Sorkuntzari babesa

Sorkuntza bultzatzea eta babestea lan-ardatz betea eta emankorra izan zen 2019an. Zeharkakoa da helburu hori, eta ia etxe honetako sail eta jarduera guztietara zabaltzen da: dantza, antzerkia, arte plastikoak, ikus-entzunezkoak, komunikazioa... hainbat proiekturen forma hartuz (egoitzaldiak, diru-laguntzak, lantegiak, tutoretzak, ekipamendu tekniko espezializatuak dituzten guneak, geure komunikabideak –esate baterako, irrati berria–, esponsorizazioa, bitartekaritza, kultur produktu berriak sortzea...) Ondoren, hona hemen horietako batzuei buruzko xehetasunak.