Albisteak eta oharrak

Donostia Kultura eta Euskal Idazleen Elkartea dira urtero irailean egin ohi diren Poesia Orduak errezitalen antolatzaileak. Aurten ere bi antolatu dira, Victoria Eugenia Cluben, iluntzeko 19:00etan. Hilaren 2an, Presbiziak lagundu omen digu (Edu Zelaieta eta Mugaldekoak) eta hilaren 3an, Galbahea. Ez gara dena ahazteko nahikoa biziko (Gotzon Barandiaran).

Kultur etxeen sarearen bidez, Donostia Kulturak Antzerkia Kalean programa prestatu zuen udararako, auzoetako plaza, kale eta parkeetan emanaldiak antolatuz. Abuztuko geldialdiaren ondoren, Egia Dantzan izeneko lau emanaldi izango ditugu irailaren 4tik 6ra Blas de Otero plazan, arratsaldeko 19:00etatik aurrera.

Egun historikoa izan da gaurkoa Trinitate plazan, non Ainitze Zumetak eta Mikel Lopetegik Uliako Harrian eta Igeldoko Harrian errekorrak hautsi dituzten.

Gaur goizean, eta 2024ko Aste Nagusiko programazioaren barruan, Aste Nagusiko XVII. Marmitako Lehiaketa ospatu da Elkano kalean, eta 17 bikotek parte hartu dute; garaipena Idurre Aristizabal Castañok eta Ibai Turrillas Larrañagak osatutako "Izurun" taldeko bikote donostiarrak lortu du.

Pirotecnia Valencianak Donostiako Su Artifizialen Nazioarteko 59. Lehiaketako Urrezko Maskorra lortu du. Iaz ere, garaipena lortu zuen lehiaketan.

Gastronomia lehiaketa berri bat gehitu zaio aurtengo Aste Nagusiko programazioaren barruan egin ohi direnen zerrendari. Gaur arratsaldean, Aste Nagusiko I. Begihandi bere tintan Lehiaketa ospatu da eta 12 bikotek parte hartu dute. Bikote irabazlea Ilunpe Elkarteko Tomas Nuñezek eta Jose Manuel Irigoyenek osatutakoa izan da; bikote honek Aste Nagusiko VII. Paella Lehiaketan garaipena lortu zuen joan den asteartean, beraz bikoizketa egin dute Aste Nagusi honetan.

Gaur goizean, Miguel Angel Fernandezen Oroimenezkoan Aste Nagusiko XXVIII. Arrantza Lehiaketa ospatu da. Infantil mailan (15 urte baino gutxiago) Urritz Galarragak lortu du garaipena 6757 gramoko harrapaketarekin eta senior mailan (15 urte baino gehiago) Iker Etxeberriak eskuratu du garaipena 3365 gramoko harrapaketarekin.

Iker Vicentek nafarrak irabazi du aurten ere Urrezko Kopa, 29 minutu 30 segundo eta 39 ehuneneko denborarekin.

Beti Lagunak Elkarteko Lourdes Saigos Juanbelz eta Jose Barreiro Vega irundarrek irabazi dute gaur goizean Matia kalean ospatu den Aste Nagusiko VII. Legatza saltsa berdean lehiaketan. Aurtengo edizioan,15 bikotek parte hartu dute lehiaketan. 

2024ko Aste Nagusiko programazioaren barruan gaur arratsaldean ospatutako "Etxekoekin Sukaldean" gastronomia lehiaketaren irabazleak, Gasteizko Apiñaniz-Aramburu familia izan dira - Idoia eta Antxon eta Markel eta Xabat seme-alabekin - "Marxa" taldea osatzen zutenak.

Gaur arratsaldean Katalunia plazan Aste Nagusiko Paella Lehiaketaren edizio berri bat ospatu da. Oraingoan, "Ilunpe" Elkarteko Tomas Nuñezek eta Jose Manuel Irigoyenek osatutako bikoteak irabazi du Aste Nagusiko VII. Paella Lehiaketa.

Televisión Españolako La 2 kateak aurten, uztailean, egindako 59. Jazzaldian grabatutako 10 kontzertu emango ditu, abuztuaren 12tik aurrera.

Aurten ere, Aste Nagusian zehar eta ondoren, Itzurun konpartsako 8 erraldoiak San Telmo Museora etorriko dira atseden hartzera; Joakin Elizegi Altzoko Handiaren etxera.

Gaur aurkeztu dituzte museoan Musika Hamabostaldiko Antzinako Musika eta Ganbera Musika zikloak, biak San Telmon izango dira.

Astelehenean, abuztuak 5, jarriko du Donostia Kulturak salgai udazkeneko arte eszenikoetako programazioa.