Albisteak

Bihar hasiko da Jazzaldia, kontzertu handiz eta une magikoz eta ahaztezinez betea egongo dena. Urtero bezala, giro ona eta musika hirian zehar zabalduko dira hainbat egunez.

Uztailak 21 eta 23: Programazioa

Irekiera berezi honekin, datorren larunbatean, uztailak 20, museora gauez eta dohainik etortzeko aukera izango da. Elkarrizketa bat: Chillida eta arteak. 1950-1970 erakusketarekin batera, zabalik egongo dira klaustroa eta eliza ere.

Etxepare Institutuaren bitartez Nazioarteko unibertsitate ezberdinetara euskal kultura eramango duten 22 irakurle San Telmo Museoan izan ziren joan den ostiralean, uztailak 12, Irakurleen VII. Topaketan.

Duela gutxi berriztatua izan den San Martin Merkatuak 59. Jazzaldiarekin bat egingo du bi kontzertu eskaniz. 

Donostia Kulturak 2024-2025 ikasturterako duen prestakuntza-eskaintza aurkeztu du gaur goizean. 562 ikastaro (534 helduentzat eta 28 haur eta gazteentzat) izango dira guztira, kultur etxeetan eta Liburutegi Nagusian emango direnak. Aurten matrikulazioa bi fasetan izango da: euskarazko ikastaroena irailaren 2tik 12ra eta gaztelaniazkoena, irailaren 16tik 29ra. Hiriko edozein kultur etxetan eta Donostia Kulturaren webgunean egin ahalko da.

Donostia/San Sebastián Festakek antolaturik eta Euskal Dantzarien Biltzarraren laguntzarekin, Donostiako Dantza Sueltoko Txapelketa ospatuko da Konstituzio plazan irailaren 1ean, arratsaldeko 18:00etan.

Donostia Kulturak Glad is the Day jaialdiaren zortzigarren edizioa antolatu du abuztuaren 4an. Hileko lehen igandean Cristina-Enea parkea musikaz beteko da berriro ere. Egia Kultur Etxeak, Dabadabak eta Le Bukowskik koordinatua, Keler garagardoaren babesa eta Kutxa Kultur Fundazioaren eta Tabakaleraren laguntza du.

Uztailaren 2tik irailaren 22ra María Paz Jiménezen garai ezberdinen erakusle diren bi lan ikusgai izango dira Nabarmendutako Obra atalean. San Telmo Museoak arte historikoaren aretoan txertatu dituen berritasunen artean dago Nabarmendutako obra. Aretoan espazio bat gorde da eta aldian-aldian, denbora batez, arreta obra jakin batera erakartzea ahalbidetuko du. Hala, Ramón Cortázarren Balneario La Perla del Océano obraren lekukoa hartuta, uda osoan bisitatzeko moduan izango dira Jiménezen bi margolanak.

Gaur goizean, Jon Insaustik Jai Jardueretako zinegotziak, abuztuaren 10etik 17ra ospatuko den Donostiako Aste Nagusiko 59. Su Artifizialen Nazioarteko Lehiaketaren egitaraua, hau iragarriko duen kartela eta zezensuzkoen aktibitatea aurkeztu ditu Cervantes plazan. Aurten ere, Super Amara eta El Diario Vasco egunkarien babesa izango du Lehiaketak.

59. Jazzaldiak goi mailako artista ugari bilduko ditu, eta azken prestaketa lanetan ari da donostiarrek, hirian izango diren bisitariekin batera, une eta kontzertu ahaztezinez betetako jaialdi honetaz goza dezaten hirian zehar banatutako 12 agertoki ikusgarrietan. 59. Jazzaldian musikaz eta jai-giroz gainezka izango dugu Donostia.

Uztailaren 1etik abuztuaren 31ra, urtero bezala, aisialdi eta kultura eskaintzan hiriko protagonistetako bat bihurtzen da Urgull bertako guneetan proposatutako jarduerekin eta erakusketarekin.

Aurten ere, Donostia Kulturako Udal Liburutegien Sareak liburuen gomendio gida berri bat prestatu du. Iaz argitaratuak izan diren liburuen artean 104 izenburu aukeratu dira, 52 euskaraz idatziak eta beste 52 gaztelaniaz idatziak. 

Txikijazzaren 12. edizioa uztailaren 24tik 28ra bitartean egingo da, eta hiru agertoki izango ditu: Kutxa Fundazioa Plaza (Tabakalera 4. solairua), Chillida Leku eta Kursaaleko terrazak. Nobedade gisa, San Martin Merkatuko Forum FNACen tailerrak izango dira arratsaldean.

Albiste honetan Donostia Kulturako guneen udako ordutegiak bildu ditugu. Kontrakoa esaten ez den bitartean, ordutegi hau ekainaren 24tik irailaren 15era izango da indarrean, biak barne. Adi! Kultur etxe eta liburutegien kasuan, udako ordutegia ekainaren 24tik irailaren 4ra arte egongo da indarrean.