Albisteak

Donostiako Giza Eskubideen Zinemaldiak eta Munduko Medikuek sari berezi bat sortu dute Luis Valtueña Argazkilaritza Humanitarioko 30. Nazioarteko Sariaren baitan, 2027ko apirilaren 9tik 16ra bitartean egingo den Giza Eskubideen 24. Zinemaldiko kartel ofizial bihurtuko den argazkia aukeratzeko.

Fantasiazko eta Beldurrezko Zinemaren 37. Asteko Hyakki yagyō: Ehun deabruen gaueko desfilea erakusketa irekita egongo da urriak 30etik azaroak 15era Udal Liburutegiko Ekitaldi Aretoan (San Jeronimo).

Hermenaute argitaletxeak —Mikro bildumaren baitan— eta Beldurrezko Asteak lankidetzari ekin diote berriro aurtengo edizioan El cuerpo como abismo. Exploración sobre el body horror cinematográfico liburua argitaratzeko. Liburuak, Antonio José Navarro zinema-kazetari eta -historialariak idatziak, gaurkotasun handiko azpigenero hau izango du ardatz.

Samantha Hudson abeslaria, itsas izaki mutante bihurtua, 2026ko Beldurrezko Astearen (urriak 30 - azaroak 6) kartel ofizialeko protagonista da, eta bere iruditik zeharkatuko du body horror azpigeneroaren leitmotivak edizio hau.

Ekainaren 15ean Donostiako Fantasiazko eta Beldurrezko Zinemaren 37. Astean lanak aurkezteko epea irekiko da. Aurtengo jaialdia urriaren 30a eta azaroaren 6a bitartean egingo da. Izena emateko azken eguna abuztuaren 18a izango da.