Hizkuntzak
Albisteak
-
2023ko ADEGI Kultura Berria Sari-banaketa
Gaur eguerdian, Bokado jatetxean, 2023ko Donostiako Estropadetan denborarik onena lortu duten bi traineru gipuzkoarrei (bai emakumezkoen modalitatean bai gizonezkoenean) VIII. ADEGI Kultura Berria Saria eman zaie.
-
Bermeo Urdaibaik garaipena lortu du gizonezkoen modalitatean
Bermeo Urdaibai bigarren jardunaldiko estropadan eta bi egunetako kopuru orokorrean gailendu da eta, beraz, aurtengo Kontxako Bandera Bizkaiko lurretara joan da. Bermeokoek 19:09,74n gelditu dute erlojua gaurko egunean, eta garaipena orokorra lortu dute 38:30,66 denborarekin.
-
Donostia Arraun Lagunak klubak lehendik zuen errekorra hobetu du
Emakumezkoen 2023ko Kontxako Bandera etxean gelditu da. Donostia Arraun Lagunak taldeko arraunlariek, aurtengo edizioan garaipena lortzeaz gain, 2021etik, bi jardunaldietan, eurek zuten denbora ere hobetu dute. 21:01,14ko denbora ezarri dute aurtengo bi jardunaldietan, eta aurrekoa – 21:05,18 - lau segundotan hobetu dute.
-
2023-2024 ikasturteko ordutegiak Donostia Kulturaren guneetan
Albiste honetan Donostia Kulturako guneen 2023-2024 ikasturteko ordutegiak bildu ditugu. Kontrakoa esaten ez den bitartean, ordutegi hau irailaren 7an sartuko da indarrean. Bitartean, udako ordutegia dugu martxan; erreparatu ere matrikulazio ordutegiei (bereziki, irailaren 4tik 6ra). Bukatzeko, aintzat hartu eskoletako opor garaian (gabonetan eta Aste Santuan) ordutegiak beste batzuk izan daitezkeela.
-
Tolosaldea Arraun Klubak eta Bermeo Urdaibaik abantaila hartu dute
Tolosaldea Arraun Klubeko tripulazioak garaipena lortu du emakumezkoen 2023ko Kontxako Banderaren lehen jardunaldian, 10:37,64 denborarekin. Tolosarrek, Donostia Arraun Lagunak, Nortindal Donostiarra Ur Kirolak eta Orio-Orialkiko eskifaien aurretik zeharkatu dute helmuga. Lau eskifaiek Ohorezko Txandan arraun egingo dute datorren igandean.
Gizonezkoen modalitateari dagokionez, Bermeo Urdaibaik denborarik onena ezarri du - 19:20,92 - Hondarribia, Amenabar Donostiar Ur Kirolak eta Orio Orialki aurretik
-
"Antzerkia Kalean" azken txanpan sartuko da irailean
Donostia Kulturak, kultur etxeen sarearen bitartez, Antzerkia Kalean 2023 programa prestatu zuen udarari begira. Abuztuan etena egin ondoren, auzoetako plaza, kale eta parkeetan emanaldiak izango ditugu irailaren 6tik aurrera.
-
Zierbenako bizkaitarrek denborarik onena ezarri dute gaurko sailkatze-estropadan
Zierbena Bahías de Bizkaia taldeko tripulazioak 20:01,80ean gelditu du erlojua gaur arratsaldean Kontxako uretan jokatutako gizonezkoen sailkatze-estropadan garaipena lortuz. Horrela, “galipoek”, Amenabar Donostiarra Ur Kirolak-eko donostiarrek eta beste sei eskifai hauen arraunlariek - Hondarribia, Orio-Orialki, Bermeo Urdaibai, Cabo-Rianxeira-Boiro, Getaria eta Ondarroa Cikautxo - 2023ko Kontxako Bandera lehiatuko dute hurrengo bi igandeetan.
-
Iturritik Jaialdiaren II. edizioa urriaren 19tik 22ra egingo da
Iturritik Jaialdia urriaren 19tik 22ra antolatuko da. Guztira, aretoko 4 dantza-ikuskizun eta kaleko emanaldi bat izango dira.
-
Irailaren 18an hasiko dira 24. Mikologia jardunaldiak Loiolan
Loiolako Mikologia jardunaldiek 24.edizioa beteko dute aurten eta hainbat hitzordu izango dira irailaren 18tik urriaren 1era: mikologia ikastaroa, hitzaldia, perretxiko jaia eta erakusketa bat.
-
Gipuzkoako sei traineru eta Bizkaiko beste bat, bi igandeetarako sailkatuak
Gipuzkoako sei traineruk - Orio-Orialki, Donostia Arraun Lagunak, Tolosaldea Arraun Kluba, Zumaia Salegi Jatetxea, Hondarribia Bertako Igogailuak eta Jamones Ancín Hibaika Arraun Elkartea - eta Bizkaiko Kaiku Nortegas sestaoarrek, Nortindal Donostiarra Ur Kirolakeko tripulazioarekin batera jokatuko dute aurtengo Kontxako Bandera, emakumezkoen modalitatean.
-
2023ko udazkeneko literatur solasaldiak hasteko prest
Irailaren 11n abiatuko dira Donostia Kulturako liburutegi eta kultur etxeetan helduentzako antolatzen diren literatur solasaldiak. Beti ere aditu baten gidaritzapean, normalean hilean behin, hainbat doako saio egiten da Liburutegi Nagusian eta Aiete, Egia, Ernest Lluch (Amara), Intxaurrondo, Lugaritz (Antigua), Okendo (Gros) eta Tomasene (Altza) kultur etxeetako liburutegietan, baita auzoetako beste leku batzuetan ere. Liburu horiek maileguan eska daitezke Donostiako liburutegietan, eta zenbait kasutan liburuak eLiburutegia plataformatik deskargatzeko aukera egon daiteke.
-
Poesia Orduak irailaren 4an Victoria Eugenia Cluben
Donostia Kultura eta Euskal Idazleen Elkartea dira urtero irailean egin ohi diren Poesia Orduak errezitalen antolatzaileak. Aurten ere bi saio zeuden programatuak, baina bakarra egingo da: hilaren 4an, Etxe bat (Yolanda Arrieta Malaxetxebarria eta Peru Galbete), Victoria Eugenia Cluben, iluntzeko 19:00etan. Gonbidapenak irailaren 1eko goizeko 11:30etik aurrera eskuragai izango dira webgune honetan, baita Victoria Eugenia eta Antzoki Zaharreko leihatiletan ere.
-
2023ko Donostiako Estropadetako sarreren salmenta
Gaur goizean aurkeztuko dira 2023ko Donostiako Estropadak. Beraz, eguerdiko 12:00etan jarriko dira salgai sailkatze estropadetako (gizonezkoena eta emakumezkoena) zein irailaren 3 eta 10eko jardunaldietako sarrerak.
-
Epaimahai Popularraren saria Pirotecnia Valencianarentzat
Pirotecnia Valencianak Donostiako Su Artifizialen Nazioarteko 58. Lehiaketako Urrezko Maskorra lortuz gain, Epaimahai Popularraren saria ere lortu du.
-
Glad Is The Day #7 lekuz aldatuko da abuztuaren 27an
Eguraldi aurreikuspen eskasak direla eta, abuztuaren 27an Cristina-Enea parkean egitekoa zen Glad Is The Day #7 Dabadaba eta Le Bukowski aretoetan egingo da.