Albisteak

Hemeretzigarren urtez jarraian, Donostia Gazteriak Fantasiazko eta Beldurrezko Zinemaren Astean parte hartu eta Gazteen Epaimahaia eratuko du; 100 pertsonekin osaturiko taldeak film laburren irabazlea aukeratu eta 35. edizioko Film Laburrik Onenaren Gazte Saria emango du. Interesatuek Gazteriako webgunearen bidez izena eman dezakete urriaren 11ra arte.

Elhuyarrek eta Donostia Kulturak antolatutako solasaldi-zikloaren hiru saio egingo dira udazkenean: urriaren 8an, azaroaren 5ean eta abenduaren 10ean. Saioak euskaraz izango dira, 19:00etan, Ernest Lluch Kultur Etxeko areto nagusian.

Fantasiazko eta Beldurrezko Zinemaren Asteak, urriaren 25etik azaroaren 1era garatuko den 35. edizio honetan, Animedon – Donostiako Anime Topaketa izeneko sail berri bat inauguratuko du.

Balea Zuria argitaletxeak, Donostia Kulturaren laguntzarekin, DK poesia lehiaketaren 8. edizioaren oinarriak argitaratu ditu. Helburua euskarazko poesia zabaldu eta idazle gazteen lanari bultzada ematea da: 35 urte bete gabe dituzten egile berriei zuzendutako lehiaketa da.

San Telmo Museoak eta DK Liburutegi Zerbitzuak antolatuta, Latinoamerikako ahotsik interesgarrienetakoa den Leila Guerrierok Ander Izagirre kazetariarekin hitz egingo du bere obrari buruz irailaren 26an.

Jarraian urriaren 25a eta azaroaren 1a bitartean ospatuko den Fantasiazko eta Beldurrezko Zinemaren 35. Astean zenbait film luzeren aurrerapena. Programazio osoa urriaren erdialdean jakinaraziko da.

Nacho Vigalondok zuzendutako film berriak, Daniela Forever (2024) euskal koprodukzioak, urriaren 25ean Donostiako Fantasiazko eta Beldurrezko Zinemaren 35. Astea inauguratuko du Antzoki Zaharrean. Astea urriaren 25etik azaroaren 1era bitartean garatuko da Principal eta Victoria Eugenia antzokietan eta hiriko beste agertoki batzuetan.

2024an Luis Martín-Santos Riberaren (1924-1964) jaiotzaren mendeurrena betetzen da eta, hori dela eta, San Telmo Museoak, Espainiako Liburutegi Nazionalak eta Acción Cultural Españolak (AC/E) omenaldia egin nahi izan diote historiara igaro den idazle eta psikiatra honi, Tiempo de silencio lanarekin lortutako dimentsio literarioagatik.

Iturritik Jaialdia urriaren 15etik 20ra burutuko da Donostian. Guztira, aretoko 4 dantza-ikuskizun eta kaleko emanaldi bi izango dira, gehienak Euskal Herriko konpainienak: Kukai Dantza, Gero Axular, Eskola Dantza Taldea, Aukeran Dantza Konpainia eta Berritza. Sarrerak irailaren 13an salgai, goizeko 11:30ean.

Datorren urriaren 2an, Tabakaleran, berriro helduko zaio joan den urtarrilean hasi eta Western USA garaikideari eskainitako Nosferatu zikloari film honen proiekzioarekin: The Shootist (1976), Don Siegelek zuzendua eta John Wayne protagonista duena.

Chillida, Miró, Moore, Giacometti, Richier, Picasso eta beste artista handi askoren ia 100 lan ikusteko aukera eskaintzen duen Elkarrizketa bat: Chillida eta arteak. 1950-1970 erakusketak azken asteak ditu.

Loiolako Mikologia jardunaldiek 25. edizioa beteko dute aurten eta hainbat hitzordu izango dira irailaren 9tik urriaren 6ra Loiolatarra Kirol Elkartearekin batera antolatutako egitarauan: mikologia ikastaroa eta tailerra, hitzaldiak, liburu aurkezpenak, bazkari mikologikoa, egurrezko eskulturen erakustaldia, perretxiko jaia eta erakusketa bat.

Gaur eguerdian, Bokado jatetxean, 2024ko Donostiako Estropadetan denborarik onena lortu duten bi traineru gipuzkoarrei (bai emakumezkoen modalitatean bai gizonezkoenean) IX. ADEGI Saria eman zaie.

2024ko udazkenean, Haur Liburutegi Nagusian irakurketaren zaletasuna baina haratago doazen hainbat jarduera jarriko dira martxan, haur, gazte zein helduei zuzendutakoak: Komikiekin mintzoan kux-kux, Haur eta Gazte Literaturaren Irakurketa Kluba, LiburuLab eta Liburu Baby Kluba Online.

Abeslari eta piano-jotzaile britaniarrak bi kontzertu eskainiko ditu.