Albisteak eta oharrak

Asteartean, otsailak 25, jarriko du Donostia Kulturak salgai udaberriko arte eszenikoetako programazioa.

Otsailaren 27tik martxoaren 4ra ospatuko den 2025eko Inauterietako programazioaren aurkezpena gaur goizean izan da udaletxeko Prentsa Aretoan. 

San Telmo Museoak Memoriaren basoak erakusketa aurkeztu du gaur. Mabel Tapiak eta Mira Bernabeuk komisariatua, erakusketak testuinguru totalitarioetan menderatze eta kontrol sozialerako teknologien formak jorratzen ditu, diziplina anitzeko lan artistikoen bidez. San Telmo Museoan egongo da ikusgai 2025eko otsailaren 22tik maiatzaren 11ra.

Donostia Kulturak 2024ari buruz egindako balantzean, Donostiako herritarren parte-hartzea, publikoaren erantzuna eta sortzaileei emandako babesa izan dira aipagarrienak.

Argazki-liburuei buruzko programazioari eusten dio San Telmo Museoak, argazkilari ezagunen hitzaldi eta tailerrak antolatuz. Aurten izango dituen izenen artean daude, Cristóbal Hara 2022ko Argazkilaritza Sari Nazionala, Valentino Barachini argazkilari italiarra, Idoia Unzurrunzaga donostiarra edota Clemente Bernad iruindarra.

Datorren martxoaren 8an, 20:00etan, Antzoki Zaharrean kontzertu solidarioa izango da: Kantuan harresiaz gaindi: Saharar herriaren aldeko abestiak. Donostia Kulturaren ohiko kanaletan (leihatiletan eta webgunean) jarriko dira sarrerak salgai (prezioa 10 €) otsailaren 14an, 11:30etik aurrera.

San Telmo komentuaren (egun museoa dagoen lekua) fundatzaileen hilobia, Idiakeztarrena, aldare nagusiaren aurrera lekualdatu du museoak. Komentuaren fundatzaile izandako Alonso de Idiáquez eta Gracia de Olazabalen marmol txurizko hilobi-ohearen erreprodukzioa alboko kapera batean egon da 2010etik, eta, aldaketa honekin, jatorrizko kokapena berreskuratu du.

Otsailaren 11tik 14ra bitartean izango dira San Telmo Museoan XXIII. Arkeologia Jardunaldiak, Aranzadi Zientzia Elkarteak antolatuta, San Telmo Museoaren eta Gipuzkoako Foru Aldundiaren laguntzarekin.

Gaur, otsailak 5, dFERIAren programazio eszeniko osoa aurkeztu da. Ikuskizun hauetarako sarrerak eta abonamendua bihar, otsailak 6,  goizeko 11:30etik aurrera jarriko dira salgai gure leihatiletan eta webgunean. XXXI. dFERIA martxoaren 16tik 20ra bitartean egingo da eta esplotazioa izango du lelo.

Gaurtik aurrera ikastetxeek izena eman dezakete Giza Eskubideen 22. Zinemaldiak (apirilak 4-11) haur eta gazteei urtero eskaintzen dizkien proiekzioetarako.

18 eta 30 urte bitarteko ehun gazte inguruk osatuko dute Gazte Epaimahaia, Giza Eskubideen 22. Zinemaldiko Film Labur Onenaren Saria emateko.

2025ko Mendi Tour zirkuitua Donostiako Antzoki Zaharrean abiatuko da otsailaren 17ean, 18an eta 19an, Donostia Kultura, Club Vasco de Camping Elkartea eta BBK Mendi Film Bilbao-Bizkaia elkarteen eskutik. Sarrera salmenta otsailaren 3an hasiko da, goizeko 11:30ean, gure ohiko kanaletan.

Otsailean zehar eta martxoko lehen astean Ernest Lluch Kultur Etxean 4 liburu aurkezpen egingo dira. Bertatik pasako dira Nuria Pérez (No tocarás) otsailaren 7an, Pilar Adón (Las iras) otsailaren 13an, Alex Orbe eta José A. Pérez Ledo (El invasor) hilaren 27an eta Julen Gabiria (Joe Sacco-ren Gerra Gazan) martxoaren 4an.

HAU Euskal Herriko Objektu Tradizionalen Diseinu Lehiaketaren zortzigarren edizioko deialdia zabaldu dute gaur San Telmo Museoak eta Bitamine Faktoriak. Lehiaketa honen helburua euskal kulturaren objektu tradizional bat berritzea da eta edizio honetan ontzitegia, zehatzago manka izeneko altzaria, izango da langaia. Proiektuak aurkezteko epea 2025eko maiatzaren 4ra arte egongo da zabalik, egun hori barne.

San Telmo Museoak Ipuscua 1000 urte. Ipuscuatik Gipuzkoara. 1025-2025 erakusketa aurkeztu du. Erakusketa San Telmo Museoak antolatu du eta Gipuzkoako Foru Aldundiaren (Gordailua) lankidetza izan du, eta Iosu Etxezarraga historialari eta arkeologoa da komisarioa.