Albisteak

Gaur, azaroak 13, Donostia San Sebastián Festak-ek 2024ko Santo Tomas ferian zozketara doazen txistorra postuen behin betiko zerrendak argitaratu ditu.

Azaroaren 12tik 15era Aranzadi Zientzia Elkarteak antolatutako 45. Etnografia Jardunaldiak izango dira museoan, aurtengoan ere San Telmoren lankidetzarekin. Hitzaldiak 19:00etan izango dira, doako sarrerarekin jarlekuak bete arte eta, 15ekoa ez beste guztiak, zuzenean jarraitu ahal izango dira streaming bidez museoak Youtuben duen kanalean.

TOPIC Tolosako Nazioarteko Txotxongilo Zentroaren laguntzarekin, Victoria Eugenia Antzokiak erakusketa bat eta txotxongilo-ikuskizun sorta bat jasoko du adin guztietako ikusleei zuzenduta.

Joan den ostiralean, azaroaren 1ean, amaitu ziren Donostiako Fantasiazko eta Beldurrezko Zinemaren 35. Asteko filmen proiekzioak.

Donostiako Giza Eskubideen 22. Zinemaldian izena emateko epea azaroaren 7tik urtarrilaren 8ra bitartean egongo da zabalik.

Azaroaren 4tik 17ra bitartean, Donostia/San Sebastián Festak-ek izena emateko epea irekiko du Errege Magoen Kabalgatan haurrek Erregeon karrozetako paje gisa banaka parte hartzeko. Izena emango duten haurrek zozketa batean parte hartuko dute, azaroaren 20an eguerdiko 12:00etan Udalaren Festak Arloaren bulegoetan egitekoa (Konstituzio plaza 1).

Arteliburu 21ek eta San Telmo Museoak antolatuta, asteburu honetan, azaroaren 8tik 10era, Artista Liburuari Buruzko IX. Topaketa izango da museoan. Hiru egun horietan zehar 50 artista eta taldek baino gehiagok beren lanak erakutsiko dituzte museoan egingo den erakusketan, eta jarduerak ere izango dira.

Donostia Kulturak Kike Otaegi Arizmendik idatzitako Atotxa-Egia: Harresiz kanpoko ingurune batetik hiri espazio batera liburua aurkeztu du prentsaurrekoan. Liburuak Atotxa-Egia auzoaren historia zeharkatzen du XIX. mendeko 60ko hamarkadatik XX. mendeko 70eko hamarkadara arte. Liburuaren aurkezpen publikoa azaroaren 12an izango da, arratsaldeko 19:00etan, Egia Kultur Etxean, egilearen eskutik.

Gaur, azaroak 6, Donostia San Sebastián Festak-ek 2024ko Santo Tomas ferian zozketara doazen txistorra postuen behin behineko zerrendak argitaratu ditu.

Federico Madrazo y Kuntz-en Amalia de Llano y Dotres, condesa de Vilches (Amalia de Llano y Dotres, Vilcheseko kondesa) margolana San Telmo Museoan ikusi ahal izango da 2024ko azaroaren 5etik abenduaren 1era, “Lotzen gaituen artea” ekimenari esker.

Literaktum letren jaialdiak azaroaren 11tik 24ra du aurtengo hitzordua. Sail eta proposamen berriekin eta, ohi denez, kolaborazio-sare zabalarekin gauzatuko da.

Hautaketa prozesuan parte hartzeko taldeek izen-ematea osatu eta hautaketa prozesu honen oinarrietan zehazten den materiala bidali beharko dute, 2024ko azaroaren 29aren 14:00ak baino lehen.

Fantasiazko eta Beldurrezko Zinemaren 35. Astean ospatu den Fanzineen Gerrako irabazlea izan da Profundoa.

Oddity (Damian McCarthy, 2024) film luze Fantasiazko eta Beldurrezko Zinemaren 35. Asteko Ikusleen Saria irabazi du. Astea Antzoki Zaharrean amaituko da gau honetan Una ballena (2024) pelikularen proiekzioarekin.

Azaroaren 6an eta 7an egingo dira San Telmo Museoan Emakume idazleen mundu bat, 36. Nazioarteko literatura topaketak. Donostia Kulturak antolatu eta Luisa Etxenikek koordinatzen duen zikloan Nathacha Appanah eta María Belmonte egileek hartuko dute parte. Bi ekitaldiak 19:00etan hasiko dira, eta sarbidea librea izango da jarleku guztiak bete arte.