Hizkuntzak
Bi kontzertu izango dira Atzokoak gaur erakusketaren azken jarduerak
Atzokoak gaur: Herri musikaren artisauak erakusketarekin lotura duen jarduera programazioari amaiera emateko bi kontzertu programatu ditugu San Telmo Museoan datozen asteotan. Apirilaren erdialdean Soinuenearen laguntzarekin zabaldutako erakusketak jadanik izan ditu 5.000tik gora bisitari, berarekin lotutako jarduerei amaiera borobila emango diete bi kontzertuetan parte hartuko duten musikariek.
Lehenengo hitzordua aste honetan bertan izango da, maiatzaren 30ean, eta bigarrena ekainaren 13an. Biak 19:00etan hasiko dira eta sarrera librea izango da edukiera bete arte.
- Maiatzak 30: Lur oihartzunak; Iñar Sastre eta Mixel Etxekopar
- Ekainak 13: Txistu hots gozoa, nola?, Donostiako Udal txistulari taldea
Kontzertuen ondoren oraindik ere egun batzuk izango dira erakusketa bisitatzeko, ekainaren 29ra arte zabalik egongo baita, Laborategia aretoan, doako sarrerarekin.
