Albisteak

Federico Madrazo y Kuntz-en Amalia de Llano y Dotres, condesa de Vilches (Amalia de Llano y Dotres, Vilcheseko kondesa) margolana San Telmo Museoan ikusi ahal izango da 2024ko azaroaren 5etik abenduaren 1era, “Lotzen gaituen artea” ekimenari esker.

Literaktum letren jaialdiak azaroaren 11tik 24ra du aurtengo hitzordua. Sail eta proposamen berriekin eta, ohi denez, kolaborazio-sare zabalarekin gauzatuko da.

Hautaketa prozesuan parte hartzeko taldeek izen-ematea osatu eta hautaketa prozesu honen oinarrietan zehazten den materiala bidali beharko dute, 2024ko azaroaren 29aren 14:00ak baino lehen.

Fantasiazko eta Beldurrezko Zinemaren 35. Astean ospatu den Fanzineen Gerrako irabazlea izan da Profundoa.

Oddity (Damian McCarthy, 2024) film luze Fantasiazko eta Beldurrezko Zinemaren 35. Asteko Ikusleen Saria irabazi du. Astea Antzoki Zaharrean amaituko da gau honetan Una ballena (2024) pelikularen proiekzioarekin.

Azaroaren 6an eta 7an egingo dira San Telmo Museoan Emakume idazleen mundu bat, 36. Nazioarteko literatura topaketak. Donostia Kulturak antolatu eta Luisa Etxenikek koordinatzen duen zikloan Nathacha Appanah eta María Belmonte egileek hartuko dute parte. Bi ekitaldiak 19:00etan hasiko dira, eta sarbidea librea izango da jarleku guztiak bete arte.

Euskarazko formatu txikiko antzerki sorkuntza eta ekoizpena bultzatzeko 2025eko Poltsiko Antzerki Sorkuntza programak baditu dagoeneko irabazleak. Jasotako proiektuen artean, epaimahaiak lehen saria eman dio Igogailu batean amaitu zen mundua antzezlanari, eta bigarren saria, Adriene Bergson-Johnson edo Euskal kulturak iraultza behar du! antzezlanari.

Fantasiazko eta Beldurrezko Zinemaren 35. Asteko Euskadi Fantastikoa 20 – Nacho Fernández: Binetak eta munstrotxoak erakusketa irekita egongo da urriak 25etik azaroak 16ra Udal Liburutegi Nagusian (Alderdi Eder).

Urriaren 30an, goizeko 10:00etan, Donostiako Elkar liburu-dendan (Fermin Calbeton 21) egingo da aurtengo Zilarrezko Euskadi sarien banaketa. Bertan izango dira idazle sarituak (Goiatz Labandibar, Mario Calabresi, Xabier eta Martin Etxeberria). Arratsaldeko 19:00etan Mario Calabresi Mitxel Ezquiagarekin arituko da solasean San Telmo Museoan.

Aurten ere, udazkenak Noviembre Fantasma ekimenaren edizio berri bat dakar. Espainiako fantasiazko eta beldurrezko lau zinemaldi garrantzitsuenen arteko lankidetza ekimena da hau: Donostiako Fantasiazko eta Beldurrezko Zinemaren Astea, Fancine, TerrorMolins eta Isla Calavera.

Larunbat honetan, azaroak 2, Iñaki Palacios txistulariak kontzertua eskainiko du San Telmo Museoan bere azken lana aurkezteko: Argizaiola. Emanaldia 19:30ean izango da sarrera librearekin lekuak bete arte.

Abian da X. lehiaketa eta azaroaren 25a izango da lanak aurkezteko azken eguna.

Fantasiazko eta Beldurrezko Zinemaren 35. Asteko Dragoi Bola-tik infinitura – Akira Toriyamari omenaldia erakusketa irekita egongo da urriak 25etik azaroak 10ra Udal Liburutegiko Ekitaldi Aretoan (San Jeronimo).

Donostiaren oroigarri. Galarza argazki bilduma erakusketa, Lola Horcajo Calixtok eta Juan José Fernández Beobidek komisariatua, 2024ko urriaren 26tik 2025eko urtarrilaren 26ra arte egongo da ikusgai San Telmo Museoan.

Fantasiazko eta Beldurrezko Zinemaren 35. Asteko La rebelión de Santa Clara (Josean Olabe) erakusketa irekita egongo da urriak 22tik urtarrilak 5era Euskal Itsas Museoan.