien esperientziak gertutik ezagutzeko aukera eskainiko du Intxaurrondoko Ibiltariaren Astearen 31. edizioak, maiatzaren 5etik 8ra. Haizalde Elkarteak eta Donostia Kulturak antolatuta, bost bidaiariren testigantzak entzuteko aukera izango da Intxaurrondo Kultur Etxean, arratsaldeko 19:00etan hasita. Sarrera librea izango da, edukiera bete arte.

Donostiako Udaleko Giza Eskubideen Sailak eta Donostia Kulturak antolatutako Giza Eskubideen 22. Zinemaldia apirilaren 4tik 11ra garatu da, eta ikusleen erantzun bikaina eta euskal zinemaren presentzia nabarmena izan ditu.

Datorren maiatzaren 18an, Egiako Gazteszena aretoak konpainiaren agurra hartuko du El último Vaivén  ekitaldiarekin. Bertan, musika parte bat egongo da Iñaki Salvadorren esku, Redada familiar laneko emanaldia, Ana Pimenta eta Iñaki Salvadorren parte-hartze "bitxi" bat, musika gehiago, azken topa, mikrofono irekia eta sorpresa gehiago izango dira.

Boris Lojkinek zuzendutako L’Histoire de Souleymane (Frantzia, 2024) filmak lortu du Film Luze Onenaren Ikusleen Saria Donostiako Giza Eskubideen 22. Zinemaldian, gaur gauean Victoria Eugenia Antzokian amaituko dena.

San Telmo Museoak antolatzen duen Atzokoak gaur. Lanbide tradizionalak egitasmoak herri musika tresnen artisautza izango du ardatz aurten. Ofizioa ezagutarazi eta musika-tresnen biziraupenean eta garapenean egindako ekarpenak erakutsiko ditu, baita tresna horien eraikuntza prozesuak ere.

Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Victoria Eugenia Antzokian ospatuko den bukaera emanaldian izango da.

Aste Nagusia 2025ren harira, Donostia / San Sebastián Festak-ek VIII. Zurriola Street Food (abuztuak 9tik16ra, biak barne) antolatuko du Kursaal Kongresu jauregiko Erizainen plazan. 

Hona hemen Donostia Kulturaren guneen ordutegia apirilaren 14tik 27ra bitartean. 2024-2025 ikasturtean zehar ohikoa den ordutegiarekin alderatuta hainbat aldaketa dago.

Donostiako Udaleko Giza Eskubideen arloak antolatutako Artea eta Giza Eskubideak, haur eta gazteen 21. ediziorako, 6 eta 18 urte bitarteko haur eta gazteek egindako marrazki eta muralen erakusketa.

Donostia Kulturak eta Giza Eskubideen Zinemaldiak, Vitoria-Gasteizko Udalaren eta Montehermoso Kulturunearen laguntzarekin, Darcy Padilla argazkilariaren Kaliforniar ametsa erakusketa aurkeztuko dute. Erakusketa apirilaren 3tik ekainaren 8ra egongo da zabalik Aiete Kultur Etxean.

XVII. Dantza Kalean eta XXVII. Kontxako Barandaren jarduerak emango diote hasiera hurrengo asteburuan, apirilaren 5ean eta 6an, Gipuzkoako Dantza Profesionalen Elkarteak (APDG) Donostian antolatutako Dantza Hilabetearen ospakizunei eta maiatzaren 4an,  Victoria Eugenia Antzokian emango den Dantzaren Nazioarteko Eguneko XXVIII Galarekin itxiko da.