Albisteak

San Telmo Museoak antolatzen duen Atzokoak gaur. Lanbide tradizionalak egitasmoak papergintzaren artisautza izango du ardatz aurten. Martxoaren 27tik apirilaren 12ra bitarte, gai honen inguruan erakusketa eta jarduerak izango dira museoan.

Urtero bezala, zinemaldiak hainbat gai izango ditu ardatz, besteak beste, emakumeek erlijioetan duten papera, Bangladesheko larrialdi klimatikoa munduko beste eskualde askotan gertatzen ari denaren adibide gisa, eta ehungintzaren industriako lan prekarietatearen feminizazioa, kasu honetan Ekialdeko Europan.

Palestine 36 (2025) filmak, Annemarie Jacir zinemagile palestinarra —2019ko Zinemaldiaren Saria jasotakoa— zuzendari duenak, inauguratuko du apirilaren 23an Victoria Eugenia Antzokian Donostiako Giza Eskubideen 23. Zinemaldia, Udaleko Giza Eskubideen arloak eta Donostia Kulturak antolatua.

Donostiako Giza Eskubideen 23. Zinemaldia apirilaren 23tik 30era bitartean garatuko da bai Victoria Eugenia Antzokian ꟷzinemaldiaren egoitza nagusianꟷ bai Antzoki Zaharrean, baita hiriko beste eszenatoki batzuetan ere. Aurten berriro izango da Tabakaleran Zinema eta Memoria zikloa. Zikloa osatzen duten hiru pelikuletan ꟷMes fantômes arméniens, La noche está marchándose ya eta Redlight to Limelightꟷ Historia kontatzeko garaian irudiek duten ahalmena eta garrantzia aztertzen dira.

Bihar ostirala, martxoak 27, Antzerkiaren Nazioarteko Institutuak 1961. urtean sortu zuen Antzerkiaren Nazioarteko Eguna ospatuko da eta aurtengo mezua Willem Dafoe estatubatuar aktore eta antzerkigileak idatzi du (euskarazko itzulpena: MARAMARA* Taldea). Egun horretako ospakizunen barne,  XXVI. Donostia Antzerki Sariko gala antolatu da Victoria Eugenia Antzokian. 

Giza Eskubideen 23. Zinemaldiko Nire istorioa kontatzteko - Palestinian Museum Digital Archive, 1948-2023 erakusketa irekita egongo da martxoaren 26tik ekainaren 31ra Okendo Kultur Etxean.

Aste Santuan eta Pazko Astean eskaintza berezia izango da urteroko gisan: Hondalea arte instalazioa bisitatzeko aukera izango da, Urgull mendiko hiru zentroak (Historiaren etxea, Natur Txokoa eta Liburutegia) zabalik izango dira, eta San Telmo Museoak artisau papergintzari lotutako jarduerak eskainiko ditu Atzokoak gaur programan.

Hona hemen Donostia Kulturaren guneen ordutegia martxoaren 30etik apirilaren 12ra bitartean. 2025-2026 ikasturtean zehar ohikoa den ordutegiarekin alderatuta hainbat aldaketa dago.

dFERIAk emaitza onak jaso ditu, bai bertaratutako publikoari dagokionez, bai akreditatutako pertsonei dagokienez, baita konpainia parte-hartzaileei dagokienez ere. Danimarka izan da aurtengo herrialde gonbidatua. Bestetik, martxoaren 17ko greba orokorrak eragina izan du, eta ondorioz, lau ikuskizun bertan behera utzi edo birprogramatu behar izan zen.

Poesialdia egitarauaren baitan, gaur, martxoak 18, idazle gazteei zuzendutako Donostia Kultura Poesia Lehiaketaren bederatzigarren edizioaren sari banaketa egin da Udal Liburutegi Nagusiko Mandasko Dukearen aretoan. Aurtengo saritua Itziar Agirre Sagaseta (Donamaria, 2001) da, Orain zuk honekin egin nahi obragatik.

Gipuzkoako Foru Aldundiko Kultura Departamentuak eta San Telmo Museoak lankidetza-hitzarmena sinatu dute lurraldeko ondarearen politika publikorako funtsezkoa den lankidetza instituzionalaren eredua indartu eta eguneratzeko. Akordioak San Telmok eta Gordailuak (Gipuzkoako Ondare Bildumen Zentroa, Irun) Gipuzkoako ondare higigarria zaintzeko, kontserbatzeko, dokumentatzeko, ikertzeko eta zabaltzeko elkarrekin egindako lana sendotzen du.

San Telmo Museoko liburutegiak beste urrats bat eman du argazki-liburuaren inguruko erreferentziazko topagune gisa finkatzeko. Euskarri hau eta fanzinea maite dutenak museoko espazio honetan elkartu ahal izango dira eta ideiak partekatu ahal izango dituzte hilean bi larunbatetan. 

+ 55 udal zerbitzuak Aztarnak lehiaketaren X. edizioaren deialdia zabalduko du 2026ko martxoaren 18tik maiatzaren 31ra. Hego Euskal Herrian bizi edo jaio diren 55 urtetik gorako pertsonei zuzenduta, literatur sorkuntza amateurrari ikusgarritasuna emateko asmoz antolatua izan da.

Gerardo D’Abrairaren industria-marrazkiak martxoaren 10etik irailaren 6ra egongo dira ikusgai museoko erakusketa iraunkorreko Industria, aldaketaren eragile atalean. Javier González de Duranak egin ditu komisario lanak. Balmasedako La Encartada Fabrika-Museoan 2024an ikusgai izandako erakusketa abiapuntu hartuta, Gipuzkoako instalazio industrialetarako marrazki panoramikoetan zentratzen da nagusiki.

2026ko apirilaren 23tik 30era bitartean Victoria Eugenia Antzokian eta Antzoki Zaharrean garatuko den Donostiako Giza Eskubideen 23. Zinemaldiko kartel ofizialeko argazkia Emoverek (Jotta Zubiria & Uxue Montero) egin du, aurreko urteetan bezala. Kartelaren diseinua Ytantos estudioak egina da.