Albisteak

Ikasturteko bigarren lauhilabeteari begira, kultur etxeek matrikula zabalik dute urtarrilaren 31 arte oraindik plazak dituzten ikastaroetan. Interesdunek webgunearen bitartez eta kultur etxeetan dute matrikula egiteko aukera.

Kimika Fakultatearen 50. urteurrena dela eta, Euskal Herriko Unibertsitateak (EHU), Materialen Fisika Zentroak (MFZ) eta Donostia Kulturak 10 saioko solasaldi-zikloa antolatu dute. Saioak 2025ean zehar egingo dira, hilean behin, Ernest Lluch Kultur Etxean; lehena urtarrilaren 14an izango da, 19:00etan, Pedro. M. Echenique ren eskutik.

2025ean Ernest Lluch Kultur Etxeak Erakusleihoa zikloari ekingo dio berriz. Erakusleihoa 2004an jarri zen martxan, eta sorkuntza artistikoari buruzko formatu txikiko ikuskizunak programatzea du xede. Urtarrilean zehar hiru ikuskizun antolatu dira: Fràgil, Cía. María Andrés eskutik hilaren 10ean; Itzal(iko) bagina, Lankurena, hilaren 24an; Hitza hots, Karlos Giménez eta Nerea Gorritirena hilaren 31n.

Hona hemen Donostia Kulturako guneen ordutegia abenduaren 21etik urtarrilaren 6ra bitartean.

Literaktum letren jaialdiak azaroaren 11tik 24ra du aurtengo hitzordua. Sail eta proposamen berriekin eta, ohi denez, kolaborazio-sare zabalarekin gauzatuko da.