Albisteak eta oharrak

Oihua! lehiaketak jarraitzen du jatorrizko helburuari eutsiz: euskarazko beldurrezko eta fantasiazko film laburren sorkuntza sendotzea. Larrotxene Bideoren egitasmoak Euskara Zerbitzuaren babesa du, eta urtetik urtera sona handiagoa hartzen ari da. Film laburra 2026ko Donostiako Fantasiazko eta Beldurrezko Zinemaren 37. astean estreinatuko da.

Euskarazko formatu txikiko antzerki sorkuntza eta ekoizpena bultzatzeko 2026ko Poltsiko Antzerki Sorkuntza programak baditu dagoeneko irabazleak. Jasotako proiektuen artean, epaimahaiak lehen saria eman dio Taxi antzezlanari, eta bigarren saria Euskal musikarekin, kontuz antzezlanari.

V. Literaktum Txikiak Ilustrazio Lehiaketa antolatu da Lehen Hezkuntzako haurrentzat (6-12 urte). Epea urriaren 27tik azaroaren 11ra egongo da zabalik.

Donostia Kulturako 2025-2026 ikastaroetan oraindik matrikulatzeko aukera dago.

Balea Zuria argitaletxeak, Donostia Kulturaren laguntzarekin, DK poesia lehiaketaren 9. edizioaren oinarriak argitaratu ditu. Helburua euskarazko poesia zabaldu eta idazle gazteen lanari bultzada ematea da: 35 urte bete gabe dituzten egile berriei zuzendutako lehiaketa da.