Albisteak

Noviembre Fantasma ekimen bateratua, Donostiako Fantasiazko eta Beldurrezko Zinemaren Astea, Fancine – Malagako Fantasiazko Zinemaldia, TerrorMolins – Molins de Reiko Beldurrezko Zinemaldia eta Isla Calavera – La Laguna Hiria Kanarietako Fantasiazko Zinemaldia tartean direla, udazken honetan bueltan da fantasiazko eta beldurrezko generoarekin lotutako edukien katalogoa zabaltzeko bere laugarren denboraldi honetan.

Donostia Apain proiektuaren baitan 2023an 4 horma irudi egin dira Bidebietan: Zësar Bahamonte, Sandra Garayoa, Xoana Almar, Miguel Peralta eta Zebra kolektiboa dira egileak.

Hirugarrenez egingo da aurten Literaktum Txikia Ilustrazio Lehiaketa, Lehen Hezkuntzako ikasleei zuzendua (6-12 urte).

Azaroaren 13tik 26ra egingo da aurtengo Literaktum jaialdia, eta Maitasunaren geografiak izango du izenburu. Jaialdian parte hartuko duten lehen idazleak ezagutarazi dira: Gioconda Belli eta Antonio Muñoz Molina.

Hemezortzi urtez jarraian, Donostia Gazteriak Fantasiazko eta Beldurrezko Zinemaren Astean parte hartu eta Gazteen Epaimahaia eratuko du; 150 pertsonekin osaturiko taldeak film laburren irabazlea aukeratu eta 34. edizioko Film Laburrik Onenaren Gazte Saria emango du. Interesatuek Gazteriako webgunearen bidez izena eman dezakete urriaren 13 bitarte.

Donostiako Fantasiazko eta Beldurrezko Zinemaren 34. Asteak, Medialab Tabakalerako autoedizioko txokoarekin eta FNACekin elkarlanean, berriro antolatu du Fanzineen Gerra, berriro ekin dio euskarri horien bidez generoarekiko grina bizia aditzera eman eta aldarrikatzeko.

Abonuak urriaren 20etik aurrera, ostirala, 11:30etan jarriko dira salgai Antzoki Zaharreko leihatilan. Abonuen kupo mugatu bat salduko da.

Bigarren urtez jarraian, Beldurrezko Asteak Beldurrola – Sorginei buruzko rol jokoak euskaraz hartuko du. Urriaren 19tik 22ra bitartean garatuko da Egia Kultur Etxean eta Ebla liburudendan, eta beldurrarekin eta aurten zehazki sorginkeriarekin lotutako mahai jokoen partidak egingo dira.

Jarraian urriaren 27a eta azaroaren 3a bitartean ospatuko den Fantasiazko eta Beldurrezko Zinemaren 34. Astean zenbait film luzeren aurrerapena.

Vermines (2023) film frantsesak, Sébastien Vaniček zuzendariarenak, inauguratuko du urriaren 27an, Antzoki Zaharrean, Donostiako Fantasiazko eta Beldurrezko Zinemaren 34. Astea. Aurten urriaren 27tik azaroaren 3ra bitartean garatuko da, Antzoki Zaharrean eta Victoria Eugenia Antzokian, eta hiriko beste eszenatoki batzuetan.

Donostia Kulturak eta Fundación Japónek, Euskadi Japonia 2023 jarduera-programaren barruan eta Fantasiazko eta Beldurrezko Zinemaren 34. Astearen esparruan, Fantasiazko zinema japoniarraren ikonoak – Aguilar-Haraguchi Bilduma erakusketa aurkezten dute; bihar, irailaren 14an irekiko da Okendo Kultur Etxean eta azaroaren 4ra arte egongo da zabalik. Zinemako kartelen eta programen balio handiko bilduma batek ibilbide bat egiten du Japoniako fantasiazko generoaren historia jorian barrenan.

Olga Tokarczuk, Poloniako egungo idazle ospetsuenetako bat eta 2018ko Literaturako Nobel sariduna, izango da 2023ko bigarren Literaktum Topaketak programako protagonista. Ekitaldia Okendo Kultur Etxean izango da, irailaren 29an, arratsaldeko 19:00etan. Sarrera librea izango da lekua bete arte eta aldi bereko itzulpen zerbitzua egongo da. Danele Sarriugartek gidatuko du ekitaldia.

2023 honetan sorginak dira Asteko protagonistak, eta bere kartel ofizialak ere gorazarre egiten die. Itziar Ituño euskal aktoreak sorgina dual bat hezurmamitzen du, argitsua eta iluna, boteretsua eta bihozbera aldi berean.

Donostia Kulturak eta Fundación Japón erakundeak, Euskadi Japonia 2023 jarduera programaren eta Beldurrezko Astearen barruan, Fantasiazko zinema japoniarraren ikonoak. Aguilar-Haraguchi Bilduma erakusketa aurkezten dute, irailaren 14tik azaroaren 4ra Okendo Kultur Etxean zabalik.

Jabier Iraola Gabilondok idatzitako eta bere lan taldeak atondutako Igeldoko historia eta istorioak liburua aurkeztu da gaur eguerdian, ekainak 20. Beste aurkezpen bat egingo da Igeldoko plazan ekainaren 25ean, 11:30ean.