Albisteak

Film laburrik onena aukeratuko dute gai sozialak lantzen dituen nazioarteko lehiaketan. Gazte Epaimahaian parte hartzeak unibertsitateko kredituak lortzeko aukera ematen du. Izen-emate epea martxoaren 17ra arte zabalik da.

Gaur, azaroak 10, apirilaren 21etik 28ra arte ospatuko den Giza Eskubideen 20. Zinemaldian film laburrak eta film luzeak inskribatzeko epealdia ireki da. Izena emateko azken eguna urtarrilaren 8a izango da.

Joan den ostiralean, azaroaren 4an, amaitu ziren Donostiako Fantasiazko eta Beldurrezko Zinemaren 33. Asteko filmen proiekzioak. Publiko ugari bertaratu da aurtengo ediziora; ikusle kopururik handiena azken bederatzi urteetan.

Fantasiazko eta Beldurrezko Zinemaren 33. Astean ospatu den Fanzineen Gerrako irabazlea izan da Spooky Magazine.

Irati (Paul Urkijo Alijo, 2022) film luze Fantasiazko eta Beldurrezko Zinemaren 33. Asteko Ikusleen Saria irabazi du. Astea Antzoki Zaharrean amaituko da gau honetan The Offering (Abyzou) (2022) pelikularen proiekzioarekin.