Albisteak eta oharrak

Datozen hilabeteetan argazki-liburuen inguruko tailer bana eskainiko dute San Telmo Museoan Magali Avezouek eta Jason Fulfordek, eta horietan matrikulatzeko eskaintza berezia egongo da.

Martxoaren 8ko ospakizun eta aldarrikapenen harira, Donostia Kulturak hainbat ekitaldi antolatu edo lagundu du. Albiste honen helburua da martxoaren 2tik 9ra gure guneetan dauden jarduera nabarmenenak biltzea.

Donostia Kulturak gaur, otsailak 27, aurkeztu du haur eta helduei zuzendutako 2024ko udaberriko arte eszenikoetako ordainpeko programazioa. Guztira, helduentzat ordainpeko 45 ikuskizun izango dira apiriletik ekainera Donostia Kulturaren antzoki eta kultur etxeetan: 21 kontzertu, 15 antzezlan eta 9 dantza emanaldi. Horrez gain, 5 haur ikuskizun izango dira eta baita XXI. Giza Eskubideen Zinemaldia ere.

San Telmo Museoak parte hartuko du, beste hainbat kultur erakunde eta entitaterekin, Néstor Basterretxearen jaiotzaren mendeurrenaren ospakizunean, Eusko Jaurlaritzak koordinatutako programa batean.

Poesialdia, Donostiako Poesia Astearen seigarren edizioa martxoaren 18tik 22ra izango dugu Victoria Eugenia Club, Liburutegi Nagusia eta Ernest Lluch zein Intxaurrondo kultur etxeetan. Bost egunetan zehar poesiaren inguruko ikuskizunak eta solasaldiak antolatu ditugu hainbat idazle eta artista ezagunen parte hartzearekin: Fernando Aramburu, Mikel Arruabarrena, Mari Luz Esteban, Goizalde Landabaso, Xabier Zeberio, Juan Manuel Uría eta Ángel Unzu. 

Donostia Kulturak eta DOKA Kafe Antzokiak adostutako akordioari esker, euskarazko kultur programazioan erreferente den hiriburuko kafe antzokiak bertan behera utzi behar izan zituen zortzi musika talderen hiru kontzertu egingo ditu udaberrian Intxaurrondo Kultur Etxean. Sarrerak bihar, otsailak 20, jarriko dira salgai, goizeko 11:30ean, Doka Kafe Antzokiaren webgunean.

Aurten ere, Eureka konpartsak Inauterietako Sari Nagusia irabazi du (seigarren urtez jarraian irabazi duen saria). Aurtengo gaia "La Circa Mágica" izan da. Umorearen Sari Nagusia, bigarren urtez jarraian, Furius konpartsarako izan da, "¡Ha vuelto el Grand Prix!" gaiarekin. Sariak, atzo gauean, otsailaren 16an, Urnietako Oianume jatetxean egindako afarian banatu ziren.

Otsailaren 14ko batzar nagusian bilduta, 2024ko Donostiako Inauterietako Konpartsek erabaki dute Urrezko Sardinaren saria ematea Nekane Aramburu Galarraga Egiako auzotarrari, Donostiako jai egutegiko jarduera guztietan balkoian egiten duen dekorazioagatik. Latorrizko Arrain Hezurra hutsik geratu da

Agintari eskudunek alerta horia ezarri dutenez haizeagatik inauterietako desfilean (15:00etatik 24:00etara), Antolakuntzak desfile hori karrozen parte-hartzerik gabe egitea proposatu dute (konpartsakideak eta megafoniak bakarrik).Proposamen horren aurrean, konpartsek nahiago izan dute gaurko desfilea ez egitea, eta biharko eguraldi iragarpenak onak direnez, bihar baldintzarik onenetan egitea, eta horrela, Donostiako publikoari hilabeteetan egindako lan guztia erakutsi ahal izango zaio.

Atzo gauean, Ilunben 2024ko Konpartsen aurkezteko ospatutako ekitaldian, Inauterietako jantzien diseinuen V. Saria eman zen. Eureka konpartsa, "La Circa Mágica" izeneko gaiarekin, irabazlea suertatu zen aurtengo edizioan; haien atzetik eta bigarren posizioan Intxaur Txiki konpartsa, "Reino Mágico", eta hirugarren posizioan, Mystic, "Carnaval de Bichos" eta Txasiss "Les Lumière" ex-aequo geratu ziren.

Otsailaren 13tik 17ra burutuko dira XXII. Arkeologia Jardunaldiak, Aranzadi Zientzia Elkarteak antolatzen dituenak San Telmo Museoaren eta Gipuzkoako Foru Aldundiaren laguntzarekin.

Gaur aurkeztu da Donostia Kulturaren 2023ko memoriaren balantzea. Inoiz baino zabalagoa izan da donostiarren parte-hartzea, publikoaren erantzuna eta sortzaileei emandako babesa.

Emakumeak Zientzian ekimenari atxikitako ikerketa-erakunde eta -zentroetan lan egiten duten emakume zientzialari eta teknologo guztiak omenduko dituzte Intxaurrondo Kultur Etxean.

Jon Uriarte argazkilaria izango da bihar, larunbata, otsailak 3, museoko argazki-liburuaren inguruko 2024ko programazioa martxan jarriko duena. Gabriela Cendoyaren argazki-liburuen bildumaren gaineko begirada pertsonala eskainiko digu eta argazkigintzako liburuei eta argazki digitalei buruzko hausnarketa egingo du topaketa batean.

Film laburrik onena aukeratuko dute gai sozialak lantzen dituen nazioarteko lehiaketan. Gazte Epaimahaian parte hartzeak unibertsitateko kredituak lortzeko aukera ematen du. Izen-emate epea martxoaren 15era arte zabalik da.