Albisteak

Etzi, ekainak 9, jarriko da salgai udako arte eszenikoetako programazioa. Guztira, 28 ikuskizun dira: haurrentzako emanaldi bat, helduentzako hemezortzi antzezlan, bi musikal, zirko ikuskizun bat, bi dantza sorkari eta lau kontzertu.

Ekainaren 10etik 17ra, Real Sociedad Fundazioak Donostia Kulturaren laguntzarekin antolatutako Korner jaialdiak kultura eta futbola elkartuko ditu beste behin. Hainbat gunetan gauzatuko da (Zubieta, Anoeta Estadioa, Chillida-Leku), eta tartean Donostia Kulturako bi gunetan, Ernest Lluch Kultur Etxean eta Antzoki Zaharrean, hain zuzen ere.

Aurten seigarren urtez antolatu dute HAU Euskal Herriko objektu tradizionalaren diseinu lehiaketa Bitamine Faktoriak eta San Telmo Museoak. Mondragon Unibertsitatea, Aranzadi Zientzia Elkartea, EIDE Euskal Diseinuaren Elkartea eta Muebles LUFE izan dira laguntzaileak. 

Eskola bideak seguruagoak eta atseginagoak bihurtzeko beste aurrera pauso bat artea eta kultura bitartekari. Parte Zaharreko Zuloaga eraikineko Orixe Ikastolan abiatu da egitasmo berria.

Donostia Kultura VI. Poesia Sariko argitalpena aurkeztu da gaur goizean, maiatzak 24, Julen Apella Santamariaren Postal bat desertuan.

Kultur etxe sareak Poltsiko Antzerkia Jaialdiaren edizio arrakastatsu berri bat antolatu du, hogeita hamabigarrena, 2023ko maiatzaren 4tik 21era bitartean garatu dena. 

San Telmo Museoko Laborategian ikusgai dagoen erakusketa, Amable Arias banbalinetan, luzatu egingo dugu eta uztailaren 2ra arte ikusgai izango da.

Maiatzaren 18an Museoen Nazioarteko Eguna ospatzen da, ICOMek (International Council of Museums) 1977an sortutako eguna. Data honen helburua museoek gizartearen garapenean duten zereginari buruz jendea sentsibilizatzea da. Aurten, Museoen Eguneko gai nagusia Museoak, jasangarritasuna eta ongizatea da; horren bidez, museoen zeregina nabarmendu nahi da praktika iraunkorrak eta pertsonen eta komunitateen ongizatearen hobekuntza sustatzen dituzten erakundeak diren aldetik.

Zea Mays talde bizkaitarrak jasoko du 2023ko Adarra Saria, Donostiako Udalak eta Donostia Kulturak banatzen duten hamargarrena, hain zuzen ere. Ekainaren 21ean, arratsaldeko 19:30ean, Victoria Eugenia Antzokiko oholtzan jasoko du saria eta segidan kontzertua eskainiko du. Kontzerturako sarrerak datorren astelehenean, maiatzak 15, jarriko dira salgai, goizeko 11:30ean.

Donostiako Giza Eskubideen 20. Zinemaldia, hiriko Udaleko Giza Eskubideen Sailak eta Donostia Kulturak antolatua, apirilaren 21etik 28ra bitartean garatu da.

Argitara atera berri da Nosferatu Bildumako liburu berria, El polar francés 1931-1982. Liburua, sailaren 19. zenbakia, Donostia Kulturak eta Euskadiko Filmategiak editatua, eta Antonio José Navarrok koordinatua, hurbilketa bat da polar deitutako Frantziako zinema beltzera.

Mikel Otxoteko Olazabal izango da aurten Artea abian proiektuan parte hartuko duen artista eta 2023ko irailean Hemen herensugeak daude erakusketa aurkeztuko du museoko Laborategian.

34. Gazteen Antzerki Topaketan 20 antzezlan eskainiko dira hiriko sei agertokitan maiatzaren 17tik ekainaren 16ra. Horietatik 15 emanaldi Donostia Kulturako espazioetan izango dira: Victoria Eugenia Cluben, Antzoki Zaharrean, Gazteszenan (Egia) eta Imanol Larzabalen (Lugaritz).

Donostia Kulturaren laguntzarekin, Ateneo Guipuzcoanok Literatura jazarriak izeneko hitzaldi zikloa antolatu du maiatzeko astearteetan, hilaren 9tik aurrera. Lehenenego hiru saioak Liburutegi Nagusian (San Jeronimo) izango dira, eta laugarrena Ernest Lluch Kultur Etxean (hilaren 30ean). Ekitaldi guztiak gaztelaniaz izango dira eta arratsaldeko 19:00etan hasiko dira.

2001ean euskal kanten ikastaro bat abiatu zuten IZBEk (Intxaurrondo Zaharreko Bizilagunen Elkartea) eta Donostia Kulturak. 2002an ikastaro bukaera gisa, Lagunekin Kantari programa sortu zen. 2023ko edizioa maiatzaren 12an zabalduko du Mixel Ducau eta Caroline Philips bikoteak.