Corizonas + Los Premodernos

Indie rock boskoteak Corizonas III disko berria aurkeztuko du.

2010ean Los Coronas eta Arizona Baby taldeen elkartzearen emaitza da Corizonas. Elkarrekin Dos Bandas y un Destino bira egitea erabaki zutenean hasi zen dena. Ingelesaren eta gaztelaniaren artean txandakatuz, 2011n talde berriak bere lehen LP-a atera zuen, The News Today, eta hurrengo urtean I Wanna Believe EP-a grabatu zuen. Lan horiei esker, Radio 3-en 2011ko zuzeneko onenaren saria eta MTVren European Music Awards sarietako espainiar artista onenaren izendapena lortu zituen.

2016an, Nueva Dimensión Vital diskoarekin itzuli zen. Gaztelaniazko lehen diskoa izan zen, eta Mad Cool eta Sonorama lehiaketetan jo zuen. 2017an bigarren EParen txanda izan zen, Más allá, psikodelia eta kosmologiako zazpi abestirekin. 2020an, taldean aldaketak izan ondoren, single berria iragarri zuen, Nubes negras, Corizonas III (2021) diskoaren aurrerapena, non rock pultsio benetakoena eta kostunbristena berreskuratzen duen. 2023an, El diablo dijo sí singlea kaleratu zuen taldeak, fabula zorrotz bat country-rock erritmoan.

Xabier Alvarezek (ahotsa eta gitarra), Carlos Barojak (teklatua eta koruak), Ekain Mitxelenak (baxua) eta Eugenio Rubiok (gitarra) osatutako rock talde donostiarra da Los Premodernos. Musikagelako (Donostia) entsegu-aretoetan egiten zuten bat, The Rock Sifredi Band eta Gran Yate Especial taldeetan entseatzen ari zirela. 2016an elkartzea erabaki zuten, buruan zituzten gaztelaniazko rock-roll doinuei forma emateko.

2021eko abenduan, lehenengo singlea argitaratu zuten, Peso Pesado eta Malena abestiekin, eta oraingoan, Laboratorio Secreto aurkeztu dute. Munduari erakutsi nahi dioten 5 kantuko EP bat!!

Los Premodernos-ek rock-and-rolla erabiltzen dute bizitzari buruz duten ikuspegia transmititzeko. Humanistak, analogikoak eta sentimentalak dira. Mahai ona eta elkarrizketa ona maite dituzte, aro digitalari dagozkion berehalakotasunaren eta nonahikotasunaren diktaduratik ihes egiten saiatuz.