Albisteak eta oharrak

Otsailaren 13tik 17ra burutuko dira XXII. Arkeologia Jardunaldiak, Aranzadi Zientzia Elkarteak antolatzen dituenak San Telmo Museoaren eta Gipuzkoako Foru Aldundiaren laguntzarekin.

Gaur aurkeztu da Donostia Kulturaren 2023ko memoriaren balantzea. Inoiz baino zabalagoa izan da donostiarren parte-hartzea, publikoaren erantzuna eta sortzaileei emandako babesa.

Emakumeak Zientzian ekimenari atxikitako ikerketa-erakunde eta -zentroetan lan egiten duten emakume zientzialari eta teknologo guztiak omenduko dituzte Intxaurrondo Kultur Etxean.

Jon Uriarte argazkilaria izango da bihar, larunbata, otsailak 3, museoko argazki-liburuaren inguruko 2024ko programazioa martxan jarriko duena. Gabriela Cendoyaren argazki-liburuen bildumaren gaineko begirada pertsonala eskainiko digu eta argazkigintzako liburuei eta argazki digitalei buruzko hausnarketa egingo du topaketa batean.

Film laburrik onena aukeratuko dute gai sozialak lantzen dituen nazioarteko lehiaketan. Gazte Epaimahaian parte hartzeak unibertsitateko kredituak lortzeko aukera ematen du. Izen-emate epea martxoaren 15era arte zabalik da.

Gaurtik aurrera ikastetxeek izena eman dezakete Zinemaldiak haur eta gazteei urtero eskaintzen dizkien proiekzioetarako. Giza eskubideen inguruko hausnarketa lantzeko, ikastetxeei Kurrin, Dounia eta Alepoko printzesa eta 20.000 especies de abejas pelikulen eskaintza luzatzen da. Proiekzioak Antzoki Zaharrean izango dira, apirilaren 8tik 19ra goizeko 10:00etan.

HAU Euskal Herriko Objektu Tradizionalen Diseinu Lehiaketaren zazpigarren edizioarako deialdia zabaldu berri da. Lehiaketa honen helburua euskal kulturaren objektu tradizional bat berritzea da eta edizio honetan gaztaina erretzeko tresna izango da. Proiektuak aurkezteko epea 2024ko maiatzaren 12ra arte egongo da irekita, egun hori barne.

Otsailaren 5ean, astelehena, bai Illunben egingo den 2024ko Inauterietako Konpartsen aurkezpenerako (otsailaren 9an, ostirala, 21:01ean), bai Kursaalean ospatuko den haurren emanaldirako (otsailaren 11n, igandea, 11:31n) sarrerak jarriko dira salgai. Sarrerarik egonez gero, salmenta otsailaren 6ra arte luzatuko litzateke.

2024ko Mendi Tour zirkuitua Donostiako Antzoki Zaharrean abiatuko da otsailaren 5ean, 6an eta 7an, Donostia Kultura, Club Vasco de Camping Elkartea eta BBK Mendi Film Bilbao-Bizkaia elkarteen eskutik.

Larunbat honetan, urtarrilaren 27an, San Telmo Museoak Isabel Azkarate. Arte eta parte zabalduko du, argazkilari donostiarrak gizakiak artearekin duen harreman intimora egiten dituen hurbilketak aztertzen dituen erakusketa.

Gaur, urtarrilak 25, dFERIAren programazio eszeniko osoa aurkeztu da. Ikuskizun hauetarako sarrerak eta abonamendua bihar  goizeko 11:30etik aurrera jarriko dira salgai gure leihatiletan eta webgunean.

Donostia Kulturak eta Euskadiko Filmategiak argitalpen berria aurkezten dute, Western USA 1962-1992 liburua, Carlos Aguilarrek eta Pablo Fernándezek koordinatua, Colección Nosferatuko 20. zenbakia.

Kukai Dantza Taldea eta Jesús Rubio Gamo koreografoak egindako Txalaparta sorkuntza Victoria Eugenia Antzokian estreinatuko da otsailaren 3an eta 4an. Estreinaldiaren inguruan hainbat jarduera antolatu dira.

Gaur goizean, 2024 Haur Danborrada eta haren pertsonaiak aurkeztu dira Udaletxeko Pleno Aretoan. Aurtengo Haur Danborradako Danbor Nagusia San Jose Ikastetxeko neska bat izango da eta pertsonaiak Colegio Santa Teresa Ikastetxeko ikasleak.

59. Jazzaldia 2024ko uztailaren 23tik 28ra garatuko da, eta aurrera doa bertan joko duten hamar tokiko taldeak hautatzeko prozesua. Hala, hasiera batean, behin-betiko zerrenda osatzeko, 15 emanaldi eskainiko dira jendaurrean.