Albisteak eta oharrak

ADEGIk Donostiako Estropadetako patroi onenen sariak banatu ditu gaur, 2025eko Kontxako Banderan. Joana Halsouet, Donostia Arraun Lagunakeko patroia eta Iñigo Larrinaga, Bermeoko patroia izan dira irabazleak.

Azken garaipenetik zortzi urte igaro ondoren, oriotarrek Kontxako 33. Bandera irabazi dutela ospatzen dute eta amaiera ematen diote Liga ere irabazi duten denboraldi bikainari. Orio Orialkik 38:35,36ko denbora egin du bi jardunaldietan.

Donostia Arraun Lagunak taldeko eskifaiak eskuartean du jada Kontxako Bandera berri bat, laugarrena. 21:30,92ko denbora eginda bi jardunaldietan, donostiarrak izan dira aurtengo edizioko jaun eta jabe bi jardunaldietan nagusituz. Gaurko estropadan egindako denbora 11:01,72koa izan da.

IV. Iturritik Jaialdia urriaren 16a eta 19a bitartean emango da Donostian. Aurreko urteetan bezala, aretoko eta kaleko dantza ikuskizunak osatuko dute programa eta sarrera salmenta irailaren 15ean hasiko da, goizeko 11:30ean.

Elhuyarrek eta Donostia Kulturak antolatutako solasaldi-zikloaren hiru saio egingo dira udazkenean: irailaren 30ean (Maialen Araolaza), urriaren 21ean (Aitana Lertxundi) eta azaroaren 6an (Eli Gallego). Saioak euskaraz izango dira, 19:00etan, Ernest Lluch Kultur Etxeko areto nagusian.

Donostia Kulturak eta Escola Superior de Cinema i Audiovisuals de Catalunya (ESCAC) erakundeak hitzarmen bat sinatu dute, ikus-entzunezkoen sektorean lanbide gaitasunak eskuratzeko hiru ikastaro eskaintzeko. Larrotxene Kultur Etxean (Larrotxene Bideo) egingo dira, 2025eko urria eta 2026ko urtarrila bitartean.

Azken asteetan sartu dira aurtengo udan San Telmo Museoan ikusgai ditugun erakusketak. Lorategi bat soinean erakusketatik 30.000 lagun baino gehiago pasa dira dagoeneko eta irailaren 28ra arte egongo da oraindik bisitatzeko aukera. Barrokoaren eta Ilustrazioaren artean ehungintzaren arloan sortu ziren lore motiboen bilakaera aztertzen du, Museo del Trajeren eta San Telmo Museoaren bildumen bitartez nagusiki.

Mariana Enriquez argentinar idazlea izango da 2025eko bigarren Literaktum Topaketan gonbidatu. Ekitaldia irailaren 17an izango da, 19:00etan, Okendo Kultur Etxean. Sarrera librea izango da aretoa bete arte eta Begoña del Teso kazetaria izango du solaskide.

Donostia Arraun Lagunak-eko emakumezkoen eskifaiak (10:29,20) eta Zierbena Bahías de Bizkaia taldeko gizonezkoenak (18:59,26) garaipena lortu dute 2025eko Kontxako banderaren lehen jardunaldian.

Bermeoko eskifaiak 21:01,40ko denboran gelditu du erlojupekoa eta, horrela, garaipena lortu du gaur arratsaldean Kontxako uretan jokatu den gizonezkoen sailkatze estropadan.

Orio Orialkiko tripulazioak 11:42,60ko denbora egin du, eta Kontxako badiako uretan gaur arratsaldean jokatu den Emakumezkoen sailkatze-estropadan garaile atera da.

Irailaren 8an abiatuko dira Donostia Kulturako liburutegi eta kultur etxeetan helduentzako antolatzen diren literatur solasaldiak. Beti ere aditu baten gidaritzapean, normalean hilean behin, hainbat doako saio egiten da aipatu tokietan eta baita hiriko beste leku batzuetan ere. Liburu horiek maileguan eska daitezke Donostiako liburutegietan, eta zenbait kasutan liburuak eLiburutegia plataformatik deskargatzeko aukera egon daiteke.

Albiste honetan Donostia Kulturaren guneen 2025-2026 ikasturteko ordutegiak bildu ditugu. Kontrakoa esaten ez den bitartean, ordutegi hau irailaren 8an sartuko da indarrean. Bitartean, udako ordutegia dugu martxan. Kontuan hartu eskoletako opor garaian (gabonetan eta Aste Santuan) ordutegiak aldatu daitezkeela.

Donostiako alkateak, Eneko Goia Lasok, ADEGIko zuzendari nagusi José Miguel Ayerza Mendibururekin eta Euskadiko Kirol Portua - EKPko zuzendari nagusi Edurne Egaña Manterolarekin batera, 2025 Kontxako Banderaren edizioa aurkeztu du gaur goizean, udaletxeko Udalbatza Aretoan.

2025eko Donostiako Estropadetako sarrerak eguerdiko 12:30ean jarriko dira salgai; bai sailkatze estropadetako (gizonezkoena eta emakumezkoena) bai irailaren 7 eta 14ko jardunaldietarako.