Albisteak

Liburutegi Nagusiko San Jeronimo kaleko aretoan, zahartzaroa gaia duten hiru jarduera literario egongo dira apirilaren 14an (Esker onak, Delphine de Vigan), 21ean (Egunaren adinak. Zahartzaroa hizpide, Mariasun Landa) eta 28an (Olor a hormiga, Júlia Perórekin solasean). Saio guztiak 19:00etan izango dira; lehenengo biak euskaraz eta azkena gazteleraz.

Gaur, martxoak 30, aurkeztu da Asun Balzola Elorza: koloreekin pentsatzen zuen neskatoa izeneko albuma. Ekimen honen bidez, Asun Balzola Elorza ilustratzaile eta idazle handiari omenaldia egin nahi zaio bai eta bere lana haur berriei ezagutarazi ere.

Aste Santuan eta Pazko Astean eskaintza berezia izango da urteroko gisan: Hondalea arte instalazioa bisitatzeko aukera izango da, Urgull mendiko hiru zentroak (Historiaren etxea, Natur Txokoa eta Liburutegia) zabalik izango dira, eta San Telmo Museoak artisau papergintzari lotutako jarduerak eskainiko ditu Atzokoak gaur programan.

Hona hemen Donostia Kulturaren guneen ordutegia martxoaren 30etik apirilaren 12ra bitartean. 2025-2026 ikasturtean zehar ohikoa den ordutegiarekin alderatuta hainbat aldaketa dago.

Poesialdia egitarauaren baitan, gaur, martxoak 18, idazle gazteei zuzendutako Donostia Kultura Poesia Lehiaketaren bederatzigarren edizioaren sari banaketa egin da Udal Liburutegi Nagusiko Mandasko Dukearen aretoan. Aurtengo saritua Itziar Agirre Sagaseta (Donamaria, 2001) da, Orain zuk honekin egin nahi obragatik.