Albisteak

Urriaren 24an Liburutegien Eguna dela eta, Donostia Kulturako Liburutegi Zerbitzuak, Medialab Tabakalerak eta Koldo Mitxelena Kulturuneko Liburutegiak elkarlanean Liburutegia, lankidetzan sortutako eduki sortzailea izeneko jardunaldia antolatu dute Medialab Tabakaleran.

Hirugarrenez egingo da aurten Literaktum Txikia Ilustrazio Lehiaketa, Lehen Hezkuntzako ikasleei zuzendua (6-12 urte).

San Telmo gizarte museo bilakatu zenean Erronkak izeneko ildo estrategiko berria ireki zuen 2011n. Hala, tradizioarekin eta antzinako bizimoduekin oso identifikatuta zegoen erakundea, gizartearen fenomeno garaikideetan oinarritutako ikuspegi berri batez hornitu zuen, orainari eta etorkizunari buruzko hausnarketarako eta eztabaidarako espazioak irekiz. Orain Erronkak lan ildoa indartu du museoak irudi propioa sortuz eta erakusketa iraunkorrean hainbat aldaketa eginez, ohiko programazioarekin jarraitzeaz gain.

Azaroaren 13tik 26ra egingo da aurtengo Literaktum jaialdia, eta Maitasunaren geografiak izango du izenburu. Jaialdian parte hartuko duten lehen idazleak ezagutarazi dira: Gioconda Belli eta Antonio Muñoz Molina.

Atzo, urriak 15, amaitu ziren Clima ideal. Udako kartelak eta Margotzeko bidaiatu. Sorolla Donostian erakusketak. Biek museoaren udako eskaintza erakargarria osatu dute eta bisitarien harrera bikaina izan dute, 50.900 bisita izan baititu lehenak, eta, 48.300 bigarrenak.

Judith Argomaniz koreografoaren Lasala konpainiak SHINE, bere azken sorkuntza, estreinatuko du azaroaren 5ean Victoria Eugenia Antzokian. Estreinaldiaren inguruan hainbat jarduera antolatu dira.

Donostia Kulturako liburutegiek liburuak eta beste materialak etxera eraman eta bertatik jasotzeko mailegu zerbitzua jarri dute martxan. Doako ekimen hau Donostian bizi eta mugitzeko arazoak dituzten pertsonentzat, aldi baterako edo behin betiko mugitzeko zailtasunak dituztenentzat, hain zuzen.

Bost emanaldi eskainiko dira Altza, Loiola, Gros, Ibaeta eta Amarako elizetan.

Jaialdiko argi instalazioek, proiekzio monumentalek eta zuzeneko emanaldiek berriro sortu zuten harridura.

Inmigrazioaren alderdi ezberdinen inguruan sakontzeko, Demografia erronka: migrazioak hiru saioko zikloa antolatu dute San Telmo Museoak eta Jakiundek, urrian zehar solasaldiak eskainiko dituzten adituak bilduko dituena. Gainera, honen osagarri gisa Gari Garaialderen argazki erakusketa egongo da ikusgai. Biak, zikloa eta erakusketa, egungo gizartearen erronkei buruzko lan ildoan kokatzen dira.

Gipuzkoako Foru Aldundiak urtero antolatzen du Ondarearen Europako Jardunaldien programazioa lurraldeko ondarea ezagutarazteko helburuarekin. San Telmo Museoak 8 jarduera antolatu ditu urria eta azaroa artean; lehena ostegun honetan izango da, urriak 5.

Donostia Kulturako 2023-2024 ikastaroetan oraindik matrikulatzeko aukera dago.

Antzerkingintza Berriak-en 8. edizioaren oinarriak argitaratu dira. 

Datorren urriaren 4an, Tabakaleran, berriro helduko zaio joan den urtarrilean hasi eta Frantziako zinema beltzari eskainitako Nosferatu zikloari film honen proiekzioarekin: Le Corps de mon ennemi (1976), Henri Verneuilek zuzendua eta Jean-Paul Belmondo protagonista duena.

Donostia San Sebastian Festak unitateak 2024ko Donostiako Inauteriak iragartzeko kartela aukeratzeko lehiaketa deitu du. Lanak aurkezteko epea 2023ko azaroaren 3an bukatuko da.