Giza Eskubideen Zinemaldia

Donostiako Giza Eskubideen Zinemaldia jarduera zirkular horietako bat da, hots, gaurkotasun bizi-biziko gai arantzatsuak biltzen dituen programa bati esker, berrelikatu egiten dena: gizarte-gogoetatik zinera, eta zinetik gizarte-gogoetara.

Emakumeen ahalduntzea, feminismoa eta politika, sexu-autodeterminaziorako eskubidea edo indarkeria sexista izan ziren 2019ko agendako ikuspuntu batzuk.

Urtez urte, jarduera honek gero eta ikus-entzuleria leialagoa du, eta erreferentea da kontatzen ez diren errealitateak ezagutarazterakoan.