Hizkuntzak
Aholkularitza eta alokairua
Larrotxene Bideok eskaintzen dituen zerbitzuen artean ikus-entzunezko proiektuen sustapena dago.
Aholkularitza
Aholkularitzaren helburua, ikus-entzunezko egitasmoak garatzeko interesa duten pertsonak orientatzearena da. Horrela, alde batetik gidoien analisia eskaintzen dugu eta bestetik, aurreprodukzio-prozesuaren edozein fasetarako laguntza: plangintza, castinga, lokalizazioak, Storyboarden sormena, edo finantziazio bilaketa, besteak beste.
Ekipoen alokairua
Larrotxene Bideon ikus-entzunezko piezak grabatzeko materiala alokatzeko zerbitzua eskaintzen dugu.
- Bideoa grabatzeko materiala.
- Soinua erregistratzeko materiala.
- Argiztapen-materiala.
- Ikus-entzunezko osagarriak eta euskarriak.
Gainera, zentroan edizio-gela bat dute erabiltzaileen eskura audioaren eta bideoaren muntaia eta postprodukzioa egiteko.
Maileguari dagokionez, ikus-entzunezko materiala bi multzotan banatzen dugu:
- Hasiberri: inolako ezagutza edo oinarrizko ezagutza duten interesdunei zuzenduta.
- Aditu: ikus-entzunezko ikasketak egiten edo dagoeneko dituzten, edo profesionalizazio bidean dauden interesdunei zuzenduta.
Zentzu horretan, material lagapena onartzeko, egitasmoek izan behar duten oinarrizko ezaugarria proiektu ez profesionala izatearena da.
Materialaren alokairua eskatzeko prozedura
Egitasmoak ebaluatzeko eta dagokion multzoa zehazteko, interesdunei egitasmoaren gidoi literarioa eta txostena eskatuko zaie. Txosten honek bost orrialde izango ditu gehienez eta honakoak jasoko dira:
- Egitasmoaren definizioa eta ezaugarriak.
- Ekoizpen plan orokorra.
- Beharrizan teknikoak eta lantalde mailakoak.
- Lantaldearen curriculum edo biografia laburra.
Horien arabera, interesdunaren egitasmoa Hasiberri edo Aditu bilakatuko da. Horretarako, komite batek egingo du dokumentazioaren azterketa eta horren arabera hartuko du erabakia. Erabakia hartzeko, honakoak hartuko dira kontuan:
- Egitasmoaren interesa.
- Gidoiaren kalitatea.
- Egitasmoaren bideragarritasuna.
- Ekoizpenaren plangintza eta egutegia.
- Lantaldearen esperientzia maila.
Egitasmoa onartua izan ondoren, interesdunek 300 euroko fidantza gordailutu beharko dute, eta lagapen akodioa sinatu. Behin egitasmoa amaituta dagoenean, fifdantza itzulia izango da beti ere, materiala kalterik gabe itzulia bada.
Alokairu zerbitzuaren eskaera eta materialaren bidalketa helbide elektroniko honetan egin daiteke.
