Liburutegiak

Urte oso ona izan zuen 2023an Donostiako liburutegien sareak; hiru adierazleetan izan zuen igoera aurreko urteko datuekin alderatuta: mailegu, bisitari eta jarduera kopuruetan, alegia.

%10,5eko igoera izan zuen mailegu kopuruak; 450.321 mailegu egin zen guztira.

786.252 lagunek bisitatu zituzten liburutegiak, aurreko urtean baino % 19 gehiagok eta, azkenik, irakurketaren eta literaturaren inguruko 2.009 jarduera antolatu ziren, 2022an baino % 37,3 gehiago.