San Telmo Museoa

2024a oso urte positiboa izan zen. San Telmo Museoak publikoaren erantzun bikaina jasotzen jarraitu zuen erakusketen eta bestelako jardueren arloan egin zituen proposamenetan, eta aurreko urtekoaren antzerakoa izan zen bisitarien guztizko zifra: 151.290 bisitari; horrela, aurrez gertatutako igoera nabarmenarekin jarraitu zuen. 2024. urtearen kasuan ere, azpimarratzekoa izan zen museoko bazkideen etengabeko babesa.

Hiru urteurrenek hartu zuten protagonismoa programazioan –Chillida, Basterretxea eta Martín Santos–, eta Galarza Funtsaren argazkiak eta Isabel Azkarateren lanaren lagin bat ere jarri zituen ikusgai.