Albisteak eta abisuak

Euskarazko formatu txikiko antzerki sorkuntza eta ekoizpena bultzatzeko 2026ko Poltsiko Antzerki Sorkuntza programak baditu dagoeneko irabazleak. Jasotako proiektuen artean, epaimahaiak lehen saria eman dio Taxi antzezlanari, eta bigarren saria Euskal musikarekin, kontuz antzezlanari.

Urriaren 31n, ostirala, Gaua (2025) euskal ekoizpenak, Paul Urkijo Alijok zuzenduak, Donostiako Fantasiazko eta Beldurrezko Zinemaren 36. Astea inauguratuko du Kursaalen. Johannes Robertsen Primate (2025) film estatubatuarrak itxiko du Antzoki Zaharrean azaroaren 7an.

Bost emanaldi izango dira Altza, Loiola, Gros, Ibaeta eta Amarako elizetan. Indonesia, Ukraina, Letonia, Alemania eta Suediako koruak izango ditugu Donostian. Kontzertu guztiak debaldekoak izango dira.

Fantasiazko eta Beldurrezko Zinemaren 36. Asteak, Animedon. Donostiako Anime Topaketa sailaren barruan, hainbat jarduera antolatu ditu urriaren 31tik azaroaren 8ra bitartean japoniar animazioaren zaleentzat.

Azaroaren 10etik 23ra egingo da aurtengo Literaktum jaialdia, eta Niaren oihartzunak: bakardadea eta nortasuna aro globalean izango du lerro nagusi. Jaialdian parte hartuko duten lehen idazleak ezagutarazi dira: Juan José Millás,  Eider Rodriguez, Harkaitz Cano eta Laura Chivite.