Albisteak

San Telmo Museoak iragarri du Museo Bikoitza esku-hartze programaren hurrengo artista gonbidatuak Usue Arrieta eta Ainara Elgoibar direla, Maddi Barber-ek hala hautatuta. Bi artista hauek Tractora kooperatibako kide dira, artea ekoizteko eta banatzeko sistemekin esperimentatzeko laborategi gisa sortutako proiektua.

Bere ohiko hitzaldi-programazioaren barruan, urrian Demografia protagonista izango duten bi hitzordu izango dira museoan. Solasaldi hauek Erronkak ildoan kokatzen dira eta Jakiunde eta ZAS! -ekin elkarlanean antolatu dira. Sarrera librea izango da bietan, lekuak bete arte, eta streaming bidez ere emango dira, museoaren Youtubeko kanaletik.

Urria iristearekin batera, eta hilaren 14an ospatzen den Argazki-liburuaren Nazioarteko Egunaren harira, San Telmo Museoak formatu artistiko honekin lotutako programazioari ekingo dio berriro. Bryan Schutmaat estatubatuarra, Ricardo Cases valentziarra eta bertakoak ditugun Nagore Legarreta eta Miguel Leache bezalako artista interesgarriak gurekin izango dira datozen hilabeteetan.

Atzo aurkeztu zuen Musikagileak elkarteak Musika Garaikidearen XV. Zirkuitoa. 12 kontzertuz osatutako zikloa izango da. Bertan, euskal konpositoreen piezak nazioarteko sortzaileenekin tartekatuko dira, eta bertako, nazio mailako eta nazioarte mailako bakarlari eta taldeek interpretatuko dituzte. Gaur egungo musikaren 12 erakusgarri bilduko ditu Musikagileak Zirkuituak eta, gainera, zikloan zehar 21 musikagileren lan estreinatuko dira.

Antzerkigintza Berriak programan sortutako zortzi lanak xeheki aztertu ondoren, balorazio-batzordeak Sergio Serrano Roviraren Los días infinitos lana hautatu du, "bere literatura- eta antzerki-sinesgarritasunagatik". Batzordearen epaiak honako hau dio obrari buruz: "proposamen originala eta kalitate literariokoa da, egitura dramatiko oso eraginkorra, elkarrizketa onekoa, gizatasun eta indar dramatiko handikoa".

Gaur, erakusketa berria aurkeztu dugu museoan: Nestor Basterretxea eta San Telmo Museoa. Bilduma baten loturak. Artistaren jaiotzaren mendeurrena (1924-2014) betetzen den honetan, museoaren erakusketa iraunkorreko hainbat piezaren eta euskal artistaren obra esanguratsuen hautaketa baten arteko elkarrizketazko ibilbide bat eskaintzen dugu. Miren Vadillok egin du proiektu honetan komisario lana, eta 2024ko urriaren 4tik 2025eko urtarrilaren 26ra arte izango da ikusgai.

Abonuak urriaren 18tik aurrera, ostirala, 09:00etan jarriko dira salgai Antzoki Zaharreko leihatilan. Abonuen kupo mugatu bat salduko da.

Donostiako Fantasiazko eta Beldurrezko Zinemaren 35. Asteak, FNACekin eta Euskal Itsas Museoarekin elkarlanean, berriro antolatu du Fanzineen Gerra, berriro ekin dio euskarri horien bidez generoarekiko grina bizia aditzera eman eta aldarrikatzeko.

Azken urteetako lan-ildoari eutsiz, ikasturtean zehar familiei zuzendutako tailerrak eskainiko ditu aurten ere San Telmo Museoak. Hasteko, urrian ospatzen den Ondarearen Europako Jardunaldiekin bat eginez, ehungintzan eta argazki funtsetan oinarrituko dira hilabete honetako tailerrak. Aurrenekoa, larunbat honetan bertan, urriaren 5ean eskainiko da eta artista tailerra izango da. 

Donostia Kulturako 2024-2025 ikastaroetan oraindik matrikulatzeko aukera dago.

Ikasturtero 4 eta 16 urte bitarteko 5.500 ikasle baino gehiago hurbiltzen dira Donostia Kulturako antzokietara Eskolatik Antzokira programaren barruan. Programa honek antzerki, dantza eta zirku ikuskizunak proposatzen ditu ikasleen adin tarte guztietarako, bakoitzak bere material didaktiko osagarria izaten duelarik. Aurten 6 ikuskizun eskaini zaizkie eskolei eta erreserbak egiteko epea urriaren 1etik 11ra izango da.

Liburuka proiektuan izena emateko epea irailaren 24an bukatu zen eta harrera oso ona izan du. Zehazki, Irakurle gazteak ekimenean 139 liburu kaxa eskaera jaso da, 110 motxila txikik ekingo diote zirkuituari eta Areto literarioan 12 saio eskainiko dira, aurten "eskapu gelan" izango dena. Guztira, 2024-2025 ikasturtean, Donostiako 28 ikastetxek parte hartuko dute aipatutako programetan. 

Atzo, hilak 23, 18:00etan egindako bileran, 2025. urteko Haur Danborradako Danbor Nagusia Amassorrain Ikastolako ikasle bat izango dela, eta danborradako pertsonaiak Harri-Berri Oleta Ikastetxeko ikasleen artean aterako direla erabaki zen.

Urriaren 22an abiatuko da Goldaturekin batera antolatutako Atzoko eta gaurko erbesteratze eta migrazioak hitzaldi zikloa. Hitzaldi guztiak Okendo Kultur Etxean arratsaldeko 19:00etan izango dira. Aurtengo hizlariak Aintzane Lasarte, Josu Chueca, Iñigo Mijangos, Amets Arzallus eta Itziar Gómez izango dira.

Hemeretzigarren urtez jarraian, Donostia Gazteriak Fantasiazko eta Beldurrezko Zinemaren Astean parte hartu eta Gazteen Epaimahaia eratuko du; 100 pertsonekin osaturiko taldeak film laburren irabazlea aukeratu eta 35. edizioko Film Laburrik Onenaren Gazte Saria emango du. Interesatuek Gazteriako webgunearen bidez izena eman dezakete urriaren 11ra arte.