Hizkuntzak
Albisteak
-
Bertan behera geratu da Opera Lab jaialdia
Azaroaren 7ko oharra
Opus Liricaren programazio doikuntzak direla eta, Opera Lab jaialdia atzeratu egingo da. Sarreren dirua sarrera erosteko erabilitako bide beretik bueltatuko da. Informazio gehiago sarrera salmentaren atalean.
Opus Liricak Opera Lab Jaialdia antolatu du azaroaren 27tik abenduaren 2ra en el Victoria Eugenia Antzokian.
-
Susana Talayeroren hiru lan, Musika Hamabostaldiaren dohaintza
Musika Hamabostaldiak eta San Telmo Museoak duten hitzarmenaren baitan, iazko edizioari dagokion dohaintza egin dio jaialdiak museoari. Susana Talayero artistaren hiru lan dira dohaintza osatzen dutenak: El grito, Ser cráneo II eta Planta 1, hirurak tamaina handiko lanak. Dohaintzaren berri 2023an Hamabostaldiak museoan egingo dituen bi zikloen aurkezpenarekin batera eman dute museoan: Antzinako musikaren zikloa eta Ganbera musikaren zikloa.
-
Aste Nagusiko programazioa gaur goizean aurkeztu da
Gaur goizean, Eneko Goia alkateak eta Jon Insausti Jai Jardueretako zinegotziak gure hirian abuztuaren 12tik 19ra egingo den Donostiako Aste Nagusiaren programazioa aurkeztu dute.
-
Musika Hamabostaldiaren 84. edizioa San Telmon eta Victoria Eugenian abuztuan zehar
Abuztuaren 3etik irailaren 1era egingo da Donostian Musika Hamabostaldiaren 84. edizioa. Donostia Kulturako bi gunek hartuko dituzte hainbat emanaldi: San Telmo Museoa eta Victoria Eugenia Antzokiak. Sarrerak musikahamabostaldia.eus webgunean eta Kursaal nahiz Victoria Eugenia Antzokiko leihatiletan daude salgai.
-
2023ko Aste Nagusiko su artifizialak eta zezensuzkoa aurkeztu dira
Gaur goizean, Jon Insausti Jai Jardueretako zinegotziak, abuztuaren 12tik 19ra ospatuko den Donostiako Aste Nagusiko 58. Su artifizialen nazioarteko lehiaketa, hau iragarriko duen kartela eta zezensuzkoen aktibitatea aurkeztu ditu Alderdi Ederren.
Kartelaren irudia Carlos Lecube Alberdi iazko Su artifizialen Argazki Lehiaketako irabazlearena da.
-
Glad Is The Day #7 abuztuaren 27an
Donostia Kulturak Glad is the Day jaialdiaren zazpigarren edizioa antolatu du abuztuaren 27an. Hileko azken igandean Cristina Enea parkea musikaz beteko da berriro ere. Egia Kultur Etxeak, Dabadabak eta Le Bukowskik koordinatua, Keler garagardoaren babesa eta Kutxa Kultur Fundazioaren eta Tabakaleraren laguntza du.
-
Uztailaren 24an eta 31n eta abuztuaren 14an, museoa zabalik
Uztailaren 24an, 31n eta abuztuaren 14an San Telmo Museoa zabalik egongo da astelehena izanagatik jai egun edo zubiak direlako.
-
Maddi Barber izango da San Telmoren Museo Bikoitzako hurrengo artista
San Telmo Museoak iragarri du Museo Bikoitza esku-hartze programaren hurrengo artista gonbidatua Maddi Barber dela, Hinrich Sachs-ek hala hautatuta. Programa honen ezaugarrietako bat da edizio bateko artistak hurrengo ediziokoa gonbidatzen duela proiektuan parte hartzera. Hala, Hinrich Sachs artistak hautatu du Maddi Barber hurrengo urtebetean Museo Bikoitza proiektuan lanean aritzeko.
-
Itziar Ituño aktorea antzinako sorgin bihurtua 2023 Beldurrezko Asteko kartel ofizialean
2023 honetan sorginak dira Asteko protagonistak, eta bere kartel ofizialak ere gorazarre egiten die. Itziar Ituño euskal aktoreak sorgina dual bat hezurmamitzen du, argitsua eta iluna, boteretsua eta bihozbera aldi berean.
