Albisteak eta oharrak

José Antonio Zorrilla Donostian egongo da apirilaren 22an, 19:00etan, Okendo Kultur Etxean. Sarrera librea izango da lekua bete arte.

Donostiako Giza Eskubideen 21. Zinemaldiaren testuinguruan, Donostia Kulturak Pakistan: Indusen ibaibideak erakusketa aurkezten du. Bertan, Igone Mariezkurrena kazetari eta antropologoak herrialde horretara egindako hainbat bidaiatan behatu eta dokumentatutako errealitateen berri aurki daiteke. Guztiek dute zerikusia aldaketa klimatikoak Indus ibaiaren arroan bizi diren jendeen bizitzetan duen inpaktuarekin eta horren ondorio sozialekin.

Giza Eskubideen 21. Zinemaldiko 26. Luis Valtueña Nazioarteko Saria - Argazkigintza humanitarioa erakusketa irekita egongo da apirilarean 16tik ekainaren 15era Okendo Kultur Etxean.

Giza Eskubideen 21. Zinemaldiko Baloreak erakusketa irekita egongo da apirilak 10etik maiatzak 4ra Udal Liburutegi Nagusian (Alderdi Eder).

Giza Eskubideen 21. Zinemaldiko Artea eta Giza Eskubideak, haur eta gazteen 20. ekitaldia erakusketa irekita egongo da apiririlak 12tik 19ra Victoria Eugenia Antzokian (sarrera Okendo plazatik).

Fernando León de Aranoa zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 12, 20:00etan Victoria Eugenia Antzokian ospatuko den inaugurazio emanaldian izango da.

Osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta solasaldietako gaietako batzuk eta erakusketak ere izango dira hiriko hainbat tokitan.

Poesialdia egitarauaren baitan, gaur, martxoak 21, idazle gazteei zuzendutako Donostia Kultura Poesia Lehiaketaren zazpigarren edizioaren sari banaketa egin da Udal Liburutegi Nagusiko Mandasko Dukearen aretoan. Aurtengo saritua  Beñat Arruti Irigoien (Zaratuz, 1999) da, Arkeologia haragitan obragatik.

Zinemaldia apirilaren 12tik 19ra bitartean garatuko da bai Victoria Eugenia Antzokian ꟷzinemaldiaren egoitza nagusianꟷ bai Antzoki Zaharrean, baita hiriko beste eszenatoki batzuetan ere. Aurten berriro izango da Tabakaleran Zinema eta memoria zikloa. Zikloa osatzen duten hiru pelikuletan ꟷThe Mother of All Lies, Dieu est une femme eta Subjectꟷ Historia kontatzeko garaian irudiek duten ahalmena eta garrantzia aztertzen dira.

Urtero bezala, zinemaldiak hainbat gai izango ditu hizpide, besteak beste, Ukrainako gerrako haurren egoerara eta Palestinako historia hurbila. Azken gai horretara hurbiltzeko, Palestinako film laburren hautaketa bat eskainiko da (2019an zinemaldian saritutako Annemarie Jacir zinegileak egin du komisario lana), eta baita Hiam Abbas aktorearen bizitzaren kontakizuna biltzen duen filma ere. Lanaren etorkizunaz, migrazioa arma politiko eta militar gisa erabiltzeaz, eta emaginez ere hitz egingo da, beste gai askoren artean.

El salto (2023) filmak, Benito Zambrano zuzendariarenak, inauguratuko du datorren apirilaren 12an Victoria Eugenia Antzokian Donostiako Giza Eskubideen 21. Zinemaldia, Donostiako Udaleko Giza Eskubideen arloak eta Donostia Kulturak antolatua. Zinemaldia apirilaren 12tik 19ra bitartean garatuko da bai Victoria Eugenia Antzokian ꟷzinemaldiaren egoitza nagusianꟷ bai Antzoki Zaharrean, baita hiriko beste eszenatoki batzuetan ere.

dFERIAren 2024. edizioak jarraipena eman dio azken urteotan abian jarritako nazioartekotze-ildoari, batez ere Europari begira. Italia izan da edizio honetako herrialde gonbidatua, Istituto Italiano di Cultura di Madriden laguntzari esker. Horrek fruituak eman ditu, eta nazioarteko profesional akreditatuen kopurua nabarmen handitu da, ia %27 igo da.

2024ko dFERIA arte eszenikoen orainari eta etorkizunari buruzko hausnarketarako eta eztabaidarako topagunea izan zen. Zehazki, bi azterketa-mahai egin ziren, bata antzerkian eta bestea dantzan oinarritua, eta bietan esparru bakoitzeko ordezkari esanguratsuak egon ziren arazo komunei buruz eztabaidatzen.

Maxim Ósipov gaur egun nazioartean proiekziorik handiena duen errusiar idazleetako bat izango da 2024ko lehen Literaktum Topaketen protagonista. Ekitaldia apirilaren 10ean izango da Okendo Kultur Etxean, 19.00etan. Sarrera librea izango da aretoa bete arte eta aldibereko itzulpen zerbitzua izango da. Ósipov Irati Goikoetxea idazlearekin arituko da solasean.

Emozioz beteriko egunen ostean, XXX. dFERIAk, askotariko proposamenak eta jarduerak biltzen eta hainbat ikuskizun mota barne hartzen dituen jaialdiak, amaiera emango dio programazioari azken eguneko antzezlan eta dantzekin.