Hizkuntzak
50 urte kimika zabaltzen: hitzaldi zikloa Ernest Lluchen
Kimika Fakultatearen 50. urteurrena dela eta, Euskal Herriko Unibertsitateak (EHU), Materialen Fisika Zentroak (MFZ) eta Donostia Kulturak 10 saioko solasaldi-zikloa antolatu dute. Saioak 2025ean zehar egingo dira, hilean behin, Ernest Lluch Kultur Etxean; lehena urtarrilaren 14an izango da, 19:00etan, Pedro. M. Echenique ren eskutik.
Ziklo honetan Kimika Fakultateko kideak Fakultatean ikertzen diren hainbat gairen inguruan arituko dira Ernest Lluch Kultur Etxean publiko orokorrari irekitako hitzaldietan. Esan bezala, hilabetean behin izango dira eta Materialen Fisika Zentroko komunikazio arduradun den Idoia Mugika arituko da aurkezle lanetan. Saio guztiak 19:00etan hasiko dira.
Hizlarien artean profil askotariko Fakultateko kideak izango dira; hala nola, Euskadi Ikerkuntza saridunak, proiekzio handiko ikertzaile gazteak eta zientziaren zabalkuntzan adituak.
Solasaldien audioak Donostia Kultura Irratiko podcastetan webgunean ere entzun ahalko dira.
Hitzaldi sorta
- Urtarrilak 14. Pedro M. Echenique: Ciencia. Belleza. Futuro
- Otsailak 11. Jose M. Asua: Polímeros y desarrollo sostenible
- Martxoak 11. Daniel Reta: ¿Todo eso con electrones?
- Apirilak 8. Ana Beloqui eta Lide Arana: Bizidunen mundua: Bioteknologiaren aurrerapenak / Seres vivos: avances en biotecnología
- Maiatzak 13. Sara Barja: Explorando la materia átomo a átomo
- Ekainak 10. Jesus M. Ugalde: Ideien Kimika. Unibertso Kimikoaren azken muga
- Irailak 23. Haritz Sardon: Garapen jasangarrirako Polimeroak
- Urriak 14. Ane Bordagaray eta Jon M. Matxain: Koloreen Kimika
- Azaroak 25. Zoraida Freixa: La Química de los Metales
- Abenduak 16. Fernando Cossio: Fármacos de nueva generación
