Olympe de Gouges, de la tribuna al cadalso Lydia Vázquez, Juan Manuel Ibeas Altamira

Literatura jazarriak zikloaren barruan Olympe de Gouges idazleari buruzko hitzaldia eskainiko dute Lydia Vázquez eta Juan Manuel Ibeas Altamira unibertsitateko irakasleek.

Olympe de Gouges (1748- 1793), Marie Gouze jaio zen Montaubanen (Frantzia), idazlea, aktibista politikoa eta mugimendu feministari egindako ekarpenagatik eta Frantziako Iraultzaren garaian esklabotza deuseztatzeko konpromisoagatik ezaguna. Bere lan garrantzitsuen artean Emakumearen eta Herritarraren Eskubideen Adierazpena, Frantziako Iraultzaren Gizonaren eta Herritarraren Eskubideen Adierazpenari emandako erantzuna izan zen.

Lydia Vázquez, UPV/EHUko Frantses Filologiako Unibertsitateko katedraduna, akademiko europearraa, XVII. mendetik gaur egungo frantses autoreen eta frankofonoen itzultzailea. Hauen artean Juliette o Las prosperidades del vicio del marqués de Sade (Madrid, Cátedra, 2022) liburuaren itzulpena nabarmendu behar da. XVII. eta XVIII. mendeetako libertimenduari buruzko hainbat lan eta artikulu idatzi ditu. Horien artean, nabarmentzekoak dira Elogio de la seducción y el libertinaje (1996), eta "Erregimen Zaharreko" emakumeen literaturako artikulu eta antologia ugari (Olympe de Gouges barne).

Juan Manuel Ibeas Altamira, Filologia Frantseseko irakasle titularra Euskal Herriko Unibertsitatean (UPV/EHU), XVIII. mendeko literatura frantsesean espezializatua. Filologo frantses eta hispanikoa, Euskal Herriko Unibertsitatean (UPV/EHU) eta Sorbonako Unibertsitatean (Paris IV) doktorea da. Garnier argitaletxean 2021ean agertutako La Pédagogie dans le boudoir liburuaren egilea da. Lydia Vazquezekin batera Luces Amargas y Perros y Gatos del rococo ere idatzi du. Jules Michelet eta Pierre Mac Orlanen itzultzailea ere bada.