Hizkuntzak
Idoia Unzurrunzagaren lehen lanak zabalduko du argazki-liburuaren programazioa
Argazki-liburuei buruzko programazioari eusten dio San Telmo Museoak, argazkilari ezagunen hitzaldi eta tailerrak antolatuz. Aurten izango dituen izenen artean daude, Cristóbal Hara 2022ko Argazkilaritza Sari Nazionala, Valentino Barachini argazkilari italiarra, Idoia Unzurrunzaga donostiarra edota Clemente Bernad iruindarra.
Berritasunen artean, Gertutik, argazki-liburua izeneko programa jarriko du abian museoak, maiatzetik aurrera, Nagore Legarreta argazkilariaren eskutik, eta publiko ezberdinei zuzenduta. Tailer hauek museoko liburutegian egingo dira, Gabriela Cendoya Bergarecheren argazki-liburuen bilduma bisitatuz. Museoak kudeatzen du ia 3400 aleko bilduma hau.
Hauek dira 2025eko lehen seihilekorako programatutako jarduerak
Hitzaldiak
- Espazio in-finituak. Idoia Unzurrunzaga, otsailak 15, larunbata, 12:00 (eus)
- El gobierno te odia. Christopher Gregory-Rivera, martxoak 22, larunbata, 12:00 (cas)
- Los ensayos banales: el caballo doma al jinete. Cristóbal Hara + Montse Puig, apirilak 5, larunbata, 12:00 (cas)
- Do you remember Franco?. Clemente Bernad, maiatzak 10, larunbata, 12:00 (cas)
Tailerrak
- Argazkigintza estenopeiko lantegia. Nagore Legarreta, maiatzak 17, larunbata, 10:00-14:00 (eus)
- For an idea of photographic book. Valentino Barachini, maiatzak 23, 26, 30, 31 + ekainak 1 (en)
