Albisteak

Gaur eguerdian, Bokado jatetxean, 2026ko Donostiako Estropadetan denborarik onena lortu duten bi traineru gipuzkoarrei (bai emakumezkoen modalitatean bai gizonezkoenean) XI. ADEGI Saria eman zaie.Sariak 8000€-ko dotazio ekonomikoa du eta traineru baten erreprodukzioa garaikur gisa.

Orio Orialki (19:35,96) nagusitu da berriz ere Donostiako badian, eta garaipena lortu du 2026ko Kontxako Banderako bigarren jardunaldian. Garaipen horri esker, aurtengo Bandera ere irabazi du. Bere patroiak, Gorka Aranberri Etxeberriak, aurtengo edizioko patroi onenaren ADEGI saria irabazi du.

Donostia Arraun Lagunak taldea 2026ko Kontxako Banderako txapelduna izan da, Kontxako bosgarren Bandera bere palmaresari batuta. Donostiako traineruak 10:31,32ko denbora egin du gaurko estropadan, eta berriro erakutsi du badian indartsu dagoela, eta garaipena eskuratu du arrauneko hitzordu handietako batean. Aurtengo Patroi onenaren ADEGI Saria Nagore Osoro Larrañagarentzat -Donostia Arraun Lagunak klubeko patroia - izan da.

2026ko Kontxako Banderaren lehen jardunaldiak sailkapenaren buruan utzi ditu Donostia Arraun Lagunak (10:49,68) - emakumezkoen modalitatean - eta Orio Orialki (19:51,60) - gizonezkoen modalitatean -, eta postu ezin hobean bigarren eta behin betiko jardunaldiari begira.

San Juan - CMO Valveseko eskifaiak denborarik onena egin du, 10:57,06, eta Kontxako Banderako emakumezkoen sailkatze estropadan nagusitu da. Guztira 19 traineruk hartu dute parte proban, eta zazpi plaza zeuden jokoan hurrengo bi igandeetako estropadak jokatzeko.