Albisteak eta oharrak

2025eko dFERIAk marka historikoa ezarri du bere adierazle nagusietan: bertaratutako publikoa, akreditatutako pertsonak eta konpainia parte-hartzaileak. Gainera, nota altuarekin pasa du nazioartekotze helburua, azken urteotan Europari begira egindako apustua, Suitza, Alemania eta Austria herrialde gonbidatu izan dituena.

Donostiako Giza Eskubideen Zinemaldiak Interview: Urez eta hondarrez ikuskizunaren estreinaldia aurkezten du, Tentazioa konpainiarena. Telmo Iruretak zuzendutako De agua y arena film laburrean oinarritua. Emanaldia euskaraz izango da, apirilaren 2an, asteazkena, 19:30ean, Victoria Eugenia Antzokian (Klub Aretoan).

Elhuyarek eta Donostia Kulturak Emakume zientzialarien argitan solasaldi-zikloa jarriko dute berriro ere martxan udaberrian Ernest Lluch Kultur Etxean. Saio guztiak euskaraz izango dira, 19:00etan. Ana Galarraga Aiestaran, Elhuyarreko zientzia-komunikatzailearen eskutik, hiru emakume zientzialari ezagutzeko aukera izango da: Elisa Sainz de Murieta geologoa, Miren Basaras mikrobiologoa eta Mirene Begiristain ekonomilaria.

Poesialdia, Donostiako Poesia Astearen zazpigarren edizioa martxoaren 17tik 22ra gauzatuko da Ernest Lluch Kultur Etxean, San Telmo Museoan eta Liburutegi Nagusian. Martxoko hirugarren astean poesiaren inguruko ikuskizunak, errezitalak eta solasaldiak antolatu ditugu hainbat idazle eta artista ezagunen parte hartzearekin: Elvira Sastre, Luis García Montero, Formol Laborategia, Jara Calvo, Tfarrah Mohamed Yesslem, Mikel Etxaburu eta Itziar Lamuedra Calo. 

+ 55 udal zerbitzuak bi kultur lehiaketa jarri berri ditu abian, Aztarnak eta Ereinduz.

Zazpigarren urtez jarraian, Eureka konpartsak -¡Viva Canarias! gaiarekin- 2025eko Inauterietako Sari Nagusia irabazi du. Umorearen Sari Nagusia ere errepikatu da irabazle - kasu honetan hirugarren urtez jarraian - eta Furius konpartsak eraman du ¡A todo centrifugado! gaiarekin. Sariak, atzo gauean, martxoaren 7an, Urnietako Oianume jatetxean egindako afarian banatu ziren.

8 kontzertu dohainik: Jamie Cullum, The War and Treaty, Anari, EXTC, Judith Hill, Crystal Murray, Bulego eta Sidonie

Atzo arratsaldean, martxoaren 5eko batzar nagusian bilduta, 2025eko Donostiako Inauterietako Konpartsek erabaki zuten Urrezko Sardinaren saria ematea Super Amarari, urtez urte Inauterien Konpartsei eta Donostiako Inauteriari eskeinitako laguntzagatik.

Arte eszenikoetako profesionalei zuzendutako hamar jarduera inguru antolatu ditu Feriak, programatzaileei, konpainiei, kultur eragileei eta banatzaileei zuzenduak. 

Atzo gauean, Ilunben 2025eko Konpartsen aurkezteko ospatutako ekitaldian, Inauterietako jantzien diseinuen VI. Saria eman zen. Fama konpartsa, "Soñando con caballos" izeneko gaiarekin eta Intxaur - Txiki konpartsa - "El show de Bob Mackie", ex aequo, irabazleak suertatu ziren aurtengo edizioan; haien atzetik eta bigarren posizioan Eureka konpartsa, "¡Viva Canarias!"; bukatzeko, Alegría de Alza "Pinceladas de Alegría" gaiarekin hirugarren postuan geratu zen.

Donostiako Giza Eskubideen 22. Zinemaldia apirilaren 4tik 11ra bitartean garatuko da bai Victoria Eugenia Antzokian ꟷzinemaldiaren egoitza nagusianꟷ bai Antzoki Zaharrean, baita hiriko beste eszenatoki batzuetan ere. Aurten berriro izango da Tabakaleran Zinema eta Memoria zikloa. Zikloa osatzen duten hiru pelikuletan Historia kontatzeko garaian irudiek duten ahalmena eta garrantzia aztertzen dira.

Asier Urbietak zuzendutako Faisaien Irla (La Isla de los Faisanes) (2025) euskal ekoizpenak inauguratuko du apirilaren 4an Victoria Eugenia Antzokian Donostiako Giza Eskubideen 22. Zinemaldia, Udaleko Giza Eskubideen sailak eta Donostia Kulturak antolatuta.

Lur jausi baten ondorioz, Begiristain Doktorearen pasealekutik Illunbera arteko oinezkoentzako bidea itxita dago. Oinez, Anoetako eskaileretatik eta Illunbeko pasarelatik iritsiko da hara.

Hika Teatroak sortutako Zorretan antzezlanak lortu du Donostiako Udaleko Euskara Zerbitzuak eta Donostia Kulturak antolaturiko XXV. Donostia Antzerki Saria. 

Igartubeiti Baserri Museoak eta San Telmo Museoak, lankidetzan, Gordailuaren (Gipuzkoako Ondare Bildumen Zentroa) aholkularitzarekin, etnografia ondarea ikertzeko eta zabaltzeko Galbahe ikerketa eta dibulgazio bekaren lehen edizioa aurkeztu dute. Beka bi erakundeen bilduma etnografikoetan oinarrituko da, euskal landa-gizartea aztertzeko diziplinarteko berrinterpretazioa edo elkarrizketa proposatzeko. Galbahek sei hilabeteko iraupena izango du eta ekaina eta azaroa bitartean garatuko da.