Urteak bete, abenturak bizi! Pirritx, Porrotx eta Marimotots

Oharra: Intxaurrondoko eskoletako ikasleek lehentasuna izango dute sarrera salmentan jarduera auzoan euskara sustatzeko ekimena delako.
Soberan gelditzen diren sarrerak azaroaren 23an jarriko dira salgai, 11:30etan, Victoria Eugenia eta Antzoki Zaharreko leihatilean eta donostiakultura.eus/sarrerak webgunean.

35 urte beteko ditugu pailazo taldeak eta horren ospakizuna izango da saioa. Sudurgorrion bizitzan lagun egin ditugun hainbat etorriko dira bisitan ospakizunean parte hartzera. Kantua, dantza eta denon parte-hartzea ez da faltako, ezta tarte erraldoia ere… Urteak betetzea garrantzitsua bada, are gehiago abenturak bizitzea!... eta hori izango da gure ospakizuna, beste abentura bat bizitzea!