Albisteak eta oharrak

Donostia Kulturak hiru saio antolatu ditu Iker García Barrenetxea (Donostia, 1979) artistarekin Okendo Kultur Etxean irailaren 16an, 30ean eta urriaren 7an. Pintura eta sormen garaikidea ardatz hartuta, saioek hainbat gai jorratuko dituzte gaztelaniaz: erreferente artistikoak, marrazkiaren prozesu intimoa eta sorkuntza kolektiboaren esperientzia. Sarrera doakoa da eta librea.

Loiolako 26. Mikologia jardunaldietan hainbat hitzordu izango dira irailaren 2tik urriaren 17ra Loiolatarra Kirol Elkartearekin batera antolatutako egitarauan: mikologia ikastaroa eta tailerra, hitzaldiak, bazkari mikologikoa, egurrezko eskulturen erakustaldia, perretxiko jaia eta erakusketa bat.

Donostia Kultura eta Euskal Idazleen Elkartea dira urtero irailean egin ohi diren Poesia Orduak errezitalen antolatzaileak. Aurten ere bi antolatu dira, Victoria Eugenia Cluben, iluntzeko 19:00etan. Hilaren 8an, Lurdes Iriondo, isilarazitako ahotsa (Jon Martin Etxebeste) eta hilaren 10ean, Itzalen tektonika (Itxaro Borda).

Mikel Lopetegi Guereca "Urra" berriz ere txapeldun izan da Igeldoko Harria proban, 18 jasoaldi egin ostean gaur arratsaldean Trinitate plazan.

Ainitze Zumeta Goikoetxea zarauztarrak lortu du garaipena 2025eko Uliako Harrian. 70 kiloko harria 23 aldiz altxatu du,eta, horrela, bere errekorra hautsi du proban.

Gaur goizean, eta 2025eko Aste Nagusiko egitarauaren barruan, XVIII. Aste Nagusiko Marmitako Lehiaketa ospatu da Elkano kalean. 18 bikotek hartu dute parte eta, iaz bezala, Izurun taldeko Idurre Aristizabal Castañok eta Ibai Turrillas Larrañagak osatutako bikote donostiarrak irabazi du.

Beste behin ere, eta hiru aldiz jarraian, Pirotecnia Valencianak (abuztuaren 15eko jaurtiketa, ostirala) irabazi du Donostiako Su Artifizialen Nazioarteko 60. Lehiaketako Urrezko Maskorra.

Arratsalde bero batean, Iker Vicente nafarrak beste behin irabazi du aurtengo Aizkolarien Urrezko Kopa. Ohi denez Aste Nagusian, 5 aizkolari elkartu dira plazan eta Otsagabiakoak 34 minutu eta 8 segundo behar izan ditu 14 enborrak mozteko.

Marta Paulis Lumbreras eta Aurelio M.Acera Iglesias - "Otros 2 de Intxaurrondo" gaur goizean Matia kalean ospatu den Aste Nagusiko VIII. Legatza saltsa berdean lehiaketan txapeldunak suertatu dira. Aurtengo edizioan,15 bikotek parte hartu dute lehiaketan. 

Gaur arratsaldean, Donostiako Aste Nagusiaren programazioaren barruan, "Etxekoekin Sukaldean" IV. Lehiaketa Gastronomikoa ospatu da. Bertan 12 familia unitatek parte hartu dute eta plater nagusia arroza izan behar zen. Mikel eta Itsaso Perez Lasarte-Oriako aita-alabek eta "Perejil" taldeko kideek lortu dute sukaldari onenen txapela.

Gaur goizean, Miguel Angel Fernandezen Oroimenezkoan Aste Nagusiko XXIX. Arrantza Lehiaketa ospatu da. Infantil mailan (15 urte baino gutxiago) Linwei Yangek garaipena lortu du 3566 gramoko harrapaketarekin eta senior mailan (15 urte baino gehiago) Carlos Rodríguezek eskuratu du garaipena 765 gramoko harrapaketarekin.

Aurten ere, Aste Nagusian kaleak alaitu ostean, Itzurun konpartsako 8 erraldoiak San Telmo Museora etorriko dira atseden hartzera; Joakin Elizegi Altzoko Handiaren etxera, hain zuzen ere.

Atzo, Aste Nagusiko Paella Lehiaketa irabazi eta gero, "Ilunpe" Elkarteko Tomas Nuñez eta Jose Manuel Irigoyen bikoteak irabazi du Aste Nagusiko II. Begihandi bere tintan Lehiaketa. 12 bikote elkartu dira lehiaketan, eta gaur arratsaldean egin da, Aitzol parkean, 2025eko Aste Nagusiko programazioaren barruan.

Aste Nagusiko Paella Lehiaketaren zortzigarren edizioa gaur arratsaldean ospatu da Gros auzoko Katalunia plazan. Beste urte batez, Epaimahaiaren aldetik kalifikaziorik altuena jaso duen paella "Ilunpe" Elkarteko Tomas Nuñezek eta Jose Manuel Irigoyenek egindakoa izan da, iazko garaipena berretsiz.

Donostia/San Sebastián Festakek antolaturik eta Euskal Dantzarien Biltzarraren laguntzarekin, Donostiako Dantza Sueltoko Txapelketa ospatuko da Konstituzio plazan irailaren 7an, arratsaldeko 18:00etan.