Albisteak eta oharrak

Donostia Kulturak salgai jarriko du bihar, irailak 15, udazkeneko arte eszenikoetako ordainpeko programazioa. Guztira, 61 ikuskizun izango dira Donostia Kulturaren antzoki eta kultur etxeetan: 28 kontzertu, 15 antzezlan, 5 dantza ikuskizun, haurrentzako 13 ikuskari eta bi jaialdi, Iturritik dantza jaialdi berria eta Fantasiazko eta Beldurreko Zinemaren 33. Astea.

Jarraian urriaren 28a eta azaroaren 4a bitartean ospatuko den Fantasiazko eta Beldurrezko Zinemaren 33. Astean Sail Ofizialean lehiatuko diren zenbait film luzeren aurrerapena.

Paul Urkijok zuzendutako bigarren film luzea, Irati (2022), izango da datorren urriaren 28an Donostiako Fantasiazko eta Beldurrezko Zinemaren 33. Asteari hasiera emango diona. Astea urriaren 28tik azaroaren 4ra bitartean garatuko da Antzoki Zaharrean, Victoria Eugenia Antzokian eta hiriko beste eszenatoki batzuetan.

Irailaren 8tik aurrera, Luis Gasca, komikia eta zinema erakusketa ikusi ahal izango da Okendo Kultur Etxean. Asier Mensurok eta Álvaro Ponsek komisariatu dute, KOLDO MITXELENA Kulturuneak (KMK) antolatu eta ekoitzi du Donostia Kulturarekin lankidetzan, eta Donostia Zinemaldiaren parte hartzearekin. Luis Gascaren irudia omentzen du erakusketak, KMKaren ondare bildumen parte den komikiaren munduari lotutako dokumentuen bildumaren bidez.

Selva Almada izango da aurtengo bigarren Literaktum Topaketaren protagonista. Donostiako Zinemaldiaren laguntzarekin egingo den jarduera Okendo Kultur Etxean izango da irailaren 19an, 19:00etan. Urte osoan zehar nazioartean ezagunak izan edo euren literatur ibilbideari saria jaso duten sortzaileen bisitak jasotzeko aukera ematen digute Topaketa hauek, azaroan izaten den Literaktum Jaialdiaren babesean.

Ekainaren 15ean Donostiako Fantasiazko eta Beldurrezko Zinemaren 33. Astean lanak aurkezteko epea irekiko da. Aurtengo jaialdia urriaren 28 eta azaroaren 4a bitartean egingo da. Izena emateko azken eguna abuztuaren 15a izango da.

Macarena Gómez aktorea izango da datozen hilabeteetan Donostiako Fantasiazko eta Beldurrezko 33. Astearen irudi ofiziala. Astea urriaren 28tik azaroaren 4ra bitartean izango da aurten.

KOLDO MITXELENA Kulturuneak (KMK) eta Donostia Kulturak / Beldurrezko Asteak, Donostia Zinemaldiarekin lankidetzan, LUIS GASCA: Komikiak eta zinema erakusketa antolatu dute, irailaren 8tik azaroaren 8ra zabalik Okendo Kultur Etxean.

Hermenautek liburu bat editatuko du Asterako, Antonio José Navarrok idatzia eta zinemako kanibalismoari eskainia; 2022ko Astearen programazioan jasoko den gaia, alegia.

Donostia Kultura V. Poesia Sariko argitalpena aurkeztu da gaur goizean, Izaskun Igoa Jaimerenaren Hotza bazkatzen.

Petros Márkaris Okendo Kultur Etxean izango da apirilaren 27an, 19:00etan, aurtengo Literaktum Topaketei hasiera emanez. Urte osoan zehar nazioartean ezagunak izan edo euren literatur ibilbideari saria jaso duten sortzaileen bisitak jasoko ditugu Literaktum Topaketetan euren lanak eta proiektuak, irakurleekin parteka ditzaten.

Nuestra libertad (Celina Escher; Suedia-El Salvador, 2021) filmak Giza Eskubideen 19. Zinemaldian Ikusleen Saria Film Luze Onenari lortu du.

E. F. A. Abidin Kaid Saleh – Mendebaldeko Saharako Ikus-entzunezko Prestakuntza Eskolak jasoko du Donostiako Giza Eskubideen 19. Zinemaldiaren Saria. Sariaren entrega ostiralean, apirilak 8, 20:00etan Victoria Eugenia Antzokian ospatuko den bukaera emanaldian izango da.

Afrika Behar Beharrezkoak, Bakerako Lankidetza Batzarreak, Proclade Yanapayk eta Tau Fundazioak osatutako partzuergoak, Afrotopia: Etorkizunez betetako kontinente baten begiradak eta ametsak argazki erakusketa antolatu du; Senegal, Niger eta Maliko 35 gaztek (12 emakume eta 23 gizon) parte hartzen duten proiektua, Héctor Mediavilla argazkilariak zuzendua.

Giza Eskubideen 19. Zinemaldiko En el ombligo – Diarios de guerra y paz en Colombia erakusketa irekita egongo da apirilak 1etik maiatzak 31era Fnac Donostian.