-
Okendo Kultur Etxeak “Fantasiazko zinema japoniarraren ikonoak” erakusketa hartuko du
Donostia Kulturak eta Fundación Japón erakundeak, Euskadi Japonia 2023 jarduera programaren eta Beldurrezko Astearen barruan, Fantasiazko zinema japoniarraren ikonoak. Aguilar-Haraguchi Bilduma erakusketa aurkezten dute, irailaren 14tik azaroaren 4ra Okendo Kultur Etxean zabalik.
-
2023-2024: irailaren 4tik aurrera 531 ikastarotan matrikulatzeko aukera
Donostia Kulturak 2023-2024 ikasturterako duen prestakuntza-eskaintza aurkeztu du gaur goizean. 531 ikastaro (499 helduentzat eta 32 haur eta gazteentzat) izango dira guztira, kultur etxeetan eta Liburutegi Nagusian emango direnak. Aurten matrikulazioa (kontsultatu lotura informazio gehiagorako) bi fasetan izango da: euskarazko ikastaroena irailaren 4tik 14ra eta gaztelaniazkoena, irailaren 18tik urriaren 1era. Hiriko edozein kultur etxetan eta Donostia Kulturaren webgunean egin ahalko da.
-
"Familian Sukaldatzen" lehiaketa gastronomikoan izena emateko epea zabalik
Hilabete besterik ez da falta Aste Nagusia eta, horrekin batera, lehiaketa gastronomiko herrikoiak iristeko. Duela gutxi sortu da “Familan Sukaldatzen” lehiaketa gastronomikoa. 2023an bigarren edizioa egingo da, Eroskiren babesarekin eta BCC Culinary Club eta CC Garberaren laguntzarekin. Lehiaketa 2-4 lagunez osatutako taldeei zuzenduta dago. Horietatik % 50, gutxienez, 8-14 urtekoak izango dira, eta gainerakoak, 1 edo 2 pertsona, 14 urtetik gorakoak. Abuztuaren 18an, Aste Nagusiko ostiralean, ospatuko da lehiaketa, Gipuzkoa plazan, 18: 00etatik aurrera.
-
Ia 10.000 bisitari 'Amable Arias banbalinetan' erakusketan, San Telmo Museoan
Joan den igandean, uztailaren 2an, bukatu da Amable Arias Banbalinetan erakusketa eta harrera bikaina izan du: 9800dik gora bisita jaso ditu. Mikel Lertxundi Galiana komisario zuela, Donostiako Antzoki Zaharreko banbalinetako garai bateko giroa islatzen duen marrazki eta akuarela sorta San Telmo Museoko Laborategian egon da ikusgai. Hasierako asmoa luzatuta, lau hilabete eta erdi iraun du erakusketak.
-
Poltsiko Antzerki Sorkuntzaren XIV. proiektu deialdia zabalik
Poltsiko Antzerkiaren alorrean euskarazko sorkuntzak bultzatzeko XIV. proiektu deialdia jarri da martxan. Proiektuak aurkezteko epea 2023ko uztailaren 3an abiatu eta irailaren 15ean amaituko da. Bi proiektu aukeratuko dira: irabazleak 2.500 euro jasoko ditu; finalistak, berriz, 2.000 euro. Saritutako lanak hurrengo Poltsiko Antzerki Jaialdiaren barruan estreinatzeko eta antzezteko konpromisoa hartuko dute irabazleek eta finalistek (4 emanaldi bakoitzak).
-
Ilustrazio grafikoaren garrantzia "Clima ideal. Udako kartelak" erakusketan
Clima ideal. Udako kartelak erakusketak 1880ko eta 1960ko hamarkaden artean sortutako 300 bat kartel, eskuorri eta egitarauen aukeraketa bat aurkezten du. Urte horietan ilustrazio grafikoak Donostia eta, hedaduraz, Gipuzkoa helmuga turistiko gisa iragartzeko hartu zuen protagonismoa erakusten du. Mikel Lertxundi Galianak egin ditu komisario lanak eta San Telmo Museoan bisitatu ahal izango da uztailaren 1etik urriaren 15era.