Hizkuntzak
2025eko Kontxako Bandera aurkeztu da
Donostiako alkateak, Eneko Goia Lasok, ADEGIko zuzendari nagusi José Miguel Ayerza Mendibururekin eta Euskadiko Kirol Portua - EKPko zuzendari nagusi Edurne Egaña Manterolarekin batera, 2025 Kontxako Banderaren edizioa aurkeztu du gaur goizean, udaletxeko Udalbatza Aretoan.
Emakumezkoen sailkatze-estropada, 21 eskifaiarekin, irailaren 3an jokatuko da, arratsaldeko 18:00etatik aurrera. Gizonezkoen sailkatze-estropada, berriz, irailaren 4an, ordu berean eta 21 taldek hartuko dute parte. Irailaren 7an eta 14an (11:00etan emakumezkoen modalitatean eta 12:00etan gizonezkoenean) erabakiko da nork irabaziko duen Bandera bi modalitateetan.
Aurtengo edizioa iragarriko duen kartela Joseba Larratxe Berazadi "Josevisky" istoriolari eta ilustratzaile irundarraren lana da, eta "Itsaso Handia" du izenburu.
