Zinemaren jatorria (I). Flipbook-a Harrobideo

Larrotxene Bideoren eskutik, Harrobideo ikus-entzunezko sormen programa abiatu zen pasa den ikasturtean, zinemagintza, modu ludiko, esperimental eta kolektiboan lantzeko helburuarekin. 8–12 urteko haurrei zuzendua, Larrotxene Kultur Etxean egingo da, hilean bi larunbatetan, saio bakoitza 2 ordukoa izanik.

Lehenengo saioan, Zinema nola sortu zen ezagutuko dugu, mugimenduaren ilusioa sortzen duten hainbat asmakizun eta jostailu optikotatik abiatuta. Gure flipbook-ak sortuko ditugu, irudi-segida baten bidez mugimenduaren ilusioa nola sortzen den esperimentatzeko. Bigarren saioa ere izango da:  Zinemaren jatorria (II). Trikimailu ezinezkoa

Oharra: Doakoa, izen-ematea urriaren 8ko 16:00etatik aurrera egin ahal izango da webgunean (saio honen fitxan automatikoki azalduko den matrikulatzeko botoiaren bidez). Jarduera horiek guztiek prestakuntza-ibilbide osoa osatzen dute, baina saio independente gisa ere funtziona dezakete, jarraitutasun-konpromisorik gabe. Saio honetan parte-hartzeko derrigorrezkoa izango da onartzea Donostia Kulturaren adingabeen irudiak eta irudi-grabaketak erabiltzeko baimenaren agirian jasotakoa.