Kultur Ekintza

Kultur etxeen sareak oinarrizko zutabea izaten jarraitzen du auzoetako eta Donostiako kultura-bizitzan. Elkartzeko eta sortzeko espazioak izanik, ekipamendu hauek kultura-dinamizatzaile eginkizuna betetzen jarraitu dute, herritarren eta askotariko erakunde publiko eta pribatuen arteko lankidetza bultzatuz.

2024an, kultur etxeek sendotu egin dute Donostiako kultura-bizitzaren erdigune gisa betetzen duten eginkizuna, gertutasunarekiko duten konpromisoari eutsiz eta tokiko sorkuntza bultzatzen jarraituz. Aurtengo datuek berretsi egiten dute urte bikaina izan dela, ekitaldi arrakastatsuekin eta publikoaren erantzun bikainarekin.