Albisteak

Donostiako kultur etxeek 34. Poltsiko Antzerkia Jaialdiaren balantze bikaina egin dute, bai hiritarren erantzunagatik, bai antolakuntzari dagokionez. Aurten, batez beste, 2.332 lagun bertaratu dira antzerkiaz, umoreaz, magiaz, musikaz eta kabaretaz gozatzera maiatzaren 8tik 25era.

Poltsiko Antzerkiaren alorrean euskarazko sorkuntzak bultzatzeko XVI. proiektu deialdia jarri da martxan. Proiektuak aurkezteko epea 2025ko maiatzaren 26an abiatu eta irailaren 14an amaituko da. Bi proiektu aukeratuko dira: irabazleak 2.500 euro jasoko ditu; finalistak, berriz, 2.000 euro. Saritutako lanak hurrengo Poltsiko Antzerki Jaialdiaren barruan estreinatzeko eta antzezteko konpromisoa hartuko dute irabazleek eta finalistek (4 emanaldi bakoitzak).

Joan Mirók Tête eskulturarako egindako igeltsuzko modeloa izango da hurrengo Nabarmendutako obra, maiatzaren 27tik urriaren 19ra arte ikusgai egongo dena San Telmo Museoko arte bilduma historikoaren aretoan. Lana 1978 inguruan egin zuen, 111 x 67 x 25 cm neurriak ditu eta bilduma partikular batetik etorri da.

Ostiralean, maiatzak 23, jarriko du Donostia Kulturak salgai udako arte eszenikoetako programazioa.

Balantze ona eginda eta garatzeko proiektu berriarekin, Malandain Ballet Biarritzek eta Donostiako Victoria Eugenia Antzokiak helburuen eta bitartekoen hitzarmena berritu dute 2028 urterarte. Hitzarmenak Ballet T kultur lankidetzako proiektua hartzen du barne, zeina 2007tik ari baitira egiten Euskal Herrian. 

DK Sessions musikan oinarritutako multimedia proiektua abiatu du Donostia Kulturak. Egitasmo berri honek sormen musikalaren prozesu intimoenari heltzen dio: musikari bat egun batean estudiora doa single bat grabatzera eta une hori podcast narratibo, bideo eta single formatuan jasotzen du. Maite Larburu, Gona abestiarekin, izan da lehen gonbidatua.

Donostiako Udalak eta Kontxako Banderaren antolatzaile Donostia Kultura Festak-ek erabakia hartu dute lehiaketa egiten den bi igandeetan hiriko emakumezko traineru baten zuzeneko partaidetzari buruzko araudia aldatzeko.

60 Jazzaldiaren baitan XI JazzEñek Estatuko Jazzaren erakusgarri diren zortzi kontzertu eskainiko ditu uztailaren 23tik 26ra Victoria Eugenia Antzokian

Maiatzaren 18an ospatzen da Museoen Nazioarteko Eguna (MNE), 1977an ICOMek (International Council of Museums) bultzatutakoa, museoek gizartearen garapenean duten zereginari buruz jendea sentsibilizatzeko asmoz.

Ekainaren 18an izango da Bai Euskarari Sarien banaketa museoan eta Ziurtagiriaren 25. urteurrena izanik, ekitaldi berezia izango da. Bertan, Bai Euskarari elkartearen historia, ibilbidea eta ekarpenaren balioa nabarmentzeaz gain, Bai Euskarari Laguna saria berreskuratuko da San Telmo Museoarekin elkarlanean.

San Telmo Museoak ekainaren 29ra arte luzatuko du Ipuscua 1000 urte. Ipuscuatik Gipuzkoara (1025-2025) erakusketa. Hasieran maiatzaren 11ra arte zabalik egongo zela iragarri zen arren, museoak luzatzeko erabakia hartu du bisitariek erakusketari egindako harrera beroa dela medio; izan ere, orain arte 15.500 bisitatik gora izan ditu. Erakusketa luzatzearekin batera, bisita gidatu programatuak eta eskolentzako eskaintza ere luzatu ditu museoak.

Maiatzaren 11 izango da bisitatzeko azken eguna, eta aurrez, bi jarduera berezik osatuko dute erakusketari lotutako programazio berezia.

Maiatza Europar elkarrizketen eskutik iritsi ohi da museora, eta hala izango da aurten ere. Globernancerekin batera antolatutako zikloan Europan puri-purian dauden gaien inguruko hausnarketa egin ohi dute adituek. Aurten Europaren norabideaz, demokraziaz eta Adimen Artifizialaz hitz egingo dute.

2026. urtean danborrada berri bat atera nahi duten donostiar elkarteei zuzentzen zaie deialdia. Izen-ematea maiatzaren 1etik 31ra arte izango da.

Mahai-jokoak, rol-jokoak, munduko kasete birbobinatze txapelketa, Friki zozketa... Egiako Liburutegian Friki Harrotasunaren hilabetea ospatuko da maiatzean zehar eta programa berezia antolatu dute lau ekintza nagusirekin.