DK Bazkideak

2024. urte amaieran, 126.268 bazkide zituen Donostia Kulturak, aurreko urtean baino 5.095 txartel gehiagorekin. Bazkide horietatik % 60 emakumeak dira, eta % 76 Donostiako biztanleak. 45 eta 64 urte artekoen adin-tartea da nagusi, eta 30 eta 44 urte artekoena jarraian. Auzoen arabera, Amarak jarraitzen du izaten kultura-zerbitzuen erabiltzaile gehien duen barrutia (% 19); Amararen atzetik daude Gros (% 13), Antiguo-Ibaeta (% 11), Intxaurrondo (% 11) eta Altza (% 10).