Intx´Apain Zein da zure hitza?

Intx’Apain hiru egunez Intxaurrondoko auzoko hamar bat horma hiri-arteko sorkuntza eta topaketarako gune bihurtuko dituen hiri-arte jaialdia da. Euskara izango da horma-irudiak sortzeko ardatz nagusia, Zein da zure hitza? leloaren haritik. Artistak eta herritarrak hitzak abiapuntu hartzera gonbidatuko ditu, sortzeko, partekatzeko eta elkar topatzeko.

Musikak, rapak, bertsolaritzak, breakdance-ak, tailerrek eta ikastolekin, auzoko elkarteekin eta eragileekin batera garatutako proposamen parte-hartzaileek osatuko dute egitaraua. Hala, esku-hartze artistikoak lagunduko dituzte eta jaialdia guztion artean bizitzeko esperientzia kolektibo bihurtuko dute.

Informazio gehiago: Intx'Apain hiri-arte jaialdia Intxaurrondon urri amaieran (albistea).

Urriak 30

Ikastetxeetako muralak egun osoan zehar:

• 9. gunea: Intxaurrondo Ikastola.
• 7. gunea: Lauaizeta institutuaren murala, Bernat Etxepare plaza (Sandra Garayoa + institutuko ikasleak).
• 4. gunea: Hegoa Ikastola (Andrea Costas, ikasleek ondutako pareta).
• 5. gunea: Felix Gabilondo plaza. Hegoa ikastolako ikasleak arituko dira goizez margotzen.

17:00-19:00

• 5. gunea: Plazara Goaz + Gazteleku + Intxhaurgunea (partehartzailea, GKO artistaren gidaritzapean) + DJ Mikeltxi + Merendola. Felix Gabilondo plaza.

Urriak 31

12:30-13:30

• 11. gunea: Muraljira. Auzoa ezagutu hirigintza ikuspegi batetik (Larraitz Esnaola eta Idoia Moreno arkitektoekin batera). Topagunea: Intxaurrondo kalea 43.

12. gunea. Urban 13 gunea.

• 17:00-18:00 Graffitiari, rapari, inprobisazioari eta mikrofono irekiari lotutako gunea. Topagunea: Txaparrene bidea.
• 18:30-20:00. Breakdance erakustaldia (From Favela) eta klase irekia.
• 20:00-21:00: Kontzertua. La Basu.

Azaroak 1

12:00-13:30

• 1. gunea: Muraljira + bertsoak. Alaia Martin + Intxaurrondo bertso eskolako bertsolariak. Topagunea: Telesforo Aranzadi kalea 2.

12:30-14:00

• 7. gunea: Nagore Legarreta sortzaileak gidatutako tailerra: Argia eta hitza: kimigrama kolektiboa. 20 leku. Izen-ematea: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.. Bernat Etxepare plaza.
• 13:30-14:30. Aperitifa.

Eguraldiak laguntzen ez badu

Muralak eguraldiak uzten dituen aukeren arabera egingo dira.

MuralJirak: euri arinarekin, aterkiarekin egingo dira; euri handiarekin, bertan behera geratuko dira. Erabakiak jarduera baino ordu batzuk lehenago hartuko dira.

Gainerako jarduerak: Intxaurrondo Kultur Etxera eramango dira, aurreikusitako ordutegiak mantenduz.

donostiakultura.eus/intxaurrondo webgunean egongo dira azken uneko aldaketak.