Albisteak eta oharrak

Joan den ostiralean, azaroaren 3an, amaitu ziren Donostiako Fantasiazko eta Beldurrezko Zinemaren 34. Asteko filmen proiekzioak, sorginkeriaren leitmotiva.

Literaktum letren jaialdiak azaroaren 13tik 26ra du aurtengo hitzordua. Sail eta proposamen berriekin eta, ohi denez, kolaborazio-sare zabalarekin gauzatuko da.

Fantasiazko eta Beldurrezko Zinemaren 34. Astean ospatu den Fanzineen Gerrako irabazlea izan da Pantxineta Endemoniata.

Cuando acecha la maldad (Demian Rugna, 2023) eta La mesita del comedor (Caye Casas, 2022) film luzeek Fantasiazko eta Beldurrezko Zinemaren 34. Asteko Ikusleen Saria ex aequo irabazi dute. Astea Antzoki Zaharrean amaituko da gau honetan River (2023) pelikularen proiekzioarekin.

Deialdiaren asmoa euskarazko fantasiazko gidoien sorkuntza saritzea da, eta horretarako, ikus-entzunezkoen arloko profesionalen aholkularitza emango zaio hautatutako proiektuari. Horren azken emaitza film labur bat ekoiztea eta zuzentzea izango da, hori guztia Larrotxene Bideo-ren tutoretzapean. Film laburra 2024ko Donostiako Fantasiazko eta Beldurrezko Zinemaren 35. Astean estreinatuko da.

Fantasiazko eta Beldurrezko Zinemaren 34. Asteko Euskadi Fantastikoa 19: Sorgin seinalea (Gregorio Muro Harriet & Daniel Redondo) erakusketa irekita egongo da urriak 27tik azaroak 18ra Udal Liburutegi Nagusian (Alderdi Eder).

Fantasiazko eta Beldurrezko Zinemaren 34. Asteko Bruixes – Sorginak – Brujas. Akelarre ilustratua erakusketa irekita egongo da urriak 27tik azaroak 12ra Udal Liburutegiko Ekitaldi Aretoan (San Jeronimo).

Itziar Ituño protagonista duen kartel ofizialetik beretik hasita, sorginkeria da zinema jaialdiaren aurtengo leitmotiva. Bruixes–Sorginak–Brujas. Akelarre ilustratua erakusketarekin eta 2000maniacos fanzinearekin batera, gaiari lotuta datorren Beso negro: Brujería, cine y cultura pop liburua San Telmo Museoan aurkeztuko da urriaren 26an, arratsaldeko 19:00etan. 

Urriaren 27an, ostirala, Vermines (2023) film frantsesak, Sébastien Vaniček zuzendari duenak, Donostiako Fantasiazko eta Beldurrezko Zinemaren 34. Astea inauguratuko du Antzoki Zaharrean. Junta Yamaguchiren River (2023) filmak leku berean itxiko du Astea azaroaren 3an.

Noviembre Fantasma ekimen bateratua, Donostiako Fantasiazko eta Beldurrezko Zinemaren Astea, Fancine – Malagako Fantasiazko Zinemaldia, TerrorMolins – Molins de Reiko Beldurrezko Zinemaldia eta Isla Calavera – La Laguna Hiria Kanarietako Fantasiazko Zinemaldia tartean direla, udazken honetan bueltan da fantasiazko eta beldurrezko generoarekin lotutako edukien katalogoa zabaltzeko bere laugarren denboraldi honetan.

Donostia Apain proiektuaren baitan 2023an 4 horma irudi egin dira Bidebietan: Zësar Bahamonte, Sandra Garayoa, Xoana Almar, Miguel Peralta eta Zebra kolektiboa dira egileak.

Hirugarrenez egingo da aurten Literaktum Txikia Ilustrazio Lehiaketa, Lehen Hezkuntzako ikasleei zuzendua (6-12 urte).

Azaroaren 13tik 26ra egingo da aurtengo Literaktum jaialdia, eta Maitasunaren geografiak izango du izenburu. Jaialdian parte hartuko duten lehen idazleak ezagutarazi dira: Gioconda Belli eta Antonio Muñoz Molina.

Hemezortzi urtez jarraian, Donostia Gazteriak Fantasiazko eta Beldurrezko Zinemaren Astean parte hartu eta Gazteen Epaimahaia eratuko du; 150 pertsonekin osaturiko taldeak film laburren irabazlea aukeratu eta 34. edizioko Film Laburrik Onenaren Gazte Saria emango du. Interesatuek Gazteriako webgunearen bidez izena eman dezakete urriaren 13 bitarte.

Donostiako Fantasiazko eta Beldurrezko Zinemaren 34. Asteak, Medialab Tabakalerako autoedizioko txokoarekin eta FNACekin elkarlanean, berriro antolatu du Fanzineen Gerra, berriro ekin dio euskarri horien bidez generoarekiko grina bizia aditzera eman eta aldarrikatzeko.