Albisteak eta oharrak

Oihua! lehiaketak jarraitzen du jatorrizko helburuari eutsiz: euskarazko beldurrezko eta fantasiazko film laburren sorkuntza sendotzea. Larrotxene Bideoren egitasmoak Euskara Zerbitzuaren babesa du, eta urtetik urtera sona handiagoa hartzen ari da. Film laburra 2026ko Donostiako Fantasiazko eta Beldurrezko Zinemaren 37. astean estreinatuko da.

Musikagileak, Euskal Herriko Konpositoreen Elkarteak, Musika Garaikidearen Zirkuituaren XVI. edizioa antolatu du aurten eta programazioko saio batzuk San Telmo Museoan eta Victoria Eugenia Antzokian izango dira. Lehena, Don-Paul Kahl saxofoi-jotzaileak eskainiko duena, larunbat honetan, azaroak 8, izango da.

Literaktum letren jaialdiak azaroaren 10tik 23ra du aurtengo hitzordua. Sail eta proposamen berriekin eta, ohi denez, kolaborazio-sare zabalarekin gauzatuko da.

San Telmo Museoak Aranzadiren 46. Etnografia Jardunaldiak hartuko ditu datorren astean. Edizio honetantik aurrera, Fermin Leizaola etnografia jardunaldiak izena izango dute, 50 urtez artzainen oroimena zaindu eta Euskal Herriko kultura materiala ikertu duen etnografoaren oroimenez.

Fantasiazko eta Beldurrezko Zinemaren 36. Asteko Euskadi Fantastikoa 21 – María Jiménez & Letucse: Manga eta ilustrazioa erakusketa irekita egongo da urriak 31etik azaroak 22ra Udal Liburutegi Nagusian (Alderdi Eder).

Hautaketa prozesuan parte hartzeko taldeek izen-ematea osatu eta hautaketa prozesu honen oinarrietan zehazten den materiala bidali beharko dute, 2025eko azaroaren 21aren 14:00ak baino lehen.

Fantasiazko eta Beldurrezko Zinemaren 36. Asteko Fernando Vicente: Beldurrezko zinemaren mitoak erakusketa irekita egongo da urriak 31etik azaroak 16ra Udal Liburutegiko Ekitaldi Aretoan (San Jeronimo).

Azaroaren 5ean egingo da San Telmo Museoan Emakume Idazleen Mundu bat, 37. Nazioarteko Literatura Topaketa. Donostia Kulturak antolatu eta Luisa Etxenikek koordinatzen duen zikloan Noemí Trujillo egileak hartuko du parte. Azaroaren 6an aurreikusita zegoen Gabriela Wiener idazlearen saioa, baina arrazoi pertsonalengatik bertan behera gelditu da bisita.

San Telmo Museoak Amazoniak. Antzinako etorkizuna erakusketa aurkezten du. Lurraldearen, hirien eta Amazoniako komunitate indigenen aberastasun natural eta kultural izugarrian murgiltzen gaitu erakusketak; munduko bio-dibertsitate handiena duen lurraldea izanik, planetaren etorkizunerako funtsezkoa den eskualde baten artea, pentsamendua eta eragin ekologiko izugarria ezagutzeko. 

Azaroaren 11tik abenduaren 24a bitartean Intxaurrondo Kultur Etxean ikusgai izango den Federico Vespignaniren Short term, but Long Term erakusketaren inguruan hainbat jarduera antolatu da: hitzaldi bat (Mikel Aramendi) eta literatur solasaldia euskaraz, baita mahai-inguru bat gaztelaniaz Hithem Abdulhaleem palestinarra eta Liliana Córdova Kaczerginski juduarekin ere.

Euskarazko formatu txikiko antzerki sorkuntza eta ekoizpena bultzatzeko 2026ko Poltsiko Antzerki Sorkuntza programak baditu dagoeneko irabazleak. Jasotako proiektuen artean, epaimahaiak lehen saria eman dio Taxi antzezlanari, eta bigarren saria Euskal musikarekin, kontuz antzezlanari.

Donostiako Fantasiazko eta Beldurrezko Zinemaren Asteak, Fancinek, TerrorMolinsek eta Isla Calaverak eduki argitaragabeak estreinatzen dituzte eta doan ikusi ahal izango dira azarotik aurrera kanalean.

Donostia Kulturak Catalina de Erauso: Pasioa eta loria - Pasión y gloria liburua aurkeztu du gaur goizean prentsaurrean. Testuak Álvaro Bermejo idazle donostiarrak idatzi ditu eta argazkiak Joseba Urretabizkaiarenak dira. Edizio elebiduna da, euskaraz eta gazteleraz, eta Xibarit argitaletxeak kaleratu du. Donostia Kulturaren babesa du.

Urriaren 31n, ostirala, Gaua (2025) euskal ekoizpenak, Paul Urkijo Alijok zuzenduak, Donostiako Fantasiazko eta Beldurrezko Zinemaren 36. Astea inauguratuko du Kursaalen. Johannes Robertsen Primate (2025) film estatubatuarrak itxiko du Antzoki Zaharrean azaroaren 7an.

Bost emanaldi izango dira Altza, Loiola, Gros, Ibaeta eta Amarako elizetan. Indonesia, Ukraina, Letonia, Alemania eta Suediako koruak izango ditugu Donostian. Kontzertu guztiak debaldekoak izango dira